विशेष प्रतिनिधी
नवी दिल्ली – ज्या नवज्योत सिंग सिध्दू यांच्या नादी लागून काँग्रेस श्रेष्ठींनी पंजाबमध्ये नेतृत्व बदलाचा घाट घातला, त्या नवज्योत सिंग सिध्दू यांना मावळते मुख्यमंत्री कॅप्टन अमरिंदर सिंग यांनी जाता जाता त़डाखा दिला आहे.Captain Saheb’s slap on the go; Said, Pakistan’s support to Navjot Singh Sidhu
नवज्योत सिंग सिध्दू यांना पाकिस्तानचा पाठिंबा आहे, असे विधान करून कॅप्टन साहेबांनी सिध्दूंच्या मुख्यमंत्रीपदाच्या मार्गात आणखी काटे पसरवून ठेवले आहेत.काँग्रेस श्रेष्ठींवर देखील त्यांनी एका पाठोपाठ एक आरोप लावले आहेतच. पण नवज्योत सिंग सिध्दू यांच्या नेतृत्वाभोवती पाकिस्तान धार्जिण्या वृत्तीच्या संशयाचे जाळे पसरवून ठेवले आहे.
सिध्दू पंजाबसाठी धोकादायक आहे. कारण आपण विरोध करीत असताना देखील ते पाकिस्तानात इम्रान खान यांच्या शपथविधीला गेले. सीमेवर आपले जवान मरत असताना पाकिस्तानी लष्करप्रमुख कमर बाज्वांना मिठ्या मारल्या. मी भारतीय सैन्याच्या सेवेत राहिलेला अधिकारी आहे. मी सहन करू शकत नाही, असा इशारा कॅप्टन अमरिंदर सिंग यांनी पुन्हा एकदा देऊन काँग्रेस श्रेष्ठींना एक प्रकारे पेचात टाकले आहे.
मुख्यमंत्री निवडीचे अधिकार सोनिया गांधींना देण्याचे दोन ठराव काँग्रेस विधिमंडळ पक्षाच्या बैठकीत मंजूर करण्यात आले आहेत. हा काँग्रेसच्या राजकीय संस्कृतीचा भाग आहे. पण आता नवज्योत सिंग सिध्दू यांना नवा मुख्यमंत्री नेमताना काँग्रेस श्रेष्ठींना अनेक वेळा विचार करावा लागेल. कारण कॅप्टन अमरिंदर सिंग यांनी त्यांच्या भोवती पाकिस्तानी धार्जिण्या वृत्तीचा आरोप लावून संशयाचे दाट जाळे पसरवून ठेवले आहे.
Captain Saheb’s slap on the go; Said, Pakistan’s support to Navjot Singh Sidhu
महत्त्वाच्या बातम्या
- डोंबिवलीत पाण्यापाई तरुणीचा हात मोडला कल्याण-डोंबिवलीत २७ गावे तहानलेली
- दोन प्रौढ व्यक्तींना धर्माचा विचार न करता जोडीदार निवडण्याचा अधिकार, अलाहाबाद हायकोर्टाचा निर्वाळा
- फौजदारी खटल्यांची चुकीची माहिती देणे महागात पडणार, सुप्रीम कोर्टाची कठोर भूमिका, अशा कर्मचाऱ्यांना नियुक्तीचा हक्क नाही
- मोठी बातमी : मुख्यमंत्रिपदाचा राजीनामा देण्यासोबतच काँग्रेस पक्षाचाही राजीनामा देऊ शकतात कॅप्टन अमरिंदर; पंजाब काँग्रेसमध्ये राजकीय भूकंप