Omicron in India : कोरोनाच्या नव्या ओमिक्रॉन प्रकाराचे रुग्ण भारतातही आढळून आले आहेत. गुजरातमधील जामनगरमध्ये नवा रुग्ण आढळला आहे. गुजरातमधील जामनगरमध्ये आफ्रिकन देश झिम्बाब्वे येथून परतलेल्या एका व्यक्तीला कोरोनाचा नवीन प्रकार आढळला आहे. याबरोबर भारतात ओमिक्रॉनची रुग्णसंख्या तीन झाली आहे. Corona Cases Another case of Omicron in India, a person returned to Gujarat from African country found infected
वृत्तसंस्था
नवी दिल्ली : कोरोनाच्या नव्या ओमिक्रॉन प्रकाराचे रुग्ण भारतातही आढळून आले आहेत. गुजरातमधील जामनगरमध्ये नवा रुग्ण आढळला आहे. गुजरातमधील जामनगरमध्ये आफ्रिकन देश झिम्बाब्वे येथून परतलेल्या एका व्यक्तीला कोरोनाचा नवीन प्रकार आढळला आहे. याबरोबर भारतात ओमिक्रॉनची रुग्णसंख्या तीन झाली आहे. ओमिक्रॉन विषाणूचा रुग्ण आढळल्यानंतर गुजरातचे मुख्यमंत्री भूपेंद्र पटेल यांनी आरोग्य विभागाच्या अधिकाऱ्यांची बैठक घेतली. ओमिक्रॉन विषाणूची लागण झालेल्या व्यक्तीच्या संपर्कात आलेल्या सर्व लोकांची चाचणी करून त्यांचा शोध घेतला जात आहे. ही व्यक्ती दोन दिवसांपूर्वी झिम्बाब्वेहून गुजरातला परतली होती. विमानतळावरील तपासणीत पॉझिटिव्ह आढळले. त्यानंतर रुग्णाचा नमुना जिनोम सिक्वेन्सिंगसाठी पाठवण्यात आला. आता त्याच्या अहवालावरून ओमिक्रॉनला संसर्ग झाल्याचे स्पष्ट झाले आहे. 10 जण संक्रमित व्यक्तीच्या संपर्कात आल्याचे सांगण्यात येत आहे. सर्वांना क्वारंटाइन करण्यात आले असून त्यांच्या कोरोना अहवालाची प्रतीक्षा आहे. त्या व्यक्तीला कोरोनाचे दोन्ही डोस मिळाले आहेत.
ओमिक्रॉनचा तिसरा रुग्ण
ओमिक्रॉनचे हे भारतातील तिसरे प्रकरण आहे. याआधी गुरुवारी कर्नाटकमध्ये कोरोनाच्या नवीन प्रकारांची दोन प्रकरणे आढळून आली होती. हे रुग्ण ६६ आणि ४६ वर्षांचे आहेत. दोघांनाही लसीचे दोन्ही डोस मिळाले आहेत. दोघांमध्ये कोरोनाची सौम्य लक्षणे आढळून आली आहेत. यातील एक जण भारतातून दुबईलाही गेला आहे.
महाराष्ट्रात ओमिक्रॉन संशयितांमध्ये वाढ
महाराष्ट्रातही ३० जणांचे नमुने जीनोम सिक्वेन्सिंगसाठी पाठवण्यात आले आहेत. शुक्रवारपर्यंत राज्यातील अति जोखीम असलेल्या देशांमधून 2,821 प्रवासी मुंबईत आले आहेत. यातील दोघांचा अहवाल पॉझिटिव्ह आला आहे. मात्र, आतापर्यंत राज्यातील एकाही रुग्णामध्ये ओमिक्रॉन असल्याची खात्री झालेली नाही.
दुसरीकडे, राजस्थानमध्ये दक्षिण आफ्रिकेतून परतलेल्या कुटुंबातील चार सदस्य कोरोना पॉझिटिव्ह आढळले. इतकेच नाही तर त्याच्या संपर्कात आलेले 5 जणही कोरोना पॉझिटिव्ह आढळले आहेत. प्रशासनाने प्रत्येकाचे नमुने जीनोम सिक्वेन्सिंगसाठी पाठवले आहेत.
Corona Cases Another case of Omicron in India, a person returned to Gujarat from African country found infected
महत्त्वाच्या बातम्या
- राष्ट्रपती रायगडावर हेलिकॉप्टरने नव्हे, रोपवेने येणार; शिवभक्तांच्या भावनांचा आदर राखल्याबद्दल खा. संभाजीराजेंनी मानले आभार
- धक्कादायक : शेतकऱ्याने विकला ११२३ किलो कांदा, हाती आले १३ रुपये, राजू शेट्टी म्हणतात- यातून सरकारचं तेरावं घालायचं का?
- आज मोदी, तर 16 डिसेंबरला राहुल गांधी उत्तराखंडच्या मोहिमेवर; 18 हजार कोटींच्या प्रकल्पांचा मोदींच्या हस्ते शिलान्यास
- कुसुमाग्रजांचे नाव दिले, पण सावरकरांचे नाव न देण्याचा देण्याचा अट्टाहासातून दोन्ही महनीयांची उंची कमी करत नाही का? फडणवीसांचा परखड सवाल
- IND V/s NZ : एजाज पटेलने पटकावल्या सर्व १० विकेट, कुंबळेची केली बरोबरी, भारताच्या सिराजनेही किवी सलामीविरांना धाडले माघारी