Salman Khurshid : कॉंग्रेसचे ज्येष्ठ नेते सलमान खुर्शीद यांनी आपल्या काँग्रेस पक्षाला भाजपप्रमाणे मोठा विचार करण्याचा सल्ला दिला आहे. सोमवारी ते म्हणाले की, कॉंग्रेसने आपण खूपच लहान आणि कमजोर झालो आहोत, असा निराशावादी दृष्टिकोन झटकला पाहिजे. याशिवाय त्यांना आपले गतवैभव पुन्हा मिळणार नाही. Congress Leader Salman Khurshid Says We As A Party Have To Think Big Like BJP To Succeed
वृत्तसंस्था
नवी दिल्ली : कॉंग्रेसचे ज्येष्ठ नेते सलमान खुर्शीद यांनी आपल्या काँग्रेस पक्षाला भाजपप्रमाणे मोठा विचार करण्याचा सल्ला दिला आहे. सोमवारी ते म्हणाले की, कॉंग्रेसने आपण खूपच लहान आणि कमजोर झालो आहोत, असा निराशावादी दृष्टिकोन झटकला पाहिजे. याशिवाय त्यांना आपले गतवैभव पुन्हा मिळणार नाही.
काँग्रेसचे ज्येष्ठ नेत सलमान खुर्शीद यांनी पीटीआयला दिलेल्या मुलाखतीत म्हटले की, “पश्चिम बंगाल आणि आसाममधून मला एक गोष्ट शिकायला मिळाली आहे : तुम्ही एक प्रदेश किंवा राज्यात खूपच लहान, दुर्बल आहात आणि दुसऱ्या भागात वा राज्यात काही मोठे करू शकत नाहीत, हे कधीच स्वीकारू नये. खुर्शीद म्हणाले की, “माझा असा विश्वास आहे की ज्या ठिकाणी ते अस्तित्वात नव्हते अशा ठिकाणीही भाजपने अशा जागांवरही हे केले (मोठा विचार करण्याची रणनीती) आहे जिथे त्यांचे कोणतेही अस्तित्व नव्हते.”
माजी केंद्रीयमंत्री खुर्शीद जोर देत म्हणाले की, “कॉंग्रेसने आपली जमीन खूप जास्त गमावली आहे आणि ती पुन्हा मिळवू शकत नाही, हा निराशावादी दृष्टिकोन स्वीकारू नये. मला वाटते की आम्ही हे वचनबद्धतेने व आत्मविश्वासाने करू शकतो आणि आम्ही ते करायलाच हवे.” पश्चिम बंगालमध्ये जनतेने विचारपूर्वक रणनीतीने मतदान केले, ज्यामुळे तेथून काँग्रेस आणि डाव्यांचा सफाया झाला, या विचाराशी त्यांनी सहमती दर्शवली आहे.
खुर्शीद यांना विचारण्यात आले की, काँग्रेसमधीलच काही नेते असा विचार करतात की, पश्चिम बंगालमधील इंडियन सेक्युलर फ्रंट आणि आसाममधील एआययूडीएफशी युती झाल्यामुळे कॉंग्रेसचे नुकसान झाले, यावर तुम्हाला काय वाटते? खुर्शीद म्हणाले, “जेव्हा तुम्ही यशस्वी होत नाही तेव्हा अशा प्रकारची स्पष्टीकरणे दिली जातात. जेव्हा तुम्ही यशस्वी होता, तेव्हा तुम्हाला वेगळ्या प्रकारचे स्पष्टीकरण दिले जाते.”
खुर्शीद यांच्या मते, “जोपर्यंत आपली निर्णय घेण्याची प्रक्रिया आणि निर्णयाचे वैशिष्ट्याचे विश्लेषण करण्यात मदत होत नाही, तोपर्यंत निवडणुकीच्या नंतरच्या स्पष्टीकरणाला माझ्या मते अर्थ नाही. मी एवढेच सांगू शकतो की दोन्ही बाजूंनी बर्‍याच गोष्टी सांगता येतील. उत्तर प्रदेशमधील विधानसभा निवडणुकीतील कॉंग्रेसचा जाहीरनामा जनभावना व्यक्त करेल, असेही खुर्शीद म्हणाले.
Congress Leader Salman Khurshid Says We As A Party Have To Think Big Like BJP To Succeed
महत्त्वाच्या बातम्या
- Cyclone Tauktae Landfall : गुजरातच्या अगदी जवळ पोहोचले चक्रीवादळ, जाणून घ्या केव्हा अन् कुठे होईल लँडफॉल, किती असेल वाऱ्याचा वेग!
- देशात लसीकरण झाल्यानंतर रक्त गोठण्याच्या तक्रारी नगण्य, आतापर्यंत फक्त 26 केसेस आढळल्या
- न केलेल्या कामाचे श्रेय घेणे अभिनेता सोनू सूदला महागात, ओडिशातील जिल्हाधिकाऱ्यांनी खुलासा करताच नेटकऱ्यांनी घेतले फैलावर
- Central Vista Project : सेंट्रल व्हिस्टाचे बांधकाम रोखण्याच्या याचिकेवर सुनावणी, दिल्ली हायकोर्टाने राखून ठेवला निर्णय
- दिल्लीमध्ये जैशच्या दहशतवाद्याला अटक, साधूच्या वेशात स्वामी नरसिंहानंदांच्या हत्येचा होता कट