गुप्त माहिती लीक केल्याप्रकरणी सीबीआयने नौदलाच्या अधिकाऱ्याला अटक केली आहे. मिळालेल्या माहितीनुसार, नौदलाच्या सेवेतील अधिकाऱ्यासह 2 निवृत्त अधिकाऱ्यांनाही अटक करण्यात आली आहे. किलो-श्रेणीच्या पाणबुडीच्या आधुनिकीकरणासंबंधीची गोपनीय माहिती लीक करण्याशी संबंधित हे प्रकरण आहे.Cbi arrests navy officers in information leak case navy orders high level investigation
वृत्तसंस्था
मुंबई : गुप्त माहिती लीक केल्याप्रकरणी सीबीआयने नौदलाच्या अधिकाऱ्याला अटक केली आहे. मिळालेल्या माहितीनुसार, नौदलाच्या सेवेतील अधिकाऱ्यासह 2 निवृत्त अधिकाऱ्यांनाही अटक करण्यात आली आहे. किलो-श्रेणीच्या पाणबुडीच्या आधुनिकीकरणासंबंधीची गोपनीय माहिती लीक करण्याशी संबंधित हे प्रकरण आहे.
उच्च सरकारी सूत्रांनी वृत्तसंस्था एएनआयला सांगितले की, गेल्या महिन्यात घडलेल्या घडामोडीनंतर, भारतीय नौदलाने माहिती लीकची चौकशी करण्यासाठी आणि भविष्यात अशी कोणतीही घटना टाळण्यासाठी व्हाइस अॅडमिरल आणि रिअर अॅडमिरल यांच्या नेतृत्वाखाली उच्चस्तरीय चौकशीचे आदेश दिले.
सूत्रांनी दिलेल्या माहितीनुसार, संबंधित एजन्सीकडून माहिती मिळाल्यानंतर, सीबीआयने सेवानिवृत्त अधिकाऱ्यांना किलो-श्रेणीच्या पाणबुडी आधुनिकीकरण प्रकल्पाशी संबंधित अनधिकृत माहिती पुरवल्याबद्दल, सध्या मुंबईत तैनात असलेल्या कमांडर दर्जाच्या नौदल अधिकाऱ्याला अटक केली.
इतर अधिकाऱ्यांचीही चौकशी सुरू
अटक केलेल्या अधिकाऱ्यांच्या संपर्कात असलेल्या इतर अनेक सेवेत असलेल्या अधिकाऱ्यांची सीबीआय चौकशी करत असल्याचे ते म्हणाले. संरक्षण सूत्रांनी सांगितले की, भारतीय नौदल केंद्रीय एजन्सीद्वारे सुरू असलेल्या तपासात मदत करत आहे आणि तपास अधिकाऱ्यांच्या चौकशीसाठी त्यांचे कर्मचारी उपलब्ध करून देत आहे.
राष्ट्रीय सुरक्षेची काळजी घेणाऱ्या एजन्सींसह सरकारच्या उच्च अधिकाऱ्यांनाही तपासाच्या स्थितीबद्दल माहिती देण्यात आली आहे. सूत्रांनी सांगितले की, ही बाब नौदलाच्या उच्च अधिकाऱ्यांच्या निदर्शनास येताच त्यांनी व्हाईस अॅडमिरलच्या नेतृत्वाखाली पाच सदस्यीय टीम तयार केली आणि या प्रकरणाची चौकशी करण्यासाठी आणि संभाव्य माहिती लीक बंद करण्यासाठी समांतर चौकशी सुरू केली.
Cbi arrests navy officers in information leak case navy orders high level investigation
महत्त्वाच्या बातम्या
- लोकल गुरुवारपासून सुसाट धावणार, १०० टक्के फेऱ्या सुरु होणार; प्रवाशांना मोठा दिलासा
- गृहराज्यमंत्री देसाई यांचा पोलिस ठाण्यामध्ये प्रवेश पोलिसांची झाडाझडती, आरोपी शोधण्याचे आदेश
- ‘स्पेशल २६’ लवकरच रिलीज करतोय – नवाब मलिक
- टाटा कंपनीचे १८० शहरात एक हजार चार्जिंग स्टेशनचे नेटवर्क; महामार्गावर सुद्धा योजना
- माजी ॲटर्नी जनरल मुकुल रोहतगी आर्यन खानची ड्रग्जची केस मुंबई हायकोर्टात लढणार