Delhi riots case : फेब्रुवारी 2020 मध्ये ईशान्य दिल्लीत झालेल्या दंगलीच्या प्रकरणी, उच्च न्यायालयाने म्हटले आहे की, ज्या नेत्यांवर आणि इतरांवर द्वेषपूर्ण भाषणासाठी खटले दाखल केले गेले आहेत त्यांनादेखील या खटल्यात पक्षकार केले जावे. ज्यांच्यावर दंगल भडकावल्याचा आरोप आहे त्यांना पक्षकार बनवावे, असे न्यायालयाने म्हटले आहे. न्यायमूर्ती सिद्धार्थ मृदुल आणि अनूप जे. भंभानी यांच्या खंडपीठाने सांगितले की, ज्यांच्यावर कारवाईची मागणी करण्यात आली आहे अशा अनेकांना या प्रकरणात पक्षकार करण्यात आलेले नाही. याचिकाकर्त्यांच्या वकिलांना वेळ देताना न्यायालयाने ही टिप्पणी केली. Delhi riots case Delhi High Court says Hate speech accused parties too; The names of Priyanka, Sonia Gandhi and Owaisi are also included
वृत्तसंस्था
नवी दिल्ली : फेब्रुवारी 2020 मध्ये ईशान्य दिल्लीत झालेल्या दंगलीच्या प्रकरणी, उच्च न्यायालयाने म्हटले आहे की, ज्या नेत्यांवर आणि इतरांवर द्वेषपूर्ण भाषणासाठी खटले दाखल केले गेले आहेत त्यांनादेखील या खटल्यात पक्षकार केले जावे. ज्यांच्यावर दंगल भडकावल्याचा आरोप आहे त्यांना पक्षकार बनवावे, असे न्यायालयाने म्हटले आहे. न्यायमूर्ती सिद्धार्थ मृदुल आणि अनूप जे. भंभानी यांच्या खंडपीठाने सांगितले की, ज्यांच्यावर कारवाईची मागणी करण्यात आली आहे अशा अनेकांना या प्रकरणात पक्षकार करण्यात आलेले नाही. याचिकाकर्त्यांच्या वकिलांना वेळ देताना न्यायालयाने ही टिप्पणी केली.
शेख मुज्तबा फारूक आणि लॉयर्स व्हॉईस यांच्यातर्फे वकील कॉलिन गोन्साल्विस आणि सोनिया माथूर यांनी सांगितले की, लवकरच या प्रकरणात गुंतलेल्या लोकांना गोवण्यात येणार आहे. अर्ज आल्यावरच सुनावणी पुढे जाईल, असे खंडपीठाने स्पष्ट केले.
या नेत्यांवर आरोप झाले
वकील वाइस यांनी काँग्रेस नेत्या सोनिया गांधी, राहुल गांधी आणि प्रियांका गांधी यांच्यावरही आरोप केले होते. याशिवाय या याचिकेत मनीष सिसोदिया, अमानतुल्ला खान आणि असदुद्दीन ओवैसी यांचीही नावे आहेत. उच्च न्यायालयात आता १६ फेब्रुवारीला दिल्ली दंगलीप्रकरणी सुनावणी होणार आहे.
दिल्ली दंगलीप्रकरणी पहिली शिक्षा सुनावली
दिल्लीच्या कर्करडूमा न्यायालयाने काही दिवसांपूर्वीच दिल्ली दंगलीप्रकरणी पहिल्या व्यक्तीला शिक्षा सुनावली होती. दिनेश यादव नावाच्या व्यक्तीला पाच वर्षांची शिक्षा सुनावण्यात आली. याशिवाय 12 हजार रुपयांचा दंडही ठोठावण्यात आला आहे. या दंगलीत 50 हून अधिक लोकांना आपला जीव गमवावा लागला आणि अनेक लोकांची घरे आणि दुकाने जाळण्यात आली.
2020च्या फेब्रुवारी महिन्यात दिल्लीच्या ईशान्य भागात अचानक जातीय आग लागली होती. यादरम्यान सुरू झालेल्या दंगलीत अनेक भागातील घरांना आग लावण्यात आली, ज्यामध्ये हिंदू आणि मुस्लिम दोन्ही समाजाचे लोक सहभागी झाले होते. त्याचवेळी दंगलीमुळे ईशान्य दिल्लीतील बाबरपूर, जाफ्राबाद, खजुरी खास, ब्रिजपुरी, मुस्तफाबाद, चांदबाग, मौजपूर आणि सीलमपूर भागांत अनेक वेळा दगडफेक आणि जाळपोळ झाली. जिथे अनेकांची हत्या झाली होती, ज्यात शेकडो लोक पळून गेले होते. उल्लेखनीय म्हणजे, नागरिकत्व दुरुस्ती कायद्याविरोधात सुरू असलेल्या निदर्शनांदरम्यान राजधानीत हिंसाचार उसळला. दिल्लीत सुमारे तीन दिवस गोंधळ सुरू होता आणि या काळात झालेल्या दंगलीत 50 हून अधिक लोकांना आपला जीव गमवावा लागला होता, तसेच शेकडो लोक जखमी झाले होते.
Delhi riots case Delhi High Court says Hate speech accused parties too; The names of Priyanka, Sonia Gandhi and Owaisi are also included
महत्त्वाच्या बातम्या