विशेष प्रतिनिधी
नवी दिल्ली : पंतप्रधान नरेंद्र मोदी यांच्या नेतृत्वाखाली एनडीए सलग तिसऱ्यांदा केंद्रात सरकार स्थापन करणार आहे. मात्र, गेल्या दोन निवडणुकांप्रमाणे यंदा भाजपला स्वबळावर बहुमत मिळवता आलेले नाही. असे असले तरी एनडीएने 290 हून अधिक जागा जिंकल्या आहेत. यासह केंद्रात सलग तिसऱ्यांदा एनडीएचे सरकार स्थापन होणार आहे. From Meloni to Muijju… Congratulations to PM Modi
यासह मोदींनी देशाचे पहिले पंतप्रधान जवाहरलाल नेहरू यांच्या विक्रमाची बरोबरी केली आहे. आतापर्यंत सलग तीन वेळा सत्तेवर आलेले जवाहरलाल नेहरू एकमेव पंतप्रधान होते.
तिसऱ्यांदा पंतप्रधान झाल्याबद्दल जगभरातील राष्ट्रप्रमुखांनी मोदींचे अभिनंदन केले आहे. मालदीवचे अध्यक्ष मोहम्मद मुइज्जू यांनी X वर लिहिले, 2024 च्या निवडणुकीत सलग तिसऱ्यांदा यशस्वी झाल्याबद्दल पंतप्रधान नरेंद्र मोदी, भाजप आणि NDA यांचे अभिनंदन. दोन्ही देशांच्या सामायिक समृद्धीसाठी मी एकत्र काम करण्यास उत्सुक असल्याचे ते म्हणाले.
इटलीच्या पंतप्रधान जॉर्जिया मेलोनी यांनीही पंतप्रधान मोदींचे अभिनंदन केले. त्यांनी X वर लिहिले, नवीन निवडणूक विजयासाठी आणि चांगल्या कामासाठी शुभेच्छा. हे निश्चित आहे की इटली आणि भारताला एकत्र आणणारी मैत्री आणि आपल्या राष्ट्रांच्या आणि लोकांच्या कल्याणाशी संबंधित मुद्द्यांवर आम्ही एकत्र काम करत राहू.
भूतानचे पंतप्रधान शेरिंग तोबगे म्हणाले की, ते भारतासोबतचे संबंध अधिक दृढ करण्यासाठी उत्सुक आहेत. ते म्हणाले की, जगातील सर्वात मोठ्या निवडणुकीत ऐतिहासिक विजय मिळवल्याबद्दल माझे मित्र पंतप्रधान मोदी आणि एनडीएचे अभिनंदन. ते भारताला नव्या उंचीवर नेत आहेत. आपल्या दोन्ही देशांमधील संबंध अधिक दृढ करण्यासाठी मी त्यांच्यासोबत काम करण्यास उत्सुक आहे.
श्रीलंकेचे अध्यक्ष रानिल विक्रमसिंघे यांनीही त्यांचे अभिनंदन केले आहे. त्यांनी लिहिले, एनडीएच्या विजयाने पंतप्रधान नरेंद्र मोदी यांच्या नेतृत्वाखाली भारतीय जनतेचा प्रगती आणि समृद्धीवर विश्वास दाखवला आहे. श्रीलंका, आपला सर्वात जवळचा शेजारी असल्याने, भारतासोबतची भागीदारी आणखी मजबूत करण्यासाठी उत्सुक आहे.
लोकसभा निवडणुकीत भाजपने 240 जागा जिंकल्या आहेत. तर एनडीएला 292 जागा मिळाल्या आहेत. 2019च्या तुलनेत यावेळी एनडीएला मोठा फटका बसला आहे. गेल्या निवडणुकीत एनडीएने 350 हून अधिक जागा जिंकल्या होत्या. तेव्हा भाजपने स्वबळावर 303 जागा जिंकल्या होत्या.
From Meloni to Muijju… Congratulations to PM Modi
महत्वाच्या बातम्या
- निकालाआधीच उद्धव ठाकरेंना झटका; 20 मेच्या पत्रकार परिषदेप्रकरणी निवडणूक आयोगाचे कारवाईचे आदेश
- मुंबईत IAS अधिकाऱ्याच्या मुलीची आत्महत्या; 10व्या मजल्यावरून उडी मारून संपवले जीवन, सुसाईड नोटही सापडली
- नेहरूंनी हॅटट्रिक केली, राजीव 400 पार गेले, तेव्हा लोकशाही “टिकून” “बळकट” झाली; पण मग मोदींनी हॅटट्रिक केली तर…??
- फडणवीसांच्या निकटवर्ती नेत्याचा ठाकरेंशी संपर्क की माध्यमेच फेक न्यूज देऊन टीआरपी वाढविण्यात दंग??