• Download App
    Bangladesh बांगलादेशच्या मुख्य सल्लागारांचा PM मोदींना फोन; हिंदूंच्या सुरक्षेची दिली हमी

    Bangladesh बांगलादेशच्या मुख्य सल्लागारांचा PM मोदींना फोन; हिंदूंच्या सुरक्षेची दिली हमी

    वृत्तसंस्था

    ढाका : बांगलादेशचे मुख्य सल्लागार मोहम्मद युनूस यांनी पंतप्रधान नरेंद्र मोदी यांच्याशी फोनवर चर्चा केली आहे. मोहम्मद युनूस यांनी बांगलादेशातील हिंदू आणि इतर अल्पसंख्याकांच्या सुरक्षेबाबत पंतप्रधान मोदींना आश्वासन दिले. चर्चेदरम्यान मोदी म्हणाले की, बांगलादेशमध्ये Bangladesh लोकशाही, स्थैर्य आणि शांतता पुनर्स्थापनेला भारताचा पाठिंबा आहे. Bangladesh chief advisers call PM Modi; Guaranteed security of Hindus

    मोदींनी X वर संभाषण संदर्भात पोस्ट केली. पंतप्रधान मोदी यांनी 15 ऑगस्ट रोजी लाल किल्ल्यावरून केलेल्या भाषणात बांगलादेशी हिंदूंच्या सुरक्षेबाबत चिंता व्यक्त केली होती. बांगलादेशातील हिंसक आंदोलनांमध्ये अल्पसंख्याक हिंदूंवरील हल्ल्यांमध्ये सातत्याने वाढ होत आहे. आतापर्यंत हिंदूंवरील हल्ल्याची 205 हून अधिक प्रकरणे नोंदवली गेली आहेत.

    परराष्ट्र मंत्रालयाने म्हटले- हिंदूंच्या परिस्थितीबद्दल काळजी

    परराष्ट्र मंत्रालयाचे प्रवक्ते रणधीर जयस्वाल म्हणाले की, आम्ही सतत परिस्थितीचा आढावा घेत आहोत. बांगलादेशातील भारताच्या उच्चायुक्तांनी बांगलादेशच्या परराष्ट्र व्यवहार सल्लागाराची भेट घेतली. या भेटीत दोघांमध्ये द्विपक्षीय मुद्द्यांवर चर्चा झाली. संभाषणात हिंदूंच्या सुरक्षेवरही चर्चा झाली.


    Ramgiri Maharaj : मुस्लिम धर्माबद्दल आक्षेपार्ह वक्तव्यनंतर रामगिरी महाराजांविरोधात 5 गुन्हे दाखल; संभाजीनगर-नगरमध्ये जमाव आक्रमक


    परराष्ट्र मंत्रालयाने सांगितले की, कायदा आणि सुव्यवस्था पूर्ण झाल्यानंतर बांगलादेशमध्ये व्हिसा सुविधा सुरू केली जाईल. सध्या बांगलादेशमध्ये व्हिसावरील कठोरता कायम राहणार आहे. मात्र, बांगलादेशमध्ये भारतीय नागरिकांना कॉन्सुलर सुविधा पुरवल्या जात आहेत.

    बांगलादेशने सात देशांतील राजदूतांना परत बोलावले

    बांगलादेशच्या अंतरिम सरकारने अमेरिका, रशिया, सौदी अरेबिया, जपान, जर्मनी, यूएई आणि मालदीवमध्ये नियुक्त केलेल्या राजदूतांना परत बोलावण्याचा निर्णय घेतला आहे. शेख हसीना यांच्या कार्यकाळात त्यांची नियुक्ती करण्यात आली होती.

    8 ऑगस्ट रोजी अंतरिम सरकार स्थापन झाल्यानंतर बांगलादेशमध्ये मोठ्या प्रमाणावर प्रशासकीय फेरबदल होत आहेत. परराष्ट्र व्यवहार मंत्रालयाच्या वेबसाइटवर 7 देशांच्या राजदूतांना परत बोलावण्यासंदर्भात स्वतंत्र अधिसूचनाही जारी करण्यात आली आहे. त्यात म्हटले आहे की, राजदूत आणि उच्चायुक्तांना त्यांच्या सध्याच्या जबाबदाऱ्या सोडून ढाका येथे परतण्याचे आदेश देण्यात आले आहेत.

    Bangladesh chief advisers call PM Modi; Guaranteed security of Hindus

    महत्वाच्या बातम्या

    Related posts

    Shashi Tharoor : Video : अमेरिकेत जेव्हा शशी थरूर यांना त्यांच्याच मुलाने विचारला भर पत्रकारपरिषदेत प्रश्न, म्हटले..

    G7 च्या निमंत्रणावरून भारतात उगाच आरडाओरडा; कॅनडाचे भारताला निमंत्रण, पंतप्रधान मोदींचा होणार दौरा!!

    ऑपरेशन सिंदूरबद्दल दिशाभूल करणाऱ्या पोस्ट, गुजरात काँग्रेसच्या सरचिटणीसांना अटक