वृत्तसंस्था
कोलकाता : कोलकाता बलात्कार-( Kolkata rape ) हत्या प्रकरणाचा तपास करत असलेली सीबीआय रविवारी (25 ऑगस्ट) आरजी कार मेडिकल कॉलेजचे माजी प्राचार्य संदीप घोष यांच्या घरी पोहोचली. आर्थिक अनियमितता प्रकरणी सीबीआयच्या भ्रष्टाचारविरोधी शाखेने कोलकातामधील 15 ठिकाणी घोष यांच्या घरासह झडती घेतली आहे.
आर्थिक अनियमितता प्रकरणी सीबीआयने शनिवारी (24 ऑगस्ट) संदीप घोष यांच्याविरुद्ध एफआयआर नोंदवला होता. घोष यांच्यावर वैद्यकीय महाविद्यालयातील त्यांच्या कार्यकाळात आर्थिक अनियमितता केल्याचा आरोप आहे. पश्चिम बंगाल सरकारने आर्थिक अनियमिततेचा तपास एसआयटीकडे सोपवला होता. मात्र, कलकत्ता उच्च न्यायालयाच्या आदेशानुसार एसआयटीने तपास सीबीआयकडे सोपवला आहे.
दुसरीकडे, बलात्कार-हत्या प्रकरणातील मुख्य आरोपी संजय रॉय याची आज पॉलीग्राफ चाचणी होऊ शकते. शनिवारी 24 ऑगस्ट रोजी सहा आरोपींची पॉलीग्राफी चाचणी घेण्यात आली. मुख्य आरोपी संजय रॉय याची तुरुंगात चौकशी करण्यात आली, तर माजी प्राचार्य संदीप घोष, 4 सहकारी डॉक्टर, 1 स्वयंसेवक यांची सीबीआय कार्यालयात चौकशी करण्यात आली. पॉलिग्राफी चाचणी दिल्लीच्या सेंट्रल फॉरेन्सिक टीमने केली.
9 ऑगस्ट रोजी कोलकाता येथील आरजी कार रुग्णालयात प्रशिक्षणार्थी डॉक्टरवर बलात्कार करून तिची हत्या करण्यात आली होती. सकाळी त्याचा अर्धनग्न अवस्थेत मृतदेह आढळून आला. यानंतर देशभरात डॉक्टरांनी आंदोलन केले. कोलकात्यातील डॉक्टर आज सलग 16 व्या दिवशी संपावर आहेत. उर्वरित संघटनांनी संप मागे घेतला आहे.
सीबीआय टीमची निवासी डॉक्टरांनी घेतली भेट
निवासी डॉक्टरांच्या पथकाने शुक्रवारी (24 ऑगस्ट) केंद्रीय अन्वेषण विभागाच्या अधिकाऱ्यांची भेट घेतली. शनिवारी एका डॉक्टरने सांगितले की सीबीआयच्या तपासावर आणि त्याच्या उत्तरांवर ते समाधानी नाहीत. ते म्हणाले की, आम्ही सर्व आरोपींना शोधण्यासाठी मुदत मागितली होती, मात्र ते शक्य नसल्याचे त्यांनी सांगितले. तेथूनही आम्हाला समाधानकारक उत्तर मिळाले नाही. न्याय हीच आमची मागणी आहे. न्यायालयाने सीबीआयला 17 सप्टेंबरपर्यंत बलात्कार-हत्या प्रकरणाचा तपास अहवाल सादर करण्यास सांगितले आहे.
CBI at ex-principal’s house in Kolkata rape-murder case
महत्वाच्या बातम्या
- Sunita Williams : सुनीता विल्यम्सबद्दल मोठी बातमी, NASA ने सांगितले अवकाशातून कधी परतणार?
- Ladaki Bahin Yojana : लाडकी बहीण योजनेमुळे विरोधक अस्वस्थ ; मुख्यमंत्री एकनाथ शिंदे
- Supreme Court : सुप्रीम कोर्टाने म्हटले- देशभरात BNSचे कलम 479 लागू करा, शिक्षेचा एक तृतीयांश काळ भोगलेल्या अंडरट्रायल कैद्याला जामिनाची तरतूद
- Ajit Pawar : मुलींवर हात टाकणाऱ्या विकृताचे सामानच काढले पाहिजे; यवतमाळच्या लाडकी बहीण मेळाव्यात