वृत्तसंस्था
नवी दिल्ली : नॅशनल क्राइम रेकॉर्ड ब्युरो (NCRB) ने रविवारी (3 डिसेंबर) 2022चा अहवाल प्रसिद्ध केला. या अहवालात दिल्ली हे महिलांसाठी सर्वात असुरक्षित शहर असल्याचे सांगण्यात आले आहे. दिल्लीत 2022 मध्ये एका दिवसात 3 बलात्काराचे गुन्हे दाखल झाले.Delhi is an unsafe city for women; NCRB-2022 report claims- 3 rapes in one day; 51 FIRs filed every hour
एनसीआरबीच्या 546 पानांच्या अहवालात असे म्हटले आहे की, देशात एकूण 4 लाख 45 हजार 256 महिलांवरील गुन्ह्यांची नोंद झाली आहे. याचा अर्थ दर तासाला सुमारे 51 एफआयआर दाखल करण्यात आले आहेत. 2021 मध्ये हा आकडा 4 लाख 28 हजार 278 होता.
2021च्या तुलनेत महिलांवरील गुन्ह्यांमध्ये 4 टक्क्यांनी वाढ झाल्याचे अहवालात म्हटले आहे. तर 2022 मध्ये 28 हजार 522 हत्येचे गुन्हे नोंदवण्यात आले होते, म्हणजे दररोज 78 खून झाले होते.
ज्या दिवशी देशात 4 राज्यांचे निवडणूक निकाल चर्चेत होते, त्याच दिवशी NCRB ने आपला अहवाल प्रसिद्ध केला की, देशात लहान मुले, अनुसूचित जाती (SC), अनुसूचित जमाती (ST) आणि सायबर गुन्हे खूप वाढले आहेत.
महिलांवरील गुन्ह्यांमध्ये उत्तर प्रदेश अव्वल
NCRBच्या अहवालात असे दिसून आले आहे की, महिलांवरील गुन्ह्यांचे प्रमाण (प्रति 1 लाख लोकसंख्येमागे घटनांची संख्या) 2021 मध्ये 64.5% वरून 2022 मध्ये 66% पर्यंत वाढली आहे. त्यापैकी 2022 मध्ये 19 महानगरांमध्ये एकूण 48 हजार 755 महिलांवरील गुन्ह्यांची नोंद झाली, जी 2021 च्या तुलनेत 12.3% अधिक आहे (43 हजार 414 प्रकरणे).
2022 मध्ये 65 हजार 743 गुन्ह्यांसह उत्तर प्रदेश महिलांविरोधातील गुन्ह्यांमध्ये आघाडीवर आहे. त्यापाठोपाठ महाराष्ट्र (45331 प्रकरणे) आणि राजस्थान (45058 प्रकरणे), पश्चिम बंगाल (34738 प्रकरणे) आणि मध्य प्रदेश (32765 प्रकरणे) यांचा क्रमांक लागतो.
दिल्ली हायकोर्टात समान नागरी कायद्यावरील सुनावणी बंद; विधी आयोगाकडून यावर काम सुरू असल्याचे मत
देशातील एकूण गुन्हेगारी कमी झाली
NCRB च्या अहवालानुसार, भारतीय दंड संहिता (IPC) आणि विशेष आणि स्थानिक कायदे (SSL) अंतर्गत नोंदवलेल्या गुन्ह्यांमध्ये घट झाली आहे. अहवालानुसार, प्रति लाख लोकसंख्येमागे नोंदणीकृत गुन्ह्यांचे प्रमाण 2021 मध्ये 445.9 वरून 2022 मध्ये 422.2 इतके कमी झाले आहे.
2022 मध्ये 58 लाख 24 हजार 946 गुन्ह्यांची नोंद करण्यात आली असून त्यात 35 लाख 61 हजार 379 भारतीय दंड संहिता (IPC) आणि 22 लाख 63 हजार 567 विशेष आणि स्थानिक कायदा (SLL) गुन्ह्यांचा समावेश आहे.
2021 मध्ये ही संख्या 60,96,310 नोंदवली गेली. यामध्ये 2 लाख 71 हजार 364 म्हणजेच 4.5% चा समावेश आहे.
2022 मध्ये 10 हजार विद्यार्थ्यांच्या आत्महत्या
2022 मध्ये 18 वर्षाखालील 10 हजार 295 मुलांनी आत्महत्या केल्याचे या अहवालात समोर आले आहे. यामध्ये मुलांची संख्या 4616, तर मुलींची संख्या 5588 होती. परीक्षेत नापास झाल्यामुळे 2 हजारांहून अधिक विद्यार्थ्यांनी आत्महत्या केल्या आहेत.
गतवर्षीच्या तुलनेत महानगरांमध्ये गुन्हेगारी 10.4% कमी
2021 (एकूण 952273 प्रकरणे) च्या तुलनेत 19 महानगरांमधील गुन्हेगारीचे प्रमाण 10.4% ने कमी झाले आहे. 2022 मध्ये हा आकडा 8 लाख 53 हजार 470 होता. या शहरांमध्ये अहमदाबाद, बेंगळुरू, चेन्नई, कोईम्बतूर, दिल्ली, गाझियाबाद, हैदराबाद, इंदौर, जयपूर, कानपूर, कोची, कोलकाता, कोझिकोड, लखनौ, मुंबई, नागपूर, पाटणा, पुणे आणि सुरत यांचा समावेश आहे.
Delhi is an unsafe city for women; NCRB-2022 report claims- 3 rapes in one day; 51 FIRs filed every hour
महत्वाच्या बातम्या
- ‘मिग्जोम’ चक्रीवादळ आता आंध्र प्रदेशात धडकणार; चेन्नईत पाच जणांचा मृत्यू
- Chhattisgarh Result : हिंसाचारात मुलगा गमावलेल्या ईश्वर साहूंनी भाजपच्या तिकीटावर लढत काँग्रेसच्या मंत्र्याचा केला पराभव!
- मिझोराममध्ये ZPM विजयी, MNF सत्तेतून बाहेर, कॉंग्रेसला मिळाली फक्त एक जागा
- I.N.D.I.A. आघाडीच्या बैठकीला ममता बॅनर्जी जाणार नाही, म्हणाल्या…
