वृत्तसंस्था
नवी दिल्ली : फिनलंड मंगळवारी नॉर्थ अटलांटिक ट्रीटी ऑर्गनायझेशन (NATO) चा नवीन सदस्य बनणार आहे. या लष्करी आघाडीत सामील होणारा हा 31 वा देश असेल. नाटोचे सरचिटणीस जेन्स स्टॉलेनबर्ग यांनी सोमवारी ही माहिती दिली. नाटोचे मुख्यालय ब्रुसेल्स येथे आहे.Finland will become a member of NATO today, now there are 31 countries in this alliance, Sweden is also likely to join soon
मंगळवारी ब्रुसेल्समध्ये विशेष समारंभ होणार आहे. यामध्ये फिनलंडला संस्थेचे सदस्य बनविण्याची औपचारिकता पूर्ण केली जाणार आहे. असे मानले जाते की लवकरच स्वीडनदेखील नाटोचा एक भाग होईल.
ऐतिहासिक आठवडा
स्टॉलनबर्ग यांनी माध्यमांशी संवाद साधताना सांगितले की, हा आठवडा आमच्यासाठी ऐतिहासिक असणार आहे. नाटो देश एका व्यासपीठावर येत आहेत. फिनलंड आमच्या नाटो कुटुंबाचा नवीन सदस्य बनणार आहे. लवकरच स्वीडनदेखील त्याचा भाग होईल अशी अपेक्षा आहे.
स्टॉलनबर्ग हे नॉर्वेचे माजी पंतप्रधान आहेत. ते म्हणाले- पहिल्यांदाच NATO मुख्यालयात फिनलंडचा ध्वज फडकवला जाईल. आता त्याच्या सुरक्षेची जबाबदारी नाटो देशांची असेल. फिनलंडचे राष्ट्राध्यक्ष साऊली निनिस्टो आणि संरक्षण मंत्री अँटी काइकोनेन ब्रुसेल्सला पोहोचले आहेत. या सोहळ्याला ते उपस्थित राहणार आहेत.
रशियाची डोकेदुखी वाढली
फिनलंडला नाटोमध्ये सामील होण्यास रशियाने विरोध केला आहे. त्यांचे उपपंतप्रधान अलेक्झांडर ग्रुश्को म्हणाले – नाटोच्या प्रत्येक कृतीवर लक्ष ठेवले जात आहे. आम्ही आमचे सुरक्षा वर्तुळही वाढवणार आहोत. जर नाटो सैन्य फिनलंडमध्ये तैनात असेल, तर आम्ही आणखी काही पावले उचलू.
फिनलंडचा नाटोमध्ये प्रवेश घडला कारण देशात तशी मागणी होत होती. याचे कारण रशियाकडून धोका असल्याचे सांगितले जात आहे. पंतप्रधान सना मारिन यांच्या पक्षाचा दोन दिवसांपूर्वी येथे पराभव झाला होता. मात्र, त्याही नाटो सदस्य होण्यासाठी बराच काळापासून मेहनत करत होत्या.
Finland will become a member of NATO today, now there are 31 countries in this alliance, Sweden is also likely to join soon
महत्वाच्या बातम्या
- ‘’…तर राहुल गांधींच्या फोटोला चपला मारण्याचं काम उद्धव ठाकरे तुम्ही आणि तुमच्या सेनेने केलं असतं’’ देवेंद्र फडणवीसांनी लगावला टोला!
- ”सावरकरांनी ११ वर्षे काळ्यापाण्याची शिक्षा भोगली आणि हे हरामखोर…” देवेंद्र फडणवीसांचे काँग्रेसवर टीकास्त्
- COVID -19 करोनाच्या वाढत्या संसर्गाच्या पार्श्वभूमीवर हरियाणा सरकारने घेतला मोठा निर्णय!
- ”सावरकरांनी ११ वर्षे काळ्यापाण्याची शिक्षा भोगली आणि हे हरामखोर…” देवेंद्र फडणवीसांचे काँग्रेसवर टीकास्त्र!