8 वर्षांखालील मुलांना लवकरच कोरोनाची लस मिळण्याची अपेक्षा आहे. प्रसिद्ध फार्मा कंपनी जॉन्सन अँड जॉन्सनने भारतात लसीच्या चाचणीसाठी भारत सरकारकडे परवानगी मागितली आहे. कंपनी 12 ते 17 वर्षे वयोगटातील मुलांवर लसीची चाचणी करणार आहे. दुसरीकडे, केंद्रीय आरोग्य मंत्री मनसुख मंडाविया यांनीही सांगितले आहे की, मुलांसाठी विकसित करण्यात येत असलेल्या लसीचे परिणाम पुढील महिन्यात येऊ शकतात. Childrens Vaccine Johnson Seeks Permission For Trial In India, Vaccine For Children between 12-17 Years Of Age
विशेष प्रतिनिधी
नवी दिल्ली : 18 वर्षांखालील मुलांना लवकरच कोरोनाची लस मिळण्याची अपेक्षा आहे. प्रसिद्ध फार्मा कंपनी जॉन्सन अँड जॉन्सनने भारतात लसीच्या चाचणीसाठी भारत सरकारकडे परवानगी मागितली आहे. कंपनी 12 ते 17 वर्षे वयोगटातील मुलांवर लसीची चाचणी करणार आहे. दुसरीकडे, केंद्रीय आरोग्य मंत्री मनसुख मंडाविया यांनीही सांगितले आहे की, मुलांसाठी विकसित करण्यात येत असलेल्या लसीचे परिणाम पुढील महिन्यात येऊ शकतात.
जर सर्व काही ठीक राहिले, तर मुलांना लवकरच कोरोनाची लस मिळू शकते. एम्सचे संचालक डॉ. रणदीप गुलेरिया यांनीही काही दिवसांपूर्वी निवेदन दिले होते की, भारत बायोटेकच्या कोव्हॅक्सिनच्या दुसऱ्या आणि तिसऱ्या टप्प्यातील चाचण्यांचे निकाल सप्टेंबरपर्यंत समोर येतील.
नाकावाटे दिली जाणार लस
पुण्याच्या नॅशनल इन्स्टिट्यूट ऑफ व्हायरॉलॉजी (एनआयव्ही) च्या संचालिका डॉ. प्रिया अब्राहम यांनी सांगितले की, सध्या या लसीची मुलांसाठी चाचणी केली जात आहे. सप्टेंबरच्या अखेरीस किंवा ऑक्टोबरच्या सुरुवातीला ही लस मुलांसाठी उपलब्ध होईल अशी अपेक्षा आहे. डॉ. प्रिया म्हणाल्या की, नाकावाटे दिली जाणारी लस आणि जेनोवाही येणार आहे. जेनोवा लस mRNA वर आधारित आहे. या व्यतिरिक्त, कोव्हाव्हॅक्सदेखील लवकरच उपलब्ध होऊ शकते. नाकावाटे दिली जाणारी लस हे एक अनोखे संशोधन आहे, जे जगात पहिल्यांदा भारतात करण्यात आले आहे. त्यावर हैदराबाद स्थित भारत बायोटेक कंपनी काम करत आहे.
ही लस आणल्यानंतर लसीकरणाला मोठ्या प्रमाणात गती येऊ शकते. ही लस एका वेळी 100 ते 200 लोकांना फक्त एक ते दोन तासांत दिली जाऊ शकते. शाळांमध्ये याचा अधिक चांगला वापर होऊ शकतो.
Childrens Vaccine Johnson Seeks Permission For Trial In India, Vaccine For Children between 12-17 Years Of Age
महत्त्वाच्या बातम्या
- पंतप्रधान मोदी म्हणाले, दहशतवादाने श्रद्धा दडपली जाऊ शकत नाही, सोमनाथ मंदिर आमच्या श्रद्धेचे प्रेरणास्थान !
- तालिबानने कंधार आणि हेरातमधील भारतीय दूतावासात कुलूप तोडून केला प्रवेश, कार्यालयांची घेतली झडती
- Afghanistan Crisis : तालिबान्यांकडून पत्रकाराच्या शोधासाठी घरोघरी धाडी, कुटुंबीयांची केली निर्घृण हत्या
- Afghanistan Crisis : ‘काबूल एक्स्प्रेस’मध्ये काम करणारा अभिनेता भूमिगत, तालिबान्यांनी घर फोडले, दिग्दर्शक कबीर खानचा खुलासा
- महिला आणि समाजाच्या रक्षणासाठी असदुद्दीन ओवैसी यांना अफगाणिस्तानात पाठवून द्या; केंद्रीय मंत्री शोभा करंदलजे यांचा हल्लाबोल