वृत्तसंस्था
नवी दिल्ली : सरकारने मार्च 2023 मध्ये वस्तू आणि सेवा कर (GST) मधून 1.60 लाख कोटी रुपये जमा केले आहेत. वार्षिक आधारावर सुमारे 13% वाढ झाली आहे. गेल्या वर्षी मार्च 2022 मध्ये 1.42 लाख कोटी रुपयांचे जीएसटी संकलन झाले होते. तर एक महिन्यापूर्वी फेब्रुवारी 2023 मध्ये ते 1.49 लाख कोटी रुपये होते.GST collection at 1.60 lakh crore in March : 13% growth on YoY basis, was 1.49 lakh crore in February
अर्थ मंत्रालयाच्या म्हणण्यानुसार, या GST संकलनात CGST मधून 29,546 कोटी रुपये, SGST मधून 37,314 कोटी आणि IGST म्हणून 82,907 कोटी रुपये जमा झाले आहेत. IGSTच्या रकमेत, वस्तूंच्या आयातीवर कर म्हणून 42,503 कोटी रुपये जमा झाले आहेत. मार्च-2023 मध्ये आतापर्यंतचे सर्वाधिक IGST संकलनही झाले आहे. या महिन्यात एकूण उपकर संकलन 10,355 कोटी रुपये होते, ज्यामध्ये वस्तूंच्या आयातीतून जमा झालेल्या 960 कोटी रुपयांचा समावेश आहे.
आतापर्यंतचे दुसरे सर्वोच्च GST संकलन
2022-23 या आर्थिक वर्षात एप्रिल महिन्यात सर्वाधिक जीएसटी संकलन झाले. एप्रिलमध्ये ते 1.67 लाख कोटी रुपये होते. यानंतर, मार्च 2023 मध्ये सर्वाधिक जीएसटी संकलन 1.60 लाख कोटी रुपये होते, जे आतापर्यंतचे दुसरे सर्वोच्च जीएसटी संकलन आहे. मार्च 2023 मध्ये आतापर्यंतचे सर्वाधिक GST रिटर्नदेखील सादर केले गेले आहेत.
2022-23 मध्ये कसे होते GST संकलन?
जर आपण संपूर्ण आर्थिक वर्ष 2022-23 पाहिले तर एकूण 18.10 लाख कोटी रुपयांचे जीएसटी संकलन झाले आहे. या आधारे, दरमहा जीएसटी संकलनाचा सरासरी आकडा 1.51 लाख कोटी रुपये आहे. दुसरीकडे, आर्थिक वर्ष 2022-23 मध्ये GST चा एकूण महसूल मागील आर्थिक वर्ष 2021-22 पेक्षा 22% अधिक आहे.
GST collection at 1.60 lakh crore in March : 13% growth on YoY basis, was 1.49 lakh crore in February
महत्वाच्या बातम्या
- बिहारमध्ये हिंसाचार सुरूच; सासाराममध्ये बॉम्बस्फोट तर गोळीबाराच्या आवाजाने नालंदामध्ये दहशत, संचारबंदीही लागू!
- धक्कादायक : ‘एलिझा’ चॅटबॉटसोबत सहा आठवडे बोलल्यानंतर बेल्जियममधील व्यक्तीची अखेर आत्महत्या!
- राहुल गांधींच्या अडचणीत वाढ! आणखी एक मानहानीचा खटला हरिद्वार न्यायालयात दाखल
- नाशिकमधील वेदोक्त प्रकरण; संयोगिता राजेंच्या भूमिकेला संभाजीराजेंचा पाठिंबा