प्रतिनिधी
बंगळुरू : AIMIM पक्षाचे प्रमुख असदुद्दीन ओवैसी यांनी मंगळवारी काँग्रेस पक्षाच्या जाहीरनाम्यावर हल्ला चढवला. ते म्हणाले की, काँग्रेस हा सर्वात जुना पक्ष निवडणुकीपूर्वी केवळ आश्वासने देतो, ती पूर्ण करत नाही. बाबरी मशीद पाडल्याच्या वेळीही पक्षाने मशीद पुन्हा बांधण्याचा संकल्प केला होता, पण काय झाले? काहीही नाही.Congress only promises, not fulfills, Owaisi said- I have not come to divide Muslim votes in Karnataka
काँग्रेसने आपल्याबाबत केलेला दावाही ओवैसींनी फेटाळून लावला. ते म्हणाले की, कर्नाटकात मुस्लिम मतांचे विभाजन करण्यासाठी भाजपने मला पाठवले असल्याचा काँग्रेसचा दावा आहे. हे सर्व खोटे आहे. संपूर्ण कर्नाटकात आम्ही दोनच जागांवर निवडणूक लढवत आहोत. त्यांनी काँग्रेससाठी एक म्हण उद्धृत केली – नाचता येईना आंगण वाकडे.
कर्नाटक निवडणुकीसाठी काँग्रेसचा जाहीरनामा
कर्नाटक विधानसभेसाठी काँग्रेसने मंगळवारी आपला जाहीरनामा प्रसिद्ध केला. यामध्ये काँग्रेसने सरकार स्थापन झाल्यास बजरंग दलसारख्या संघटनांवर बंदी घालण्याचे आश्वासन दिले आहे. पक्षाने प्रत्येक कुटुंबाला 200 युनिट मोफत वीज, कुटुंबातील प्रत्येक महिला प्रमुखाला दरमहा 2 हजार रुपये देण्याची घोषणा केली आहे. तरुण मतदारांना आकर्षित करण्यासाठीही पक्षाने घोषणा केल्या आहेत. त्याअंतर्गत बेरोजगार पदवीधरांना दरमहा 3 हजार रुपये आणि पदविकाधारकांना दोन वर्षांसाठी 1500 रुपये प्रति महिना देण्याची घोषणा करण्यात आली आहे. याशिवाय महिलांना राज्य सरकारी बसमध्ये मोफत प्रवास करण्याचे आश्वासनही देण्यात आले आहे.
Congress only promises, not fulfills, Owaisi said- I have not come to divide Muslim votes in Karnataka
महत्वाच्या बातम्या
- तामिळनाडूत भाजपच्या वाढत्या प्रभावामुळे द्रमुकची खेळी, मंदिरांच्या 4200 कोटींच्या जमिनीवरील अतिक्रमण हटवले
- मोदी आडनाव बदनामीचा खटला, राहुल गांधींना तूर्तास दिलासा नाही, गुजरात हायकोर्ट जूनमध्ये निकाल देण्याची शक्यता
- अमेरिकन आयोगाची भारताला ब्लॅकलिस्ट करण्याची मागणी, धार्मिक स्वातंत्र्यावर प्रश्नचिन्ह, भारताने फेटाळली मागणी
- द केरला स्टोरीवर बंदी नाहीच, सुप्रीम कोर्टाने फेटाळली याचिका, कोर्टाने म्हटले, चित्रपटाला प्रमाणपत्र मिळाले आहे, हे हेटस्पीचचे प्रकरण नाही