cabinet committees : सरकारने मंत्रिमंडळाच्या शक्तिशाली समित्यांची पुनर्रचना केली असून त्याअंतर्गत केंद्रीय मंत्री स्मृती इराणी, भूपेंद्र यादव आणि सर्बानंद सोनोवाल यांना पंतप्रधान नरेंद्र मोदी यांच्या अध्यक्षतेखालील महत्त्वपूर्ण राजकीय मंत्रिमंडळ समितीचे सदस्य करण्यात आले आहे. changes in cabinet committees rane jyotiraditya and ashwani vaishnav got place in committee
विशेष प्रतिनिधी
नवी दिल्ली : सरकारने मंत्रिमंडळाच्या शक्तिशाली समित्यांची पुनर्रचना केली असून त्याअंतर्गत केंद्रीय मंत्री स्मृती इराणी, भूपेंद्र यादव आणि सर्बानंद सोनोवाल यांना पंतप्रधान नरेंद्र मोदी यांच्या अध्यक्षतेखालील महत्त्वपूर्ण राजकीय मंत्रिमंडळ समितीचे सदस्य करण्यात आले आहे.
सोमवारी रात्री कॅबिनेट सचिवालयाने जारी केलेल्या अधिसूचनेनुसार केंद्रीय मंत्री वीरेंद्र कुमार, किरेन रिजिजू आणि अनुरागसिंग ठाकूर यांचा संरक्षणमंत्री राजनाथ सिंह यांच्या अध्यक्षतेखालील संसदीय कामांच्या मंत्रिमंडळ समितीत समावेश करण्यात आला आहे.
तथापि, सुरक्षाविषयक देशातील सर्वोच्च निर्णय घेणार्या – सुरक्षाविषयक मंत्रिमंडळ समिती आणि नियुक्तीवरील मंत्रिमंडळ समितीच्या संरचनेत कोणताही बदल झालेला नाही. नियुक्तीसंदर्भातील मंत्रिमंडळ समिती सहसचिव आणि त्याहून अधिक पदाच्या सरकारी नियुक्त्यांबाबत निर्णय घेते.
सुरक्षाविषयक कॅबिनेट समितीचे सदस्य आहेत पंतप्रधान, संरक्षणमंत्री, गृहमंत्री अमित शहा, अर्थमंत्री निर्मला सीतारमण आणि परराष्ट्र व्यवहार मंत्री सुब्रह्मण्यम जयशंकर. नियुक्तीविषयक मंत्रिमंडळ समितीमध्ये पंतप्रधान आणि गृहमंत्री असतात.
केंद्रीय मंत्री नारायण राणे, ज्योतिरादित्य सिंधिया आणि अश्विनी वैष्णव यांना पंतप्रधानांच्या अध्यक्षतेखालील गुंतवणूक आणि विकास मंत्रिमंडळ समितीत नवीन सदस्य म्हणून स्थान देण्यात आले आहे.
पंतप्रधानांच्या अध्यक्षतेखाली रोजगार आणि कौशल्य विकास मंत्रिमंडळाच्या समितीत केंद्रीय मंत्री अश्विनी वैष्णव, भूपेंद्र यादव, रामचंद्र प्रसाद सिंह आणि जी. किशन रेड्डी यांचा नवीन सदस्य म्हणून समावेश आहे.
changes in cabinet committees rane jyotiraditya and ashwani vaishnav got place in committee
महत्त्वाच्या बातम्या
- नाशकात हिंदू तरुणीच्या मुस्लिम तरुणाशी लग्नाची पत्रिका व्हायरल, दबावानंतर विवाह सोहळा रद्द
- 8 कोटींच्या रोल्स रॉइसचे मालक बिल्डर संजय गायकवाड, 35 हजारांच्या वीज चोरीप्रकरणी गुन्हा दाखल
- Yashpal Sharma Death : 1983च्या विश्वविजेत्या संघाचे सदस्य यशपाल शर्मा यांचे निधन, अशी होती त्यांची क्रिकेट कारकीर्द
- अभिमानास्पद : मराठी माणसाकडून इलेक्ट्रिक कारची निर्मिती, कांबळे बंधूंची स्वदेशी डेक्स्टो कार लवकरच धावणार रस्त्यावर
- नाना पटोले राज्यातील अतिमहत्त्वाचे नेते, त्यांनी फार गांभीर्याने घेऊ नये, संजय राऊतांचा सल्ला