गँगस्टर अतिकचा शूटर गुड्डू मुस्लिम नाशिकमध्ये लपल्याचा संशय, यूपी पोलिसांची रात्री उशिरा अनेक ठिकाणी छापेमारी

प्रतिनिधी

प्रयागराज/नाशिक : उत्तर प्रदेशातील प्रयागराजमध्ये अतिक अहमद आणि अशरफ अहमद यांच्या हत्येनंतर आता पोलिसांनी गुड्डू मुस्लिमाचा शोध तीव्र केला आहे. असे मानले जाते की गुड्डू मुस्लीम नाशिक येथे लपला आहे. यासंदर्भात यूपी एसटीएफने रात्री उशिरा नाशकात अनेक ठिकाणी छापे टाकले.Gangster Atiq’s shooter Guddu Muslim suspected to be hiding in Nashik, UP police raided many places late at night

नाशकातून एक जण ताब्यात

असद अहमदच्या एन्काउंटरनंतर स्पेशल टास्क फोर्स त्याला आश्रय देणाऱ्यांचा शोध घेत आहे. जे कोणी असद आणि गुड्डू मुस्लिम यांच्या संपर्कात होते, त्यांचाही तपास पोलीस करत आहेत. अशा स्थितीत नाशिक येथील एका हॉटेलमध्ये काम करणाऱ्या व्यक्तीला पोलिसांनी चौकशीसाठी ताब्यात घेतले. नाशिकच्या अंबड पोलिस ठाण्यात रात्री उशिरापर्यंत त्याची चौकशी सुरू होती. असद अहमद आणि गुड्डू यांच्या ओळखीच्या कोणाशी तरी या व्यक्तीने फोनवर बोलणे केले होते.

---

• द फोकस एक्सप्लेनर : गँगस्टर अतिक अहमदच्या 44 वर्षांच्या गुन्ह्यांची कहाणी, दहशतीचा एका मिनिटात झाला अंत

---

एसटीएफच्या पथकाने शनिवार आणि रविवारी मध्यरात्रीपर्यंत शोध घेतला. शनिवारी रात्री अतिकचा भाऊ अशरफ यानेही पत्रकारांशी बोलताना गुड्डू मुस्लिमचे नाव घेतले होते. अतिकवर गोळी झाडण्यापूर्वी त्याच्या शेजारी असलेला त्याचा भाऊ अशरफ मीडियासमोर गुड्डू मुस्लिमचे नाव घेत होता. अशरफ फक्त ‘बात ये है की गुड्डू मुस्लिम…’ एवढेच बोलू शकला, त्यानंतर हल्लेखोरांनी गोळीबार करून त्याची हत्या केली.

उमेश पालच्या हत्याकांडात गुड्डू मुस्लिमने एकामागून एक अनेक बॉम्बस्फोट घडवून आणले होते. गुड्डू मुस्लिमला बमबाज गुड्डू असेही म्हणतात. अतिकचा मुलगा असद याच्या एन्काउंटरनंतर गुड्डू मुस्लिमला पकडण्याचे प्रयत्न तीव्र झाले आहेत. उमेशच्या हत्येची भीषण घटना घडल्यानंतर गुड्डू मुस्लिम आणि त्याचे साथीदार फरार आहेत. असद आणि गुलाम यांना चकमकीत ठार केल्यानंतर, यूपी एसटीएफने आता गुड्डू मुस्लिमाचा शोध तीव्र केला आहे. पोलिसांनी शुक्रवारीही गुड्डू मुस्लिमांच्या अनेक ठिकाणी छापे टाकले होते.

उमेश पाल यांच्या हत्येतील पाच आरोपींचा मृत्यू झाला आहे. पोलिसांनी यापूर्वी धुमनगंज पोलीस ठाण्यात एका आरोपीचे एन्काउंटर केले होते. यानंतर अतिकचा मुलगा असद आणि शूटर गुलाम यांची झांशीमध्ये चकमक झाली. दुसरीकडे काल रात्री अतिक आणि त्याचा भाऊ असद यांची मीडिया आणि पोलिसांसमोर तरुणांनी गोळ्या झाडून हत्या केली. त्याचबरोबर या खून प्रकरणातील आरोपी गुड्डू मुस्लिम हा अद्याप फरार असून, त्याचा शोध सुरू आहे. यादरम्यान गुड्डू मुस्लिमचेही एन्काउंटर झाल्याची माहिती समोर आली होती. मात्र, पोलिसांनी हा दावा फेटाळून लावला.

Gangster Atiq’s shooter Guddu Muslim suspected to be hiding in Nashik, UP police raided many places late at night

महत्वाच्या बातम्या 

• द फोकस एक्सप्लेनर : गँगस्टर अतिक अहमदच्या 44 वर्षांच्या गुन्ह्यांची कहाणी, दहशतीचा एका मिनिटात झाला अंत
• अतीकच्या हत्येने तुटला “तो” धागा; अतीक तपास यंत्रणांना देणार होता ISI – दहशतवादी गटांच्या nexus ची माहिती!!
• प्रयागराज मधील दहशतीचा अंत; अतीक अहमद, अशरफ अहमद यांची तिघांकडून निर्घृण हत्या; अतीक आयएसआय, लष्कर ए तैय्यबाशी संबंधी देणार होता माहिती!!
• BREAKING NEWS : माफिया डॉन अतिक अहमदची भाऊ अशरफसह गोळ्या झाडून हत्या!