Covid Widow Scheme : आसाम सरकारने कोरोना पीडितांना मदत करण्यासाठी मोठा निर्णय घेतला आहे. मुख्यमंत्री हेमंत बिस्वा सरमा यांनी कोरोना महामारीमुळे पती गमावलेल्या विधवांसाठी एकरकमी अडीच लाख रुपयांची आर्थिक मदत योजना सुरू केली आहे. यासाठी अट अशी आहे की, पीडितांचे वार्षिक कौटुंबिक उत्पन्न पाच लाख रुपयांपेक्षा कमी असावे. Covid Widow Scheme Assam CM Himant Biswa Sarma Announces rs 2 point 50 lakh aid to Covid Widows in State
वृत्तसंस्था
गुवाहाटी : आसाम सरकारने कोरोना पीडितांना मदत करण्यासाठी मोठा निर्णय घेतला आहे. मुख्यमंत्री हेमंत बिस्वा सरमा यांनी कोरोना महामारीमुळे पती गमावलेल्या विधवांसाठी एकरकमी अडीच लाख रुपयांची आर्थिक मदत योजना सुरू केली आहे. यासाठी अट अशी आहे की, पीडितांचे वार्षिक कौटुंबिक उत्पन्न पाच लाख रुपयांपेक्षा कमी असावे.
वृत्तसंस्था पीटीआयच्या वृत्तानुसार, कोविड-19 विधवा साहाय्य योजनेंतर्गत एका कार्यक्रमात आसामच्या मुख्यमंत्र्यांनी आठ जिल्ह्यांतील 176 विधवा महिलांना आर्थिक मदतीचे धनादेश दिले. या योजनेंतर्गत आतापर्यंत 873 महिलांची निश्चिती करण्यात आल्याची माहिती मुख्यमंत्र्यांनी दिली. पुढील आठवड्यापर्यंत राज्यमंत्री या महिलांना धनादेश देतील. त्यांनी सांगितले की, आसाममध्ये कोरोना साथीच्या आजारामुळे 6,159 जणांचा मृत्यू झाला आहे.
मुख्यमंत्री म्हणाले की, महामारीमुळे मृत्यू झालेल्यांपैकी 1347 जण इतर आजारांनी ग्रस्त होते. ते म्हणाले की, आम्ही कोरोना साथीच्या आजारामुळे पती गमावणाऱ्या 873 विधवांची निश्चिती केली आहे, परंतु ही संख्या दोन ते अडीच हजारांच्या आसपास असू शकते. पीडितांची नावे नोंदवण्याची प्रक्रिया राज्यातील सर्व जिल्ह्यांत सुरू आहे. कोविड-19 मुळे प्रभावित कुटुंबांना निधी देण्याचे मी अर्थमंत्र्यांकडे आवाहन केले आहे.
मुख्यमंत्री म्हणाले की, ही आपल्या सर्वांसाठी आनंदाची बाब नाही. आम्ही जेव्हा जेव्हा सरकारी योजनांच्या लाभार्थींना आमंत्रित करतो तेव्हा आम्हाला अभिमान वाटतो, परंतु आज आपण अभिमान बाळगणार नाही किंवा आनंदही साजरा करणार नाही. दरम्यान, अर्थमंत्री अजंता नियोग 16 जुलै रोजी 2021-22 चा राज्याचा अर्थसंकल्प सादर करणार आहेत. सरकारने दिलेल्या माहितीनुसार विधानसभेचे अर्थसंकल्पीय अधिवेशन सोमवारपासून सुरू होणार आहे.
Covid Widow Scheme Assam CM Himant Biswa Sarma Announces rs 2 point 50 lakh aid to Covid Widows in State
महत्त्वाच्या बातम्या
- Solar Cycle : अवघ्या दीड रुपयांत 50 किमीचा प्रवास, तामिळनाडूच्या विद्यार्थ्याने बनवली सौरऊर्जेवर चालणारी सायकल
- महिलांच्या अंतर्वस्त्रात पुरुष, तर महिला टॉपलेस; बर्लिनच्या रस्त्यांवर का झाले असे आंदोलन? जाणून घ्या!
- मायक्रोसॉफ्टच्या कर्मचाऱ्यांना मिळणार तब्बल 1.12 लाखांचा बोनस, कठीण काळातही काम केल्याचे बक्षीस
- Peoples Padma Awards : पद्म पुरस्कारांसाठी PM मोदींनी मागितली नावे, असाधारण काम करणाऱ्यांचा होणार सन्मान
- ATS ने अलकायदाचा कट हाणून पाडला, लखनऊसह अनेक जिल्ह्यांत साखळी स्फोट घडवण्यापूर्वी 2 दहशतवाद्यांना अटक, जिवंत प्रेशर कुकर बॉम्बही जप्त