• Download App
    Chief Minister Yogi संभल हिंसाचार प्रकरणी मुख्यमंत्री योगींची मोठी कारवाई!

    Chief Minister Yogi संभल हिंसाचार प्रकरणी मुख्यमंत्री योगींची मोठी कारवाई!

    दगडफेक करणाऱ्यांचे पोस्टर्स चौकाचौकात लावले जातील; नुकसान वसूल केले जाईल

    विशेष प्रतिनिधी

    लखनऊ : उत्तर प्रदेशच्या संभल जिल्ह्यात 24 नोव्हेंबर रोजी झालेल्या शाही जामा मशिदीच्या सर्वेक्षणादरम्यान झालेल्या गदारोळप्रकरणी योगी सरकार मोठ्या कारवाईच्या तयारीत आहे. यासोबतच नुकसान करणाऱ्यांकडून नुकसान भरून काढण्यात येईल. गरज पडल्यास गैरप्रकार करणाऱ्यांवर इनामही जाहीर केले जाईल.

    उत्तर प्रदेश सरकारने सांगितले की, सार्वजनिक ठिकाणी दगडफेक करणाऱ्यांचे पोस्टर लावले जातील, वसुली केली जाईल आणि आरोपींना पकडण्यासाठी बक्षिसेही जारी केली जातील. नुकसानीची वसुली करण्यासाठी आणि बदमाश आणि गुन्हेगारांविरुद्ध पोस्टर लावण्याचा अध्यादेश यापूर्वीच जारी करण्यात आला आहे.

    उत्तर प्रदेशचे मंत्री नरेंद्र कश्यप म्हणाले, “योगी सरकारच्या काळात उत्तर प्रदेशात दंगल खपवून घेतली जाणार नाही. यामागे असलेल्यांवर राज्य सरकार कठोर कारवाई करेल. न्याय मिळवून देणे हे आमच्या सरकारचे प्राधान्य आहे… समाजवादी सरकारच्या कार्यकाळात. पोलिसांनी दुहेरी भूमिका बाळगली असावी.

    ‘सरकारला बदनाम करण्याचा सुनियोजित कट होता’

    संभळचे प्रभारी मंत्री धरमवीर प्रजापती म्हणतात, “राज्यातील शांतता बिघडवणाऱ्यांवर कठोर कारवाई व्हायला हवी… कायदा आणि सुव्यवस्था बिघडवण्याचा आणि सरकारची बदनामी करण्याचा हा सुनियोजित कट होता… सध्या वातावरण शांत आहे, बाजारपेठाही खुल्या आहेत.

    Chief Minister Yogi big action in Sambhal violence case

    महत्वाच्या बातम्या

    Related posts

    Mujibur Rahman : मुजीबुर रहमान आता बांगलादेशचे राष्ट्रपिता नाहीत; स्वातंत्र्यसैनिकाची व्याख्याही बदलली

    Kamal Haasan : तामिळ माझं जीवन, माझं अस्तित्व! कमल हसन यांचा कन्नड भाषेबाबत माफी मागण्यास ठाम नकार

    YouTuber : आणखी एका यूट्यूबरची हेरगिरी, पंजाबमधील ११ लाख सब्स्क्रायबर्स असलेल्या यूट्यूबरला अटक