सहा दिवसांपूर्वीच त्यांना एम्स रुग्णालयातून घरी आणलं गेलं होतं BJP senior leader LK Advanis condition deteriorated admitted to Apollo Hospital
विशेष प्रतिनिधी
नवी दिल्ली : भारतीय जनता पक्षाचे ज्येष्ठ नेते लालकृष्ण अडवाणी यांच्याबाबत मोठी बातमी समोर आली आहे. भारतरत्न आणि भाजपचे ज्येष्ठ नेते लालकृष्ण अडवाणी यांची प्रकृती बुधवारी अचानक बिघडली, त्यानंतर त्यांना राजधानी दिल्लीतील अपोलो रुग्णालयात दाखल करण्यात आले आहे.
अपोलो हॉस्पिटलने दिलेल्या माहितीत असे म्हटले आहे की, भाजपचे ज्येष्ठ नेते लालकृष्ण अडवाणी यांना डॉक्टर विनीत सुरी यांच्या देखरेखीखाली रात्री 9 वाजता अपोलो हॉस्पिटलमध्ये दाखल करण्यात आले होते. ते निरीक्षणाखाली असून त्यांची प्रकृती स्थिर आहे.
लालकृष्ण अडवाणी (96) सहा दिवसांपूर्वी रुग्णालयातून घरी परतले होते. त्यानंतर त्यांच्या प्रकृतीत लक्षणीय सुधारणा झाल्याचे डॉक्टरांनी सांगितले. एम्समध्ये त्यांच्यावर उपचार करत असलेले डॉ. संजय लालवाणी यांनी माहिती देताना सांगितले होते की, भाजप नेते लालकृष्ण अडवाणी यांची प्रकृती स्थिर झाल्यानंतर त्यांना रुग्णालयातून डिस्चार्ज देण्यात आला आहे.
वास्तविक, अडवाणींना मूत्रविकाराच्या समस्येमुळे रुग्णालयात दाखल करण्यात आले होते. जिथे त्यांना यूरोलॉजी विभागाच्या डॉक्टरांच्या देखरेखीखाली ठेवण्यात आले होते, त्यानंतर त्यांची प्रकृती बरी होत होती, मात्र बुधवारी रात्री त्यांना पुन्हा एकदा त्रास होऊ लागला, त्यानंतर त्यांना अपोलोमध्ये दाखल करण्यात आले.
30 मार्च 2024 रोजी लालकृष्ण अडवाणी यांना देशाच्या सर्वोच्च नागरी सन्मान भारतरत्नने सन्मानित करण्यात आले होते. अडवाणी हे भाजपचे संस्थापक सदस्य आहेत आणि 1942 मध्ये स्वयंसेवक म्हणून RSS मध्ये सामील झाले.
BJP senior leader LK Advanis condition deteriorated admitted to Apollo Hospital
महत्वाच्या बातम्या
- मुख्यमंत्रिपदावरून सुरू असलेल्या वादावर सिद्धरामय्या यांची प्रतिक्रिया, म्हणाले- हायकमांडचा निर्णय…
- उपमुख्यमंत्री देवेंद्र फडणवीस यांची मोठी घोषणा; गट ‘क’च्या रिक्त पदांची भरती MPSC मार्फत; पेपरफुटीचा कायदाही येणार
- अग्निवीराबाबत राहुल गांधींनी लोकसभेत चालविला नॅरेटिव्ह खोटा; पण शहीद अग्निवीराच्या वडिलांनी सांगितला मदतीचा आकडा!!
- ‘राहुल गांधींनी माफी मागावी… संपूर्ण संत समाज..’ ; स्वामी अवधेशानंद संतापले!