प्रतिनिधी
नवी दिल्ली : वेगवेगळ्या वस्तूंच्या महागाईने त्रासलेल्या जनतेला केंद्र सरकार मोठा दिलासा दिला आहे. केंद्र सरकार घरगुती गॅस सिलेंडरच्या किंमतीत 200 रुपयांनी घट केली आहे. 1 सप्टेंबर पासून हे नवे दर लागू होणार आहेत. Domestic gas cylinders under Ujjwala Yojana will be cheaper by Rs 200 from September 1
सरकारने घरगुती गॅस सिलेंडरवर 200 रुपयांचं अनुदान जाहीर केलं आहे. हे अनुदान उज्ज्वला योजनेंतर्गत येणाऱ्या लाभार्थ्यांना दिले जाणार आहे. पंतप्रधान नरेंद्र मोदी यांच्या अध्यक्षतेखाली आज झालेल्या मंत्रिमंडळाच्या बैठकीत हा निर्णय घेण्यात आला.
1 ऑगस्टला पेट्रोलियम कंपन्यांनी व्यावसायिक एलपीजी सिलेंडरची किंमत 100 रुपयांनी कमी केली होती. पण घरगुती सिलेंडरच्या दरात कोणताही बदल झाला नव्हता. मिळालेल्या माहितीनुसार, एलपीजी सिलेंडरच्या दराचा आज आढावा घेण्यात आला. त्यानंतर आजच दर कमी करण्याचा निर्णय घेण्यात आला. सर्वसामान्यांना दिलासा देत सिलेंडर 200 रुपयांनी स्वस्त केला करण्यात आला आहे. पेट्रोलियम कंपन्या प्रत्येक महिन्याच्या पहिल्या तारखेला एलपीजीच्या किंमतीचा आढावा घेत असतात. त्यामुळे 1 तारखेपासून नवे दर लागू होतील.
एलपीजीचे सध्याचे दर
ऑगस्ट महिन्याच्या पहिल्या तारखेला राजधानी दिल्लीत घरगुती सिलेंडरचा दर 1103 होता. तर मुंबईत सिलेंडरसाठी 1102.50 रुपये, कोलकाता 1129, चेन्नईत 1118.50 रुपये मोजावे लागत होते. पेट्रोलियम कंपन्या दर महिन्याच्या पहिल्या तारखेला एलपीजीच्या किंमतीचा आढावा घेत त्यात बदल करत असतात. त्यामुळे एलपीजी 200 रुपयांनी स्वस्त झाल्याने आता मुंबईत मुंबईत 902 रुपये दर झाला आहे.
कॅबिनेट बैठकीत निर्णय
पेट्रोलियम कंपन्या प्रत्येक महिन्याच्या पहिल्या दिवशी 14 किलो घरगुती आणि 19 किलो व्यावसायिक गॅस सिलेंडरच्या किमती निश्चित करतात. त्यानुसार उज्ज्वला योजनेंतर्गत एलपीजी सिलिंडरच्या किमती 200 रुपयांनी कमी करण्यात आल्या आहेत. पंतप्रधान नरेंद्र मोदी यांच्या अध्यक्षतेखाली आज झालेल्या मंत्रिमंडळाच्या बैठकीत हा निर्णय घेण्यात आला आहे.
स्वयंपाकाच्या गॅसवरील अनुदानाचा लाभ केवळ उज्ज्वला योजनेच्या लाभार्थ्यांनाच मिळणार असल्याचे केंद्र सरकारने गेल्या वर्षी स्पष्ट केले होते. इतर कोणालाही स्वयंपाकाच्या गॅस सिलिंडरवर अनुदान दिली जाणार नाही.
उज्ज्वला योजनेअंतर्गत लाभार्थी एका वर्षात एकूण 12 स्वयंपाकाच्या गॅस सिलिंडरवर अनुदान घेऊ शकतात. 2016 मध्ये प्रधानमंत्री उज्ज्वला योजना सुरू करण्यात आली होती. या अंतर्गत सरकार दारिद्र्यरेषेखालील (BPL) कुटुंबांना मोफत LPG कनेक्शन देतं.
अनुदान मिळवण्यासाठी तुम्हाला तुमचा आधार क्रमांक एलपीजी कनेक्शनशी लिंक करावा लागतो. तसंच अनुदानाचा लाभ घेण्यासाठी तुमचे आधार गॅस कनेक्शनशी जोडलेले असणेही आवश्यक आहे. मार्च 2023 पर्यंतच्या सरकारी आकडेवारीनुसार, सरकारने उज्ज्वला योजनेंतर्गत 9 कोटी रुपयांहून अधिक मोफत स्वयंपाकाच्या गॅस कनेक्शनचे वितरण केले आहे.
Domestic gas cylinders under Ujjwala Yojana will be cheaper by Rs 200 from September 1
महत्वाच्या बातम्या
- विरोधक आणि माध्यमे काळे चित्र दाखवायला उतावळे; परकीय गुंतवणुकीत मात्र महाराष्ट्र नंबर 1 ने उजळे!!
- आदित्य L-1 सूर्यावर कशाचा शोध घेणार?, इस्रोचे माजी शास्त्रज्ञ नारायण यांनी दिली माहिती
- पावसात भिजल्यानंतरची रणनीती : ताई – दादांचं भांडण बारामतीत ठेवायचं झाकून; इतरांमध्ये लावून द्यायचं ठासून!!
- आदित्य L-1 चे 2 सप्टेंबरला सकाळी 11.50 ला उड्डाण; 4 महिन्यांत पृथ्वीपासून 15 लाख किलोमीटरवर पोहोचेल