वृत्तसंस्था
लखनऊ : अखिल भारतीय पसमांदा मुस्लिम मंच पाकिस्तानचे पंतप्रधान शाहबाज शरीफ यांना राष्ट्रीय स्वयंसेवक संघाची (RSS) वैशिष्ट्ये सांगणार आहे. यासाठी आरएसएसवरील पुस्तके पाकिस्तानी दूतावासातून शाहबाज शरीफ यांना पाठवली जाणार आहेत.Books Will Be Sent by Pasmanda Muslim Manch to Pak PM Shehbaz Sharif to explain features of RSS
मंचाचे राष्ट्रीय अध्यक्ष जावेद मलिक म्हणाले, माजी पंतप्रधान इम्रान खान यांच्यावर टीका करताना शरीफ यांनी आरएसएसचे नाव घेतले होते. यावरून शाहबाज यांना राष्ट्रीय स्वयंसेवक संघ आणि त्यांनी राष्ट्रहितासाठी केलेल्या कामांची माहिती नसल्याचे दिसून येते. अशा स्थितीत संघाच्या समाजाला जोडण्यासाठी आणि भारताला गौरवशाली राष्ट्र बनवण्यासाठी सुरू असलेल्या कार्याची माहिती त्यांना दिली जाईल.
पसमांदाचा अर्थ काय?
पसमांदा हा मूळचा पर्शियन शब्द आहे, ज्याचा अर्थ मागे राहिलेले, दडपलेले किंवा छळलेले लोक असा होतो. खरे तर भारतातील पसमांदा चळवळ 100 वर्षे जुनी आहे. गेल्या शतकाच्या दुसऱ्या दशकात मुस्लिम पसमांदा चळवळ उभी राहिली होती.
यानंतर भारतात 90च्या दशकात पसमांदा मुस्लिमांच्या बाजूने पुन्हा दोन मोठ्या संघटना स्थापन झाल्या. ही ऑल इंडिया युनायटेड मुस्लिम फ्रंट होती, ज्याचे नेते एजाज अली होते. याशिवाय पाटण्याच्या अली अन्वर यांनी ऑल इंडिया पसमांदा मुस्लिम मेरेली नावाची संघटना स्थापन केली. या दोन्ही संस्था देशभरात पसमांदा मुस्लिमांच्या सर्व छोट्या संघटनांचे नेतृत्व करतात. तथापि, दोन्हींना मुस्लिम धर्मगुरूंनी गैर-इस्लामी म्हटले आहे. उत्तर प्रदेश, बिहार, झारखंड आणि पश्चिम बंगालमध्ये पसमांदा मुस्लिमांच्या सर्व छोट्या संघटना अधिक आढळतील.
दक्षिण आशियातील मुस्लिमांमध्ये भेदभाव का?
ही वस्तुस्थिती आहे की, दक्षिण आशियाई देशांमध्ये साधारणपणे सर्व मुस्लिमांनी या धर्माचा स्वीकार केला आहे, परंतु ते ज्या जाती आणि वर्गातून आले आहेत, ते मुस्लिम असूनही त्याच जातीचे किंवा वर्गाचे मानले जातात. तुम्ही म्हणू शकता की, हिंदूंप्रमाणेच दक्षिण आशियाई देशांतील मुस्लिमांमध्ये वर्गव्यवस्था आणि जातिवाद अबाधित आहे. हे मुस्लिम सामान्यतः मानतात की त्यांच्याच धर्मात त्यांची उपेक्षा झाली आहे. त्यांच्या संघटनाही पसमांदा मुस्लिमांना आरक्षण देण्याची मागणी करत आहेत.
असे म्हणता येईल की जातीवादी वर्णव्यवस्थेचा बळी असलेला हिंदू समाज जसा त्रस्त आहे तसेच हे मुस्लिमही आहेत.
Books Will Be Sent by Pasmanda Muslim Manch to Pak PM Shehbaz Sharif to explain features of RSS
महत्वाच्या बातम्या
- ‘भाजप जगातील सर्वात महत्त्वाचा पक्ष’, अमेरिकन वृत्तपत्राने मुख्यमंत्री योगी आणि सरसंघचालकांचे केले कौतुक
- दिल्लीसह संपूर्ण उत्तर भारतात भूकंपाचे जोरदार धक्के, 6.6 तीव्रता, अफगाणिस्तानात होते केंद्र
- चैत्री नवरात्राला उत्साहात सुरूवात; मुंबादेवी, छत्रपूर, झेंडेवाला मंदिरात पूजाअर्चा
- 2024 लोकसभा : ना भाजप, ना महाविकास आघाडी; राजू शेट्टींच्या स्वाभिमानीची स्वतंत्र लढाई!!