तेथे कर माझे जुळती : लतादीदींच्या दर्शनासाठी पहाटेपासून शिवतीर्थावर चाहत्यांची वर्दळ

प्रतिनिधी

मुंबई : भारतरत्न, गानसम्राज्ञी लता मंगेशकर यांच्या पार्थिव देहावर रविवारी, ६ फेब्रुवारी रोजी शिवतीर्थावर येथे मंत्राग्नी देण्यात आला. अतिमहत्त्वाच्या व्यक्तींच्या गर्दीमुळे चाहत्यांना लतादीदींचे दर्शन घेता आले नाही. लांबून दर्शन घेणाऱ्या या स्वर सरस्वतीचे दर्शन घेण्यासाठी सोमवारी, ७ फेब्रुवारी पहाटेपासूनच चाहत्यांचे पाय शिवाजी पार्ककडे वळत होते आणि चितेकडे पाहून दिव्यत्वाची जेथे प्रचिती तेथे कर माझे जुळती अशा भावनेतून हात जोडून नमस्कार करत होते. Fans throng Shivtirtha from early morning to pay homage to latadidi

लतादीदींच्या पार्थिव देहावर रविवारी शासकीय इतमामात अंत्यसंस्कार करण्यात आले. त्यावेळी हजारो चाहते वर्ग शिवाजी पार्कात जमला होता. पेडर रोड ते शिवाजी पार्क लष्कराच्या ट्रॅक फुलांनी सजवून पार्थिव शिवाजी पार्कात आणण्यात आले होते.

Lata Mangeshkar : कोल्हापुरातील याच घरात गेलं लतादीदींचं बालपण, मंगेशकर कुटुंबीय १० वर्षे राहिले

लतादीदींचे बंधू हृदयनाथ मंगेशकर यांनी मुखाग्नी दिला आणि सगळ्या चाहत्यांच्या डोळ्यात पाणी आले. सोमवारी पहाटेपासून शिवाजी पार्कात चाहत्यांची दर्शनासाठी वर्दळ सुरू झाली. यात मॉर्निंग वॉकसाठी येणारेही आवर्जून चितेकडे येऊन हात जोडून दर्शन घेताना दिसत होते.

हृदयनाथ मंगेशकर यांचे चिरंजीव आदिनाथ मंगेशकर यांनी सकाळी १०.३० वाजता शिवाजी पार्क येथे येऊन अस्थी घेऊन प्रभूकुंज येथे घेऊन गेले.

Fans throng Shivtirtha from early morning to pay homage to latadidi

महत्त्वाच्या बातम्या

• किरीट सोमय्या यांना रुग्णालयातून डिस्चार्ज
• पंजाबमध्ये काँग्रेसचा मुख्यमंत्रिपदाचा चेहरा चरणजीत चन्नी, राहुल गांधींची लुधियानात घोषणा; नवज्योत सिद्धूंना जबर धक्का
• लता मंगेशकर यांच्या निधनावर नेपाळ, पाकिस्तानच्या पंतप्रधानांकडून शोक व्यक्त, इम्रान खान म्हणाले- उपखंडाने एक महान गायिका गमावली!
• पंतप्रधान मोदींकडून शिवतीर्थावर लतादीदींच्या पार्थिवाचे दर्शन, श्रद्धांजली; मंगेशकर कुटुंबियांचे केले सांत्वन