वृत्तसंस्था
तिरुवनंतरपुरम : पत्नीला अयोग्यरीत्या स्पर्श केल्याच्या आरोपावरून डॉक्टरला मारहाण करणाऱ्या पतीला केरळ उच्च न्यायालयाने जामीन नाकारला आहे. उपचारावेळी परिचारिका तेथे उपस्थित होत्या, असे न्यायालयाने म्हटले. रुग्णाला स्पर्श केल्याशिवाय डॉक्टर त्याच्यावर उपचार करू शकत नाहीत. उपचारादरम्यान डॉक्टरांच्या स्पर्शाने रुग्णाला त्रास होत असेल तर डॉक्टरांना ट्रीटमेंट करता येणार नाही.Doctor beaten by husband for touching wife, court rejects bail saying treatment is impossible without touch
न्यायमूर्ती ए. बद्रुद्दीन यांच्या एकल खंडपीठासमोर या प्रकरणाची सुनावणी झाली. अशा प्रकरणात अटकपूर्व जामीन दिल्याने धोकादायक परिस्थिती निर्माण होईल, ज्यामुळे डॉक्टरांच्या सुरक्षिततेला आणि आरोग्य सेवेला धोका निर्माण होऊ शकतो, असे ते म्हणाले.
आरोपी पतीने डॉक्टरवर केला गुन्हा दाखल
ही घटना 8 जानेवारी 2022 ची आहे. एक व्यक्ती आपल्या पत्नीवर उपचार करण्यासाठी केरळमधील रुग्णालयात पोहोचला होता. येथे त्याने पत्नीची तपासणी करणाऱ्या पुरुष डॉक्टरला चापट मारली आणि त्याची कॉलर पकडली. डॉक्टरने चुकीच्या उद्देशाने पत्नीला स्पर्श केल्याचे त्या व्यक्तीचे म्हणणे आहे. याप्रकरणी त्यांनी डॉक्टरांवर गुन्हा दाखल झाला आहे. त्यावेळी डॉक्टर ऑन-कॉल ड्युटी करत असल्याचे आरोपी पतीचे म्हणणे आहे. त्याने रुग्णाला (आरोपीची पत्नी) चुकीच्या हेतूने स्पर्श केल्याचे त्याचे म्हणणे आहे.
दुसरीकडे, रुग्णालयाने आरोपी पतीविरुद्ध डॉक्टरला मारहाण केल्याच्या कलमांतर्गत गुन्हा दाखल केला आहे. याप्रकरणी आरोपी पतीने अटकपूर्व जामिनासाठी उच्च न्यायालयात याचिका दाखल केली होती. न्यायालयात याचिकाकर्त्याच्या वकिलांनी सांगितले की, त्याच्या अशिलावर लावलेले सर्व आरोप खोटे आहेत.
याचिकाकर्त्याने यापूर्वीही डॉक्टरांना मारहाण केली होती
कोर्टात डॉक्टरांची बाजू मांडणारे ज्येष्ठ वकील पी.जी. मनूने सांगितले की, याचिकाकर्त्याचा गुन्हेगारी इतिहास आहे. आरोपीने यापूर्वीही डॉक्टरांशी गैरवर्तन केले आहे. याप्रकरणी डॉक्टर त्याच्या पत्नीची वैद्यकीय तपासणी करत असताना आरोपीने त्याच्यावर खोटे आरोप करून त्याला मारहाण केली.
आरोपीला जामीन म्हणजे डॉक्टरांच्या सुरक्षेला धोका
दोन्ही बाजूंचा युक्तिवाद ऐकल्यानंतर न्यायालयाने सांगितले की, डॉक्टर रुग्णांना हात लावल्याशिवाय उपचार करू शकत नाहीत. अशा प्रकरणांकडे दुर्लक्ष करता येणार नाही. मात्र, कोणत्याही डॉक्टरला मर्यादा ओलांडून रुग्णाशी गैरवर्तन करण्याचा अधिकार नाही. या प्रकरणातील आरोपीला जामीन दिल्यास डॉक्टरांच्या सुरक्षेला धोका निर्माण होईल.
Doctor beaten by husband for touching wife, court rejects bail saying treatment is impossible without touch
महत्वाच्या बातम्या
- एसटी कर्मचाऱ्यांचे पगार दर महिन्याच्या 7 तारखेला; मुख्यमंत्री एकनाथ शिंदेंची घोषणा
- मनीष सिसोदिया, सत्येंद्र जैन यांचे दिल्लीतील मंत्रिपदांचे राजीनामे; पण नवाब मलिकांनी अखेरपर्यंत दिला नव्हता राजीनामा!!
- मनीष सिसोदिया यांना सुप्रीम कोर्टाची फटकार; हायकोर्टात जायचे सोडून थेट सुप्रीम कोर्टात कसे आलात??
- सचिन वाझे, अँटिलिया स्फोटके, मनसुख हिरेन हत्याकांड प्रकरणावर लवकरच वेब सिरीज