वृत्तसंस्था
नवी दिल्ली : मॉस्कोहून दिल्लीला येणाऱ्या विमानात बॉम्ब असल्याची माहिती मिळाल्यानंतर घबराट पसरली. पहाटे 3.20 वाजता विमान दिल्ली विमानतळावर उतरले. सर्व प्रवासी आणि क्रू मेंबर्सना खाली उतरवण्यात आले. यानंतर फ्लाइटची तपासणी करण्यात आली. फ्लाइटमध्ये 386 प्रवासी आणि 16 क्रू मेंबर्स होते.Excitement after getting information about bomb in flight coming from Moscow Passengers landed safely at Delhi airport
एजन्सीज अलर्टवर
मिळालेल्या माहितीनुसार, दिल्ली पोलिसांना रात्री उशिरा 11.15 वाजता मेलद्वारे माहिती मिळाली होती की मॉस्कोहून दिल्लीला येणार्‍या फ्लाइट नंबर SU 232 मध्ये बॉम्ब आहे. विमानात बॉम्ब असल्याची माहिती मिळताच सर्व यंत्रणा सतर्क झाल्या. यानंतर बॉम्बशोधक पथक, बचाव पथके तैनात करण्यात आली. विमान धावपट्टी 29 वर उतरले. सर्व प्रवासी आणि चालक दलातील सदस्यांना सुखरूप खाली उतरवण्यात आले. विमानाची तपासणी करण्यात आली. मात्र, त्यात बॉम्ब सापडला नाही. यानंतर सुरक्षा यंत्रणांनी सुटकेचा नि:श्वास सोडला. फ्लाइटमध्ये 386 प्रवासी आणि 16 क्रू मेंबर्स होते. हा मेल कोणी आणि कुठून पाठवला याचा पोलीस तपास करत आहेत.
या आधीही मिळाली होती अशीच सूचना
यापूर्वी इराणहून चीनला जाणाऱ्या विमानात बॉम्ब असल्याची माहिती समोर आली होती. यानंतर प्रवासी विमानाच्या वैमानिकांशी दिल्ली एटीसीशी संपर्क साधून विमान उतरवण्याची परवानगी मागितली. मात्र, भारताच्या बाजूने जयपूर आणि चंदीगडमध्ये विमान उतरवण्याचा पर्याय देण्यात आला होता. पण वैमानिकांनी विमान उतरवण्यास नकार दिला. यानंतर विमान सुमारे 45 मिनिटे भारतावरून उडत राहिले.
यानंतर भारतीय हवाई दल सतर्क झाले. त्यामागे हवाई दलाने सुखोई लढाऊ विमाने लावली होती. इराणकडून ग्रीन सिग्नल मिळाल्यानंतर हे विमान चीनला पाठवण्यात आले. हे विमान भारताच्या सीमेबाहेर नेण्यात आले. मात्र, चीनमध्ये विमानाची तपासणी केली असता, विमानात बॉम्ब आढळून आला नाही. म्हणजेच बॉम्बची माहिती केवळ अफवा होती. लाहोर एटीसीने भारताला फोन करून फ्लाइटमध्ये बॉम्ब असल्याची माहिती दिली होती.
Excitement after getting information about bomb in flight coming from Moscow Passengers landed safely at Delhi airport
महत्वाच्या बातम्या
- ममतांची धमकी : भाजपची सत्ता गेल्यावर केंद्रीय तपास संस्था त्यांच्या नेत्यांना कान धरून घराबाहेर काढतील
- मोदी – शाहांना शिव्या ते नेत्यांची बंद खोलीत खुशी; चंद्रकांतदादांवर टीका करताना रोहित पवारांची भाषा घसरली
- शिवसेना सोडली नसती तर भुजबळ कधीच मुख्यमंत्री झाले असते; पवारांसमोर ठाकरेंचे टोले
- पाकिस्तानात बसला आग लागून 18 जिवंत जळाले : सर्व पूरग्रस्त; एसी बिघाडामुळे झाली दुर्घटना
