kanhaiya kumar and gujarat mla jignesh mewani joins congress : राहुल गांधी यांच्या उपस्थितीत कन्हैया कुमार मंगळवारी काँग्रेसमध्ये दाखल झाले. गुजरातमधील अपक्ष आमदार जिग्नेश मेवानी काँग्रेसमध्ये सामील झाले, परंतु त्यांनी अद्याप औपचारिकपणे प्रवेश केलेला नाही. यानंतर काँग्रेसने पत्रकार परिषद घेतली. यादरम्यान, कन्हैया कुमार म्हणाले की, काँग्रेस वाचली तरच देश वाचेल. त्याचवेळी जिग्नेश मेवाणी म्हणाले की, आज संविधान, लोकतंत्र खतरे में है, आपल्याला हे वाचवायचे आहे.. Cpi leader kanhaiya kumar and gujarat mla jignesh mewani joins congress in the presence of rahul gandhi
प्रतिनिधी
नवी दिल्ली : राहुल गांधी यांच्या उपस्थितीत कन्हैया कुमार मंगळवारी काँग्रेसमध्ये दाखल झाले. गुजरातमधील अपक्ष आमदार जिग्नेश मेवानी काँग्रेसमध्ये सामील झाले, परंतु त्यांनी अद्याप औपचारिकपणे प्रवेश केलेला नाही. यानंतर काँग्रेसने पत्रकार परिषद घेतली. यादरम्यान, कन्हैया कुमार म्हणाले की, काँग्रेस वाचली तरच देश वाचेल. त्याचवेळी जिग्नेश मेवाणी म्हणाले की, आज संविधान, लोकतंत्र खतरे में है, आपल्याला हे वाचवायचे आहे.
तत्पूर्वी, कन्हैया कुमार आणि जिग्नेश मेवाणी यांनी दिल्लीतील शहीद-ए-आझम भगतसिंग पार्कमध्ये काँग्रेस नेते राहुल गांधी यांची भेट घेतली. यादरम्यान तिन्ही नेते एकमेकांचा हात धरून एकजुटीचे प्रदर्शन करताना दिसले.
काँग्रेस वाचली तर देश वाचेल : कन्हैया कुमार
दोन्ही नेते पक्षात सामील झाल्यानंतर, काँग्रेसच्या वतीने पत्रकार परिषद आयोजित करण्यात आली. या दरम्यान, काँग्रेस प्रवक्ते रणदीप सुरजेवाला म्हणाले, “ते (कन्हैया कुमार आणि जिग्नेश मेवानी) सतत मोदी सरकार आणि हिटलरच्या राजवटीच्या धोरणाविरुद्ध लढले. आमच्या या कॉम्रेड्सना वाटले की हा आवाज प्रभावी होण्यासाठी काँग्रेस आणि राहुल गांधी यांच्या आवाजासह एक होणे आवश्यक आहे.
कन्हैया कुमार म्हणाला, “मी काँग्रेसमध्ये सामील होत आहे कारण तो फक्त एक पक्ष नाही, हा एक विचार आहे. हा देशातील सर्वात जुना आणि लोकशाही पक्ष आहे आणि मी ‘लोकशाही’वर जोर देत आहे. केवळ मीच नाही, अनेकांना वाटते की देश काँग्रेसशिवाय जगू शकत नाही.
त्याच वेळी नवी दिल्लीतील काँग्रेस मुख्यालयात कन्हैया कुमारसाठी स्वागत पोस्टर्स लावण्यात आले आहेत, त्यांना पक्षात सामील झाल्याबद्दल अभिनंदन. पोस्टरमध्ये राहुल गांधींसोबत कन्हैया कुमार दिसत आहे. आता कन्हैया कुमार आणि जिग्नेश मेवानी यांच्या प्रवेशामुळै कॉंग्रेसला गतवैभव परत मिळवण्याची आशा आणि मोठी जबाबदारी या दोन्ही नेत्यांवर आली आहे.
बिहारमध्ये कन्हैया आणि गुजरातमध्ये जिग्नेश यांना काँग्रेसमध्ये मोठे पद दिले जाऊ शकते. त्याचबरोबर येत्या काही दिवसांत आणखी काही युवा नेतेही पक्षात सामील होण्याची शक्यता आहे.
दोन्ही नेते बऱ्याच काळापासून काँग्रेस नेतृत्वाच्या संपर्कात
मिळालेल्या माहितीनुसार, दोन्ही नेते बऱ्याच काळापासून काँग्रेस नेतृत्वाच्या संपर्कात होते. अलीकडेच कन्हैया कुमारने काँग्रेस नेते राहुल गांधी यांची भेट घेतली. त्याचवेळी जिग्नेश मेवाणी हेही काँग्रेस नेतृत्वाच्या संपर्कात होते. गत गुजरात निवडणुकीत काँग्रेसने जिग्नेशला उत्तर गुजरातच्या बनासकांठा जिल्ह्यातील वडगाम मतदारसंघातून उमेदवारी न देता मदत केली होती.
गेल्या दोन वर्षांत अनेक तरुण नेत्यांनी काँग्रेस सोडली आहे. ज्योतिरादित्य सिंधिया, सुष्मिता देव, जितिन प्रसाद आणि प्रियंका चतुर्वेदी यांची नावे यात समाविष्ट आहेत. कन्हैया आणि जिग्नेश काँग्रेसमध्ये सामील झाल्यास, पक्ष त्यांचा वापर उत्तर प्रदेशातील पूर्वांचल प्रदेशात प्रचारासाठी करू शकतो. कारण सपा-बसपने स्पष्ट केले आहे की, ते आगामी विधानसभा निवडणुकीसाठी काँग्रेसशी हातमिळवणी करणार नाहीत, पक्ष स्वबळावर निवडणुका लढेल.
Cpi leader kanhaiya kumar and gujarat mla jignesh mewani joins congress in the presence of rahul gandhi
महत्त्वाच्या बातम्या
- मोफत शिवभोजन थाळी बंद होणार, 1 ऑक्टोबरपासून पूर्वीप्रमाणे 10 रुपयांना मिळणार, शासनादेश जारी
- मराठवाड्यात अतिवृष्टीचा कहर, 10 जणांनी गमावला जीव, अनेक गुरे बेपत्ता, अनेक घरे पाण्याखाली
- शेअर मार्केट : एकाच महिन्यात कमावले 900 कोटी, ‘या’ दोन शेअर्सनी बिग बुल राकेश झुनझुनवाला यांना केले मालामाल
- ‘सुतार समाजाला ब्राह्मणांमध्ये स्थान द्या’, आरक्षण रद्द करून खुल्या प्रवर्गात घेण्याची पुण्यातील संघटनेची मागणी
- रामलीलेतील श्रीरामालाच धमकी : पात्र साकारणारा मुस्लिम कलाकार दहशतीत, धर्मांधांच्या भीतीने पोलिसांत धाव, दानिशला खुद्द मुख्यमंत्री योगींचे पत्र