वृत्तसंस्था
नवी दिल्ली : गदर 2 ने बॉक्स ऑफिसवर ‘गदर’ केला आहे. सनी देओलचा चित्रपट बॉक्स ऑफिसवर दररोज रेकॉर्डब्रेक कमाई करत आहे. पण पाचव्या दिवशी चित्रपटाने केलेले कलेक्शन चित्रपट समीक्षकांच्या कल्पनेपलीकडचे आहे. गदर 2 ने स्वातंत्र्य दिनाची सुटीत कॅश केली. या चित्रपटाने 55 कोटींचे धमाकेदार कलेक्शन केले आहे.Gadar 2 Creates History, Breaks Records With Bumper Earnings On Independence Day, Joins 200 Crore Club
गदर 2 ची दमदार कमाई
गदर 2 च्या कमाईचा हा आकडा आश्चर्यकारक आहे. खऱ्या अर्थाने सनी देओलने ‘गदर’ बनवला आहे. या चित्रपटाने ५व्या दिवशी सर्वाधिक कमाई केली आहे. गदर 2 ने स्वातंत्र्यदिनी जबरदस्त कलेक्शन करून इतिहास रचला आहे. शुक्रवारी 40 कोटींची ओपनिंग घेणाऱ्या गदर 2 ने दुसऱ्या दिवशी 43.08 कोटी कमावले. रविवारी तिसऱ्या दिवशी या चित्रपटाने 51.7 कोटींची जबरदस्त कमाई केली.
सनी देओलचा चित्रपट सोमवारीही विक्रमी ठरला. चौथ्या दिवसाची कमाई 38.7 कोटी होती. पाचव्या दिवसाच्या व्यवसायातून गदर 2 ने बॉक्स ऑफिस कलेक्शन किती जबरदस्त आहे हे सिद्ध केले. सुरुवातीच्या ट्रेंडनुसार, गदर 2 ने मंगळवारी (5 व्या दिवशी) 55 कोटींची कमाई केली. यासह चित्रपटाचे एकूण 5 दिवसांचे कलेक्शन 228 कोटी झाले आहे.
गदर 2 ने मोडले रेकॉर्ड
सनी देओलच्या चित्रपटाने 200 कोटींच्या क्लबमध्ये प्रवेश केला आहे. चित्रपटाचे इतके अप्रतिम कलेक्शन हे निर्माते, स्टारकास्ट आणि चाहत्यांसाठी मोठ्या ट्रीटपेक्षा कमी नाही. 22 वर्षांनंतर सनीच्या या चित्रपटाला मिळालेला उदंड प्रतिसाद वाखाणण्याजोगा आहे. सनीचा हा चित्रपट सर्वात जलद 200 कोटी कमावणारा चित्रपट ठरला आहे. इतर ब्लॉकबस्टर चित्रपटांच्या तुलनेत पठाणने 4 दिवसांत 212.5 कोटी कमावले. KGF 2 (हिंदी) ने 5 दिवसात 229 कोटी जमा केले. तर बाहुबली 2 ने 6 दिवसात 224 कोटींची कमाई केली होती. गदर 2 चे 5 दिवसांचे अधिकृत कलेक्शन 228 पेक्षा जास्त असण्याची अपेक्षा आहे. असे झाल्यास, सनी देओलचा चित्रपट पटकन 200 कोटी कमावणारा, दुसरा सर्वात मोठा चित्रपट ठरेल.
अनेक वर्षांपासून बॅक टू बॅक फ्लॉप चित्रपटांनी त्रस्त असलेल्या सनी देओलच्या करिअरसाठी गदर 2 संजीवनी म्हणून आला आहे. गदर 2 हा सनीचा 200 कोटींची कमाई करणारा पहिला चित्रपट आहे. सनी देओलचा हा चित्रपट 2023 मधील दुसऱ्या क्रमांकाचा सर्वाधिक कमाई करणारा चित्रपट ठरणार आहे. सध्या टॉपवर द केरला स्टोरी आहे, ज्याचे कलेक्शन 242 कोटी आहे. गदर 2 च्या अलीकडच्या कमाईचा विचार करता हा आकडा पार करणे अगदी सोपे दिसते.
Gadar 2 Creates History, Breaks Records With Bumper Earnings On Independence Day, Joins 200 Crore Club
महत्वाच्या बातम्या
- स्वातंत्र्यदिनी गोव्यातील जनतेला भेट, सरकारी रुग्णालयात मोफत IVF असणारे देशातील पहिले राज्य
- बुर्ज खलिफावर झळकला तिरंगा; ‘हर घर तिरंगा’ आणि ‘जय हिंद’ केले प्रदर्शित; दिल्लीत राष्ट्रपती भवन, संसदही निघाली उजळून
- ब्रिटनमध्ये मोरारी बापूंची रामकथा, PM ऋषी सुनक यांचीही हजेरी; म्हणाले- पंतप्रधान म्हणून नाही, हिंदू म्हणून आलो!
- निष्ठावंत नेत्यांना 75 व्या वर्षी निवृत्त करणारे भाजपचे बॉस पवारांना 83 व्या वर्षी कुठली ऑफर देतील??