विशेष प्रतिनिधी
नवी दिल्ली : दिल्लीसह उत्तर आणि मध्य भारतातील लोकांना पुढील पाच दिवस थंडीपासून दिलासा मिळणार नाही. हवामान खात्याने (IMD) दिलेल्या माहितीनुसार, २६ जानेवारीनंतर दिल्लीत थंडीची तीव्र लाट येण्याची शक्यता आहे. Freezing temperatures can be in Delhi
आयएमडीचे वरिष्ठ शास्त्रज्ञ आरके जेनामानी यांनी सांगितले की, पावसाची शक्यता नाही पण थंड वारे सुरूच राहतील. दिल्ली, पंजाब आणि हरियाणामध्ये २ फेब्रुवारीपर्यंत पावसाची शक्यता नाही आणि वेस्टर्न डिस्टर्बन्स आणखी पूर्वेकडे सरकला आहे, असेही ते म्हणाले.
हवामान खात्याच्या निवेदनानुसार दिल्ली, उत्तर प्रदेश, हरियाणा, पंजाब, उत्तराखंड, मध्य प्रदेश, गुजरात आणि राजस्थानमध्ये पुढील पाच दिवस तापमानात तीन ते पाच अंशांनी घट होण्याची शक्यता आहे.
२५ आणि २६ जानेवारी रोजी सकाळी आणि रात्रीच्या वेळी पूर्व भारतात हलके ते मध्यम धुके राहील. त्याच वेळी,२८ ते ३० जानेवारी दरम्यान तामिळनाडू आणि केरळच्या काही भागात हलक्या ते मध्यम पावसाची नोंद होऊ शकते. सीकरमध्ये सोमवारी मैदानी भागात ४ अंश सेल्सिअस तापमानाची नोंद झाली.
या आठवड्यात थंडी आणखी वाढणार असून, राजधानीतील वेस्टर्न डिस्टर्बन्सची क्रिया संपल्यानंतर आता थंडीचा काळ सुरू झाला आहे. सोमवारी कमाल तापमान सात अंशांनी घसरून १४.८ सेल्सिअसवर आले असून, विक्रमी थंडीचा दिवस आहे. हवामान खात्याने पुढील दोन दिवस यलो अलर्ट जारी केला असून थंडीचा दिवस राहण्याचा अंदाज वर्तवला आहे. त्याचबरोबर आठवडाभर थंडीपासून दिलासा मिळण्याची आशा नाही.
Freezing temperatures can be in Delhi
महत्त्वाच्या बातम्या
- शासकीय वसतीगृहाचा वापर तात्पुरत्या कारागृहासाठी
- महाराष्ट्राच्या चार बालकांची ‘प्रधानमंत्री राष्ट्रीय बाल पुरस्कार-२०२२’साठी निवड पंतप्रधानांनी बालकांशी संवाद साधला
- सहकार सम्राटांविरुध्द अण्णा हजारे यांचा एल्गार, सहकार साखर कारखान्यांच्या विक्रीत २५ हजार कोटींचा गैरव्यवहार झाल्याचा आरोप, अमित शहांना लिहिले पत्र
- पेण : शिर्की चाळ नंबर 2 येथील सागरवाडीत शॉर्टसर्कीटमुळे आग , संपूर्ण घर जळून खाक