वृत्तसंस्था
श्रीनगर : Jammu and Kashmir, गुरुवारी दुपारी १२:३० वाजता जम्मू आणि काश्मीरमधील किश्तवाड येथील चशोटी गावात ढगफुटी झाली. डोंगरावरील पाण्यात आणि ढिगाऱ्यात अनेक लोक अडकले. या अपघातात आतापर्यंत ५२ जणांचा मृत्यू झाला आहे. आतापर्यंत १६७ जणांना वाचवण्यात आले आहे. तर, १०० हून अधिक लोक बेपत्ता आहेत. Jammu and Kashmir,
मचैल माता यात्रेसाठी किश्तवाडमधील पद्दार उपविभागातील चशोटी गावात हजारो भाविक पोहोचले होते, तेव्हा हा अपघात झाला. यात्रेचा हा पहिला थांबा आहे. यात्रा जिथून सुरू होणार होती तिथेच ढगफुटी झाली. येथे बसेस, तंबू, लंगर आणि भाविकांची अनेक दुकाने होती. सर्वकाही पुराच्या पाण्यात वाहून गेले. Jammu and Kashmir,
किश्तवाड शहरापासून सुमारे ९० किमी अंतरावर आणि मचैल माता मंदिराकडे जाणाऱ्या मार्गावरील पहिले गाव म्हणजे चशोटी. हे ठिकाण १४-१५ किमी अंतरावर असलेल्या पद्दार खोऱ्यात आहे. या भागातील पर्वत १,८१८ मीटर ते ३,८८८ मीटर उंचीचे आहेत. इतक्या उंचीवर, हिमनद्या आणि उतार आहेत, ज्यामुळे पाण्याचा प्रवाह वेगवान होतो.
मचैल माता तीर्थयात्रा दरवर्षी ऑगस्टमध्ये होते. हजारो भाविक तिथे येतात. ती २५ जुलै ते ५ सप्टेंबर पर्यंत चालेल. जम्मू ते किश्तवाड हा मार्ग २१० किमी लांब आहे आणि पद्दार ते चशोटी हा १९.५ किमीचा रस्ता वाहनांसाठी सोयीस्कर आहे. त्यानंतर ८.५ किमीचा ट्रेक आहे.
किश्तवाडमध्ये मदत आणि बचाव कार्यात लष्कराचाही सहभाग
जम्मू येथील लष्कराच्या जनसंपर्क अधिकाऱ्यांनी (पीआरओ) गुरुवारी सांगितले की, चशोटी गावात ढगफुटीमुळे बाधित झालेल्या भागात लष्कर मदत आणि बचाव कार्यात गुंतले आहे. बाधित लोकांना मदत साहित्य, वैद्यकीय पथके आणि बचाव उपकरणे पुरवण्यात आली आहेत.
अपघाताबद्दल पंतप्रधान मोदींनी व्यक्त केले दुःख, सर्वतोपरी मदत केली जाईल
https://x.com/narendramodi/status/1955950475754283228
२ सीआयएसएफ जवानांचा मृत्यू, ३७ जणांची प्रकृती गंभीर
किश्तवाड जिल्ह्यातील चशोटी गावात ढगफुटीत आतापर्यंत २ सीआयएसएफ जवानांसह ३३ जणांचा मृत्यू झाला आहे. २०० हून अधिक लोक बेपत्ता आहेत. १०० जण जखमी झाले आहेत. यापैकी ३७ जणांची प्रकृती गंभीर आहे. त्यांना किश्तवाड जिल्हा रुग्णालयात दाखल करण्यात आले आहे. सुमारे ७० ते ८० इतर जखमींवर पडेरच्या उपजिल्हा रुग्णालयात उपचार सुरू आहेत.
Cloudburst Jammu Kishtwar 52 Dead
- Pune Police : पुण्याचे पोलीस केवळ दंड वसूल करण्यासाठी आहेत का ?
- Supreme Court Lawyer : सर्वोच्च न्यायालयाबाहेर वकिलाची श्वानप्रेमीला मारहाण; दिल्ली-NCRमध्ये भटक्या कुत्र्यांवर बंदीविरोधात आंदोलन करत होता
- रघुराम राजन यांच्या बुद्धीभेदाला अमिताभ कांत यांचा उतारा; भारताला चीन बरोबर उत्पादन क्षेत्रात उतरवा!!
- NPCI Bans : 1 ऑक्टोबरपासून UPI द्वारे पैशाची मागणी पाठवता येणार नाही; NPCIचा फसवणूक रोखण्यासाठी मोठा निर्णय