वृत्तसंस्था
लखनौ : कट्टरतावादी संघटना पॉप्युलर फ्रंट ऑफ इंडिया अर्थात PFI वरील छापेमारीच्या कायदेशीर कारवाईनंतर केरळमध्ये मोठ्या प्रमाणावर हिंसक पडसाद उमटले असले तरी उत्तरेतील मुस्लिम संघटनांनी या कायदेशीर कारवाईचे स्वागत केले आहे. especially muslim youth to be patient through raids being done against PFI as this is being done to stop terrorist activities in country
काल 22 सप्टेंबर 2022 रोजी देशभरातील 15 राज्यांमध्ये 96 ठिकाणांवर राष्ट्रीय तपास संस्था एनआयए आणि सक्तवसुली संचनालय ईडी आणि विविध राज्यांच्या पोलिसांच्या स्पेशल इन्वेस्टीगेशन टीम्स अर्थात एसआयटी यांनी एकत्रितपणे छापेमारी करून पीएफआयच्या 106 म्होरक्यांना अटक केली. संपूर्ण देशभरात या यशस्वी कारवाईचे स्वागत झाले. उत्तरेतील मुस्लिम संघटनांनी देखील पीएफआय सारख्या कट्टरतावादी संघटनेवर झालेल्या कायदेशीर कारवाईचे स्वागत केले.
पण केरळमध्ये मात्र पीएफआयच्या कार्यकर्त्यांनी हिंसाचार माजवून विविध शहरांमध्ये बस, रिक्षा, टॅक्सी, फोडल्या आहेत. पीएफआय संघटनेने आज बेकायदेशीर रित्या बंद देखील पुकारला आहे. या बंद दरम्यानच संघटनेच्या म्होरक्यांनी हिंसाचार माजवला आहे.
मुस्लिम संघटनांकडून कारवाईचे स्वागत
लखनऊ मध्ये मुख्यालय असलेल्या ऑल इंडिया पसमांदा मुस्लिम महाज या संघटनेने पीएफआय वरील कारवाईचे स्वागत केले आहे. एनआयए सारख्या राष्ट्रीय तपास संस्थेने केलेली कारवाई ही दहशतवादाच्या विरोधात आणि कट्टरता वादाच्या विरोधात आहे. पीएफआय संघटना अनेक घातपाती कारवायांमध्ये गुंतल्याबद्दल आम्ही देखील त्या संघटनेचा निषेध करून त्यावर बंदी आणण्याची मागणी केली होती. आता कायदेशीर कारवाई झाली आहे. तिचे स्वागत करतो, असे पत्रक ऑल इंडिया पसमांदा मुस्लिम महाज या संघटनेने काढले आहे.
त्याचबरोबर ऑल इंडिया सुफी सजदानशीन कौन्सिलने देखील देशातल्या मुस्लिमांना शांतता पाळण्याचे आवाहन केले आहे. देशात दहशतवाद विरोधी कारवाई सुरू असताना पीएफआय सारख्या संघटने विरुद्ध काही पुरावे असतील म्हणूनच छाप्यांसारखी कायदेशीर कारवाई केली आहे. याचे पुरावे आणि सत्य लवकरच बाहेर येतील. अशावेळी देशभरातील नागरिकांनी, विशेषतः मुस्लिम युवकांनी शांतता आणि संयम बाळगावा, असे आवाहन सय्यद नसरुद्दीन चिश्ती यांनी केले आहे.
especially muslim youth to be patient through raids being done against PFI as this is being done to stop terrorist activities in country
महत्वाच्या बातम्या
- इराण हिजाब वाद : महसा अमिनीचा कोठडीत मृत्यू झाल्यानंतर निदर्शनाला हिंसक वळण, 31 जणांचा मृत्यू
- पीएफआयवरील एनआयएच्या कारवाईवर प्रकाश आंबेडकर म्हणाले: टेरर फंडिंगचे पुरावे दाखवा, नाहीतर लोक मुस्लिमविरोधी अजेंडा मानतील
- ‘दहशतवाद्यांवर बंदी घालण्याच्या मुद्द्यावर राजकारण करू नका’, संयुक्त राष्ट्रात भारताने दहशतवाद्यांवर ठणकावले
- NIA छापे : कट्टरतावादी संघटना “ऑपरेशन PFI” यशस्वी झाले कसे??; रहस्य काय??, पुढे होणार काय??