वृत्तसंस्था
इंफाळ : मणिपूरची राजधानी इंफाळच्या न्यू चाकोन भागात गुरुवारी पुन्हा हिंसाचार उसळला. कर्फ्यू असतानाही काही घरांना आग लावण्यात आली. आंदोलकांची सुरक्षा दलांशी झटापट झाली. यामध्ये काही जण जखमी झाले आहेत. परिस्थिती नियंत्रणात आणण्यासाठी आरएएफने अश्रुधुराच्या नळकांड्या फोडल्या.Despite curfew in Manipur, houses were burnt; Protesters clash with security forces, RAF fires tear gas
बुधवारी रात्री महिला मंत्र्यांच्या बंगल्याला आग लागली
इंफाळच्या लामफेल भागात बुधवारी रात्री उद्योगमंत्री नेमचा किपजेन यांच्या सरकारी बंगल्याला आग लागली. त्यावेळी किपगेन घरी नव्हत्या. मात्र, अग्निशमन दलाने घटनास्थळी धाव घेत आग आटोक्यात आणली. किपजेन या भाजपच्या सात कुकी आमदारांपैकी एक आणि राज्यातील एकमेव महिला मंत्री आहेत. वेगळ्या प्रशासनाची मागणी करणाऱ्या 10 कुकी आमदारांमध्ये किपझेन यांचा समावेश आहे.
हल्ल्यात 9 जणांचा मृत्यू
याआधी मेईतेईचे वर्चस्व असलेल्या कांगपोकी जिल्ह्यात मंगळवारी रात्री झालेल्या हल्ल्यात नऊ जणांना आपला जीव गमवावा लागला होता. तर 10 जण जखमी झाले. पोलिसांनी सांगितले की, कांगपोकी आणि इंफाळ पूर्व जिल्ह्यातील खामेलोक गावात पहाटे एक वाजताच्या सुमारास हा हल्ला झाला. हल्लेखोर अत्याधुनिक शस्त्रांनी सज्ज होते. ठार झालेले सर्व खमेलोक गावातील होते.
मंगळवारीच बिष्णुपूर जिल्ह्यात हिंसाचार झाला. येथे फुगाकचाओ इखाई गावात कुकी समाजाचे लोक मेईतेई भागात बंकर बांधण्याचा प्रयत्न करत होते. यावेळी कुकी लोक आणि सुरक्षा दलांमध्ये गोळीबार झाला.
मणिपूरच्या वुमन गन सर्व्हायव्हर्स नेटवर्कच्या संस्थापक बिनालक्ष्मी नेप्रम यांनी दावा केला की, कांगपोकी येथील खमेलोक येथे झालेल्या गोळीबारात 12 लोक ठार झाले आणि 30 हून अधिक जखमी झाले.
सोमवारी रात्रीही खामेलोक भागात गोळीबार झाला होता, ज्यामध्ये 9 जण जखमी झाले होते. हिंसाचारामुळे राज्यातील इंटरनेट बंदी 15 जूनपर्यंत वाढवण्यात आली आहे. काही भागात संचारबंदीही शिथिल करण्यात आली आहे.
Despite curfew in Manipur, houses were burnt; Protesters clash with security forces, RAF fires tear gas
महत्वाच्या बातम्या
- पीएम मोदींसाठी डिनर होस्ट करणार बायडेन फॅमिली; पंतप्रधान 21 जून रोजी बायडेन-जिल यांचे पाहुणे असतील, दुसऱ्या दिवशी स्टेट डिनर
- अंतराळातून कसे दिसले बिपरजॉय चक्रीवादळ? सौदीच्या अंतराळवीराने टिपली भयंकर दृश्ये
- उत्तर प्रदेश : दारुल उलूम देवबंदने विद्यार्थ्यांना इंग्रजी शिकण्यावर घातली बंदी!
- अहमदाबादमध्ये लँडिंग दरम्यान इंडिगो फ्लाइटला ‘टेल स्ट्राइक’चा फटका