• Download App
    BJP भाजपमधून काढून टाकलेल्या आमदाराने वेगळा पक्ष

    BJP : भाजपमधून काढून टाकलेल्या आमदाराने वेगळा पक्ष स्थापन्याचे दिले संकेत

    BJP

    म्हणाले- नाव ‘हिंदू पक्ष’ असेल, जाणून घ्या, कोण आहेत हे आमदार?


    विशेष प्रतिनिधी

    बंगळुरू : BJP कर्नाटकातील भाजपमधून अलिकडेच काढून टाकण्यात आलेले बंडखोर आमदार बसनगौडा पाटील यतनाल यांनी वेगळा पक्ष स्थापन करण्याचे संकेत दिले आहेत. त्यांनी असे संकेत दिले की जर भाजपने बीवाय विजयेंद्र यांना प्रदेशाध्यक्ष म्हणून कायम ठेवण्याचा निर्णय घेतला आणि जर त्यांचे वडील बीएस येडियुरप्पा यांच्या ‘घराणेवादी राजकारणाला’ पाठिंबा दिला, तर कर्नाटकात एक नवीन ‘हिंदू पक्ष’ स्थापन होईल.BJP

    माजी केंद्रीय मंत्री बसनगौडा पाटील यतनाल म्हणाले की, ते भाजप किंवा पंतप्रधान नरेंद्र मोदी यांच्या विरोधात नाहीत. यतनाल म्हणाले की ते आणि त्यांचे सहकारी नवीन पक्षाच्या गरजेबद्दल जनमत गोळा करण्यास सुरुवात करतील. विजयादशमीला ते अस्तित्वात येण्याची शक्यताही त्यांनी दर्शविली



    यतनाल म्हणाले की, त्यांना राज्यभरातील हिंदू कार्यकर्त्यांकडून कर्नाटकात “हिंदू पक्ष” स्थापन करण्यास सांगितले जात आहे. कारण सध्याच्या प्रदेश भाजपच्या राज्यात हिंदू सुरक्षित नाहीत. त्यांनी राज्य भाजपवर मुख्यमंत्री सिद्धरामय्या, उपमुख्यमंत्री डीके शिवकुमार आणि इतर काँग्रेस नेत्यांशी “तडजोड” केल्याचा आरोप केला.

    पक्षाच्या शिस्तीचे वारंवार उल्लंघन केल्याबद्दल भाजपने बुधवारी यतनाल यांना पक्षाच्या प्राथमिक सदस्यत्वातून सहा वर्षांसाठी काढून टाकले. ‘येडियुरप्पांच्या मुलाच्या स्वार्थामुळे पक्षात हिंदुत्वाचे जोरदार समर्थन करणाऱ्या लोकांना दडपले जात आहे, आज विजयेंद्र आणि येडियुरप्पांच्या घराणेशाहीच्या राजकारणामुळे मलाही दडपले जात आहे,’ असा आरोप यतनाल यांनी केला.

    Expelled MLA from BJP hints at forming separate party

    महत्वाच्या बातम्या

    Related posts

    Modi challenges : भोपाळमध्ये मोदींचे पाकिस्तानला पुन्हा आव्हान; गोळीचे उत्तर गोळ्याने देऊ; सिंदूर भारताच्या शौर्याचे प्रतीक

    Jammu and Kashmir : ऑपरेशन शील्ड अंतर्गत् जम्मू-काश्मीर, गुजरातसह 6 राज्यांमध्ये मॉक ड्रिल; पाक सीमेवरील राज्यांमध्ये ब्लॅकआउट

    Mamata government : ममता सरकारची हुकूमशाही, पाकिस्तानी ट्रोलला प्रत्युत्तर दिल्याने हिंदू विद्यार्थिनीला अटक