वृत्तसंस्था
नवी दिल्ली : आर्यन खानच्या अटकेसंदर्भात सीबीआयने एनसीबीचे माजी झोनल डायरेक्टर समीर वानखेडे यांच्याविरुद्ध लाचखोरीचा गुन्हा दाखल केला होता. आता मुंबई उच्च न्यायालयात जनहित याचिका दाखल करण्यात आली आहे, ज्यामध्ये अभिनेता शाहरुख खान आणि त्याचा मुलगा आर्यन खान यांनाही या प्रकरणात आरोपी बनवण्याची मागणी करण्यात आली आहे. या याचिकेवर उच्च न्यायालयात आज सुनावणी होणार आहे.Demand to accuse Shahrukh-Aryan in connection with bribery of Sameer Wankhede, hearing on Public Interest Litigation in Bombay High Court today
कॉर्डेलिया क्रुझ ड्रग्जप्रकरणी समीर वानखेडेंनी 2 ऑक्टोबर 2021 रोजी शाहरुख खानचा मुलगा आर्यन खान याला अटक केली होती. आर्यनला 26 दिवसांनंतर 30 ऑक्टोबरला जामीन मिळाला.
सीबीआयने 15 मे 2023 रोजी समीर वानखेडे यांच्या घरावर छापा टाकला होता. आर्यन खानला क्रूझ ड्रग्ज प्रकरणात अडकवू नये म्हणून समीर वानखेडे यांनी 25 कोटींची लाच मागितल्याचे तपास यंत्रणेतील सूत्रांनी सांगितले. त्याचवेळी या प्रकरणात समीर यांच्या एका साथीदाराने 50 लाख रुपये घेतल्याचा आरोप आहे.
आर्यन खानच्या एका प्रकरणात लाच घेतल्याच्या आरोपाखाली सीबीआयने समीर वानखेडे आणि इतर पाच जणांविरुद्ध गुन्हा दाखल केला आहे.
या प्रकरणात एजन्सीने समीरचीही चौकशी केली, परंतु सीबीआय त्याला अटक करण्यापूर्वीच वानखेडे यांनी मुंबई उच्च न्यायालयात अटकेपासून दिलासा मिळावा म्हणून याचिका दाखल केली. मुंबई उच्च न्यायालयाने समीर वानखेडे यांना 23 जूनपर्यंत अटकेपासून संरक्षण दिले आहे.
आता या प्रकरणात शाहरुख खान आणि आर्यन खान यांची नावे जोडण्याची मागणी करणारी जनहित याचिका रशीद खान पठाण यांनी मुंबई उच्च न्यायालयात दाखल केली आहे.
याचिकेत म्हटले आहे की, सीबीआयने आर्यन खानची बाजू घेण्यासाठी समीर वानखेडेवर 50 लाखांची लाच घेतल्याचा आरोप केला आहे. तर लाचलुचपत प्रतिबंधक कायद्याच्या कलम 12 मध्ये लाच देणाऱ्यावर कारवाई आणि शिक्षेची तरतूद आहे.
त्यामुळेच शाहरुख खान आणि त्याचा मुलगा आर्यन यांनाही केपी गोसावी यांच्यामार्फत समीर वानखेडेंना लाच दिल्याप्रकरणी आरोपी करण्यात यावे. या प्रकरणाचा तपास सीबीआयकडून एसआयटीकडे सोपवण्याची मागणी याचिकेत करण्यात आली आहे.
याप्रकरणी सीबीआयने समीर यांच्यासह 4 जणांवर गुन्हा दाखल केला आहे. एजन्सीने मुंबई, दिल्ली, रांची आणि कानपूरमध्ये एकूण 29 ठिकाणी छापे टाकले.
Demand to accuse Shahrukh-Aryan in connection with bribery of Sameer Wankhede, hearing on Public Interest Litigation in Bombay High Court today
महत्वाच्या बातम्या
- फडणवीसांची पॉप्युलरिटी, भाजपची सलग तिसऱ्यांदा शंभरी, ही तर पवारांची राजकीय कंबख्ती!!
- Maharashtra Drone Mission : देशातील पहिले ड्रोन धोरण आणि इकोसिस्टम महाराष्ट्राने तयार करावे – फडणवीस
- इतरांना गद्दार म्हणणाऱ्या उद्धव ठाकरेंचीच खरी गद्दारी; देवेंद्र फडणवीसांचे शरसंधान
- तीच कॅसेट वाचवू नका, निदान स्क्रिप्ट रायटर तरी बदला; एकनाथ शिंदेंचा उद्धव ठाकरेंना टोला