वृत्तसंस्था
ढाका : बांगलादेशच्या सुप्रीम कोर्टाचे निवृत्त न्यायाधीश शमसुद्दीन चौधरी माणिक ( Shamsuddin Chaudhary Manik ) यांना शुक्रवारी रात्री सिलहट सीमेजवळ अटक करण्यात आली. बंगाली वृत्तपत्र ढाका ट्रिब्यूनच्या मते, ते भारतात पळून जाण्याचा प्रयत्न करत होते, त्यावेळी स्थानिक लोकांनी त्यांना पकडले.
यानंतर त्यांना बॉर्डर गार्ड बांगलादेश (BGB) च्या ताब्यात देण्यात आले. बीजीबीने याला दुजोरा दिला आहे. रात्री उशिरापर्यंत माणिक यांना बीजीबी चौकीत ठेवण्यात आले होते. शनिवारी सकाळी त्यांना सिलहट मुख्यालयात नेण्यात आले.
माणिक यांच्याविरुद्ध गुरुवारी मानहानीचा गुन्हा दाखल करण्यात आला. खालिदा झिया यांचे दिवंगत पती आणि बांगलादेश नॅशनलिस्ट पार्टीचे संस्थापक झियाउर रहमान यांच्याविरोधात आक्षेपार्ह टिप्पणी केल्याचा आरोप त्यांच्यावर होता.
खालिदा झिया यांच्या पतीला रझाकार म्हटले होते
एफआयआरनुसार, न्यायमूर्ती माणिक यांनी ऑक्टोबर 2022 मध्ये एका खासगी वाहिनीवर झियाउर रहमानबद्दल सांगितले होते की ते स्वातंत्र्य सैनिक नसून ‘रझाकार’ आहेत. बांगलादेशात रझाकार म्हणजे देशद्रोही.
माणिक यांच्या अटकेशी संबंधित अनेक व्हिडिओ सोशल मीडियावर व्हायरल होत आहेत. एका व्हिडीओमध्ये पोलिसांनी त्यांची मान पकडली आहे. दुसऱ्या व्हिडिओमध्ये ते केळीच्या पानावर झोपले आहेत.
फ्रान्सला जाणाऱ्या पत्रकार दाम्पत्याला अटक
शेख हसीना यांनी देश सोडल्यानंतर त्यांच्या जवळच्या अनेकांना बांगलादेशात अटक करण्यात आली आहे. यापूर्वी टीव्ही पत्रकार दाम्पत्य फरजाना रूपा आणि शेख हसीनाचे समर्थक मानले जाणारे त्यांचे पती शकील अहमद यांना बांगलादेशमध्ये अटक करण्यात आली होती.
त्यांना 21 ऑगस्ट रोजी शाहजलाल विमानतळावरून अटक करण्यात आली होती. त्यांच्यासोबत त्यांची मुलगीही होती. ते पॅरिसला जाण्याचा प्रयत्न करत होते. पत्रकार दाम्पत्याला देश सोडण्याची परवानगी मिळाली होती. मात्र ते विमानात चढण्यापूर्वीच पोलिसांनी त्यांना ताब्यात घेतले. त्यांच्यावर खुनाचा गुन्हा दाखल करण्यात आल्याचे सांगण्यात आले. त्यानंतर त्यांना ४ दिवसांच्या कोठडीवर कारागृहात पाठवण्यात आले.
Ex-judge of Bangladesh coming to India arrested
महत्वाच्या बातम्या
- Sunita Williams : सुनीता विल्यम्सबद्दल मोठी बातमी, NASA ने सांगितले अवकाशातून कधी परतणार?
- Ladaki Bahin Yojana : लाडकी बहीण योजनेमुळे विरोधक अस्वस्थ ; मुख्यमंत्री एकनाथ शिंदे
- Supreme Court : सुप्रीम कोर्टाने म्हटले- देशभरात BNSचे कलम 479 लागू करा, शिक्षेचा एक तृतीयांश काळ भोगलेल्या अंडरट्रायल कैद्याला जामिनाची तरतूद
- Ajit Pawar : मुलींवर हात टाकणाऱ्या विकृताचे सामानच काढले पाहिजे; यवतमाळच्या लाडकी बहीण मेळाव्यात