वृत्तसंस्था
नवी दिल्ली : दिल्लीतील दारू धोरण घोटाळ्याप्रकरणी मनी लाँड्रिंगचा तपास करणाऱ्या अंमलबजावणी संचालनालयाचा (ईडी) कारवाईचा बडगा फिरतोच आहे. दिल्लीचे मुख्यमंत्री अरविंद केजरीवाल यांच्या अटकेनंतर आता ईडीने दिल्लीचे परिवहन मंत्री कैलाश गेहलोत यांना समन्स पाठवले आहे. त्यांना आज, शनिवारी (३० मार्च) चौकशीसाठी बोलावण्यात आले आहे. ED notice to another minister of Kejriwal
कैलाश गहलोत यांच्यावर एक्साइज पॉलिसी अर्थात दारूवर किती उत्पादन शुल्क घ्यायचे याचा ड्राफ्ट तयार केल्याचा आरोप आहे. तपास यंत्रणांचा आरोप आहे की आप नेता कैलाश गहलोत हे देखील त्याच गटाचा भाग होते ज्यांनी या पॉलिसीचा ड्राफ्ट तयार केला होता. इतकेच नाही तर आप नेते गेहलोत यांच्यावर दारूचा व्यापारी विजय नायर याला आपलं सरकारी घर दिल्याचा आरोप देखील आहे.
आपचे नेते आणि दिल्लीचे मुख्यमंत्री अरविंद केजरीवाल हे सध्या कोठडीत आहेत. केजरीवाल यांना 1 एप्रिलपर्यंत ईडीच्या ताब्यात राहावे लागणार आहे. गुरुवारी दिल्लीतील एखा कोर्टाने केजरीवाल यांच्या कोठडीत १ एप्रिल पर्यंतची वाढ केी होती. ईडीने कोर्टात सात दिवसांची रिमांड मागितली होती मात्र कोर्टाने त्यांची ही मागणी मान्य केली नाही.
तसेच कोठडीसाठीच्या नव्या अर्जात ईडीने म्हटले होते की, कोठडीत चौकशीदरम्यान मुख्यमंत्र्यांचे पाच दिवसांचे जबाब नोंदवण्यात आले होते आणि ते उत्तर देण्यास टाळाटाळ करत होते. ईडीने सांगितले की, कोठडीदरम्यान इतर तीन लोकांचे जबाबही नोंदवण्यात आले आहेत.
ED notice to another minister of Kejriwal
महत्वाच्या बातम्या
- बांगलादेशात भारतीय वस्तूंच्या बहिष्काराच्या विरोधात पंतप्रधान हसीना; म्हणाल्या- आधी तुमच्या बायकांच्या भारतीय साड्या जाळून टाका
- दंड, व्याजासह 1700 कोटी रुपये भरा; इन्कम टॅक्स डिपार्टमेंटची काँग्रेसला नोटीस!!; पण नोटीस पाठवण्यात काही बेकायदा घडलंय का??
- गँगस्टर मुख्तार अन्सारीच्या मृत्यूचे “शहीदीकरण”; समाजवादी पार्टी करतेय मुस्लिम ध्रुवीकरण!!
- जयशंकर म्हणाले- पॅलेस्टिनींकडून घरे, जमिनी आणि हक्क हिसकावले; चिनी सीमा सुरक्षेच्या कर्तव्यापासून मागे हटणार नाही