• Download App
    तामिळनाडूत CM ब्रेकफास्ट योजनेत वाद, दलिताच्या हातचे जेवण खाण्यास विद्यार्थ्यांचा नकार; शाळा सोडण्याचा इशारा|Controversy over Tamil Nadu CM breakfast scheme, students refuse to eat food from Dalit's hands; Warning to drop out of school

    तामिळनाडूत CM ब्रेकफास्ट योजनेत वाद, दलिताच्या हातचे जेवण खाण्यास विद्यार्थ्यांचा नकार; शाळा सोडण्याचा इशारा

    वृत्तसंस्था

    चेन्नई : तामिळनाडूतील करूर जिल्ह्यातील एका शाळेत मुलांनी दलित महिलेने बनवलेले जेवण खाण्यास नकार दिला. हे प्रकरण वेलन चेट्टियार पंचायत युनियन शाळेशी संबंधित आहेत. यामध्ये 30 पैकी 15 मुलांनी अन्न खाण्यास नकार दिला. मुख्यमंत्री ब्रेकफास्ट योजनेंतर्गत शाळेतील मुलांसाठी मोफत जेवण तयार करण्यात आले. दलितांनी जेवण बनवले, तर ते मुलांना शाळेतून काढतील, असेही मुलांच्या पालकांनी सांगितले.Controversy over Tamil Nadu CM breakfast scheme, students refuse to eat food from Dalit’s hands; Warning to drop out of school

    या प्रकरणाची माहिती मिळताच जिल्हाधिकारी टी. प्रभू शंकर शाळेत पोहोचले. त्यांनी मुलांना आणि पालकांना जातीय भेदभावासाठी एससी/एसटी कायद्यांतर्गत कायदेशीर कारवाई करण्याचा इशारा दिला.



    सुमती यांच्या हातचे अन्न कलेक्टरांनी खाल्ले

    प्रभू शंकर हे मंगळवारी ब्रेकफोस्ट योजनेची पाहणी करण्यासाठी गेले होते. यानंतर त्यांनी पालकांची भेट घेतली. सुमतीने जेवण बनवल्याचे पालकांनी सांगितले. सुमथी अरुणथियार समाजातील असून त्या दलित आहेत. जोपर्यंत त्या स्वयंपाक करतील, तोपर्यंत मुले खाणार नाहीत.

    भेदभाव दूर करण्यासाठी जिल्हाधिकार्‍यांनी सुमती यांनी दिलेले अन्नही खाल्ले.

    जिल्हा प्रशासन म्हणाले- भेदभाव खपवून घेणार नाही

    या योजनेचे नियोजन संचालक श्रीनिवासन यांनी पालकांना त्यांच्या मुलांना अन्न खायला देण्यास सांगितले. पालकांनी त्याची विनंती नाकारली. जिल्हा प्रशासनाने एक निवेदन जारी करून सर्व पालकांना त्यांच्या मुलांना अन्न खाण्यास परवानगी देण्यास सांगितले आहे. कोणत्याही प्रकारचा भेदभाव खपवून घेणार नसल्याचे त्यांनी स्पष्ट केले.

    Controversy over Tamil Nadu CM breakfast scheme, students refuse to eat food from Dalit’s hands; Warning to drop out of school

    महत्वाच्या बातम्या

    Related posts

    Ahmedabad Air India : अहमदाबाद एअर इंडिया विमान अपघाताचा सगळाच उलगडा होणार ; ब्लॅक बॉक्स डेटाचा डाउनलोड!

    Yogi government : योगी सरकार ‘सपा’ खासदाराशी लग्न करणाऱ्या क्रिकेटपटू रिंकू सिंगला देणार सरकारी नोकरी

    Mumbai : मुंबईत कर्करोगग्रस्त आजीला कचराकुंडीत फेकणाऱ्या नातवाला अखेर अटक