विशेष प्रतिनिधी
नवी दिल्ली – गुजरातच्या मुख्यमंत्रीपदी भूपेंद्र पटेल यांची निवड करून पंतप्रधान नरेंद्र मोदी आणि केंद्रीय गृहमंत्री अमित शहा यांनी नेहमीप्रमाणे प्रसार माध्यमांना चकविले. त्यांनी चालविलेल्या कोणत्याच नावावर शिक्कामोर्तब केले नाही. शिवाय प्रसार माध्यमांनी चालविलेले राजकीय तर्कशास्त्र देखील या दोन्ही नेत्यांनी नाकारलेले दिसते.Excluding Big Shots, why did Modi-Shah choose Bhupendra Patel
प्रसार माध्यमांनी आपकी बार पाटीदार अशी स्वयंप्रेरित घोषणा देत गुजरातमध्ये पाटीदार समाजाचा मुख्यमंत्री होईल असा कयास लावला होता. पण प्रत्यक्षात मोदी आणि शहा यांनी प्रसार माध्यमांचा हा कयासही उलथवून लावला कारण भूपेंद्र पटेल हे जरी पाटीदार समाजाचे असले तरी ते प्रस्थापित नेते नाहीत.
प्रसार माध्यमांनी त्यांचे वर्णन आनंदीबेन पटेल यांचे निकटवर्ती एवढेच केले आहे. शिवाय त्यांची राजकीय कारकीर्द देखील फार मोठी दिसत नाही आमदाबाद महापालिकेच्या स्थायी समितीचे अध्यक्षपद त्यांनी भूषविले आहे.
याचा सध्या लावता येणारा राजकीय अर्थ एवढाच की मोदी – शहांनी गुजरातमध्ये बिग शॉट्सना वगळून भूपेंद्र पटेलांच्या रूपाने नवा चेहरा मुख्यमंत्रीपदी बसविला आहे. भूपेंद्र पटेलांवर नुसता विश्वास दाखविलेला नाही, तर त्यांच्यावर २०२२ च्या नोव्हेंबरमध्ये होणाऱ्या निवडणूकीची सर्वांत मोठी जबाबदारी देखील टाकली आहे.
मोदी – शहा यांची ही कार्यपध्दती आहे. ते स्वतः मोठी पदे भूषविण्यापूर्वी भाजपमध्ये बिग शॉट्स मानले जात नव्हते. पण त्यांच्याकडे पक्षाने एकदा नेतृत्वाची जबाबदारी सोपविल्यानंतर त्यांनी ती कसोशीने पाळल्याचा इतिहास सांगतो.भूपेंद्र पटेल यांच्याकडून मोदी – शहा यांची हीच अपेक्षा असू शकते. कदाचित त्यातूनच त्यांनी २०१७ मध्ये आमदार बनलेल्या भूपेंद्र पटेलांची निवड केल्याचे दिसते आहे.
भूपेंद्र पटेल यांचे नाव भाजप विधिमंडळ पक्षाच्या बैठकीत बाहेर येताच अनेकांच्या भुवया उंचावल्या गेल्या. ते विधिमंडळ पक्षाच्या बैठकीत मागे बसले होते. मुख्यमंत्रीपदी निवड झाल्यानंतर त्यांचा व्हीक्टरी साइन करतानाचा फोटो व्हायरल होतो आहे. पक्षाचे गुजरातमधील प्रवक्ते यमल व्यास यांनी ते आमदार आहेत, एवढेच सांगितले होते. यावरूनच मोदी – शहांनी हा धक्का दिल्याचे स्पष्ट होत आहे.
Excluding Big Shots, why did Modi-Shah choose Bhupendra Patel
महत्त्वाच्या बातम्या
- पुण्यात आदर्श घोटाळ्याची पुनरावृत्ती, माजी सैनिकांच्या जमिनीवर उभारला अनधिकृत प्रकल्प
- WATCH : वर्ध्यामध्ये नागाचा थरार, मुलीच्या गळ्याला विळखा दोन तास रंगला थरार, शेवटी तो डसलाच
- WATCH : गोटखिंडी मस्जिद गणपतीची चाळीस वर्षांपासूनची परंपरा सांगली जिल्ह्यात हिंदू मुस्लिम ऐक्याचे प्रतीक
- मोदी – शहांचा माध्यमांना दे धक्का; काँग्रेस उमेदवाराला १ लाख १७ हजार या सर्वोच्च मार्जिनने हरविणारे भूपेंद्र पटेल गुजरातच्या मुख्यमंत्रीपदी