वृत्तसंस्था
नवी दिल्ली : Turkish Airlines डीजीसीए (नागरी विमान वाहतूक महासंचालक) यांनी इंडिगोला तुर्की एअरलाइन्सची २ विमाने उडविण्यासाठी ३ महिन्यांचा अल्टिमेटम दिला आहे. २०२३ मध्ये झालेल्या करारानुसार, इंडिगोने दिल्ली-मुंबई ते इस्तंबूल थेट उड्डाणे करण्यासाठी तुर्की एअरलाइन्सकडून २ मोठी विमाने (बोईंग ७७७) भाड्याने घेतली होती.Turkish Airlines
या करारात तुर्की एअरलाइन्सचे वैमानिक आणि विमानातील क्रू मेंबर्सचाही समावेश आहे. हा करार ६ महिन्यांसाठी आहे. दर सहा महिन्यांनी ते नव्याने मंजूर करावे लागेल. एअर इंडियाने नागरी विमान वाहतूक मंत्रालयाला परवानगी देण्याची विनंती केली आहे.
हा निर्णय अशा वेळी आला आहे जेव्हा तुर्कीने भारताविरुद्ध निवेदन जारी करून पाकिस्तानला पाठिंबा दिला होता. १५ मे रोजी, भारत सरकारने तुर्की कंपनी सेलेबी एअरपोर्ट सर्व्हिसेस इंडिया प्रायव्हेट लिमिटेडची सुरक्षा मंजुरी देखील रद्द केली. अनेक ट्रॅव्हल वेबसाइट्सनी तुर्कीला न जाण्याचा सल्ला दिला आहे.
या काळात, डीजीसीएने तुर्की एअरलाइन्ससोबतचा करार रद्द करण्याचे आदेश दिले होते. यानंतर इंडिगोने ६ महिन्यांचा वेळ मागितला होता. आता प्रवाशांना कोणतीही अडचण येऊ नये, म्हणून डीजीसीएने ३१ ऑगस्टपर्यंतची शेवटची मुदत दिली आहे. परंतु इंडिगोला निर्धारित वेळेत तुर्की एअरलाइन्ससोबतचा करार संपवावा लागेल.
तुर्कीवर बहिष्कार टाकण्यासाठी पाच मोठी पावले
EaseMyTrip आणि ixigo सारख्या भारतीय ऑनलाइन ट्रॅव्हल प्लॅटफॉर्मनी सुरक्षा धोके आणि राजकीय तणावाचा हवाला देऊन तुर्की आणि अझरबैजानला प्रवास करण्याविरुद्ध सूचना जारी केल्या आहेत.
भारतातील प्रतिष्ठित विद्यापीठ जवाहरलाल नेहरू विद्यापीठाने राष्ट्रीय सुरक्षेचा हवाला देत तुर्कीच्या इनोनू विद्यापीठासोबतचा करार रद्द केला आहे. एएमयूने शैक्षणिक संबंधही संपुष्टात आणले.
पुण्यातील व्यापाऱ्यांनी तुर्कीतून सफरचंद खरेदी करणे बंद करण्याचा निर्णय घेतला आहे. त्याऐवजी ते हिमाचल, उत्तराखंड, इराण आणि इतर प्रदेशांमधून सफरचंद खरेदी करत आहेत. उदयपूर मार्बल प्रोसेसर्स असोसिएशनने सरकारला मार्बलची आयात थांबवण्याची विनंती केली आहे. कानपूरच्या व्यापाऱ्यांनी त्यांच्या ८०% ऑर्डर रद्द केल्या आहेत. जयपूरमधील व्यावसायिकांनी कोट्यवधी रुपयांच्या ऑर्डर थांबवल्या आहेत.
अदानी एअरपोर्ट होल्डिंग्जने मुंबईतील छत्रपती शिवाजी महाराज आंतरराष्ट्रीय विमानतळ आणि अहमदाबादमधील सरदार वल्लभभाई पटेल आंतरराष्ट्रीय विमानतळावरील ग्राउंड हँडलिंग सेवांसाठी तुर्की फर्म सेलेबीसोबतची भागीदारी संपुष्टात आणली आहे.
भारतात तुर्कीवरील बहिष्काराचे प्रमाण सतत वाढत आहे. ट्रॅव्हल एजन्सी आणि व्यापारी संघटनांनंतर, देशातील आघाडीचे ई-कॉमर्स प्लॅटफॉर्म मिंट्रा आणि रिलायन्सच्या मालकीचे अजिओ यांनीही तुर्कीच्या उत्पादनांची विक्री थांबवली आहे. या प्लॅटफॉर्मवर आता हे ब्रँड्स संपले आहेत.
DGCA gives 3-month ultimatum to IndiGo; directs to terminate agreement with Turkish Airlines
महत्वाच्या बातम्या
- NASA : NASAने अवकाशात बटाटे का पाठवले? कारण जाणून तुम्हालाही वाटेल आश्चर्य
- मोदी विरुद्ध ममतांच्या संघर्षात कम्युनिस्टांना कंठ फुटला; 14 वर्षांच्या झोपेनंतर विळा हातोडा बाहेर काढला!!
- Jyotiraditya Scindia : जागतिक रिअल टाइम पेमेंटमध्ये भारताचा वाटा ४७ टक्के – ज्योतिरादित्य सिंधिया
- Jagadguru Rambhadracharya : ‘पाकिस्तानातही राम मंदिर बांधले जाईल, तिथेही रामकथा होईल’,