जाणून घ्या, उज्ज्वला योजनेअंतर्गत आता किती रुपयांना सिलिंडर मिळणार?
विशेष प्रतिनिधी
LPG Cylinder Price: सोमवारी देशात LPG सिलिंडरच्या किमतीत वाढ झाली आहे. सरकारने १४ किलोच्या घरगुती एलपीजी सिलिंडरच्या किमतीत ५० रुपयांनी वाढ केली आहे. आता उज्ज्वला योजनेअंतर्गत उपलब्ध असलेल्या एलपीजी सिलिंडरची किंमत ५०३ रुपयांवरून ५५३ रुपये झाली आहे. त्याचवेळी, उज्ज्वला योजनेअंतर्गत उपलब्ध असलेल्या सिलिंडरची किंमत ८०३ रुपयांवरून ८५३ रुपये होईल.
पेट्रोलियम मंत्री हरदीप सिंग पुरी यांनी ही माहिती माध्यमांना दिली. त्यांनी सांगितले की आंतरराष्ट्रीय किमती वाढल्या आहेत आणि येथील किमती कमी होत आहेत. आम्ही एलपीजीच्या किमतीत ५० रुपयांची वाढ करण्याचा निर्णय घेतला आहे. ते म्हणाले, ‘आम्ही येत्या काळात दरांचाही आढावा घेऊ.’ केंद्रीय मंत्र्यांच्या मते, ‘स्वयंपाकाच्या गॅसशी संबंधित योजनांमध्ये आपण खूप पुढे आहोत. उज्ज्वला योजनेशी १० कोटींहून अधिक लाभार्थी जोडले गेले आहेत. ते म्हणाले, ‘आज आपल्या बंधूभगिनींना लाकूड, शेण आणि इतर गोष्टींवर अवलंबून राहावे लागत नाही.’
गेल्या काही महिन्यांत १९ किलोच्या व्यावसायिक गॅस सिलेंडरच्या किमतीत बदल झाला आहे. तर त्याच वेळी, १४.२ किलो सिलिंडरच्या किमतीत शेवटचा बदल गेल्या वर्षी ऑगस्ट २०२४ मध्ये दिसून आला होता. यानंतर, एलपीजी स्वयंपाकाच्या गॅस सिलेंडरच्या किंमतीत कोणताही बदल झालेला नाही. आयओसीएलनुसार, सध्या दिल्लीत एलपीजी सिलिंडरची किंमत ८०३ रुपये आहे. अशाप्रकारे मुंबईत ही किंमत ८०२.५० रुपये आहे. कोलकातामध्ये याची किंमत ८२९ रुपये आहे. तर चेन्नईमध्ये एलपीजी सिलिंडरची किंमत ८१८.५० रुपये आहे.