BJP Parliamentary Party Meeting : संसदेचे कामकाज सुरू होण्यापूर्वी आज भाजप संसदीय पक्षाची बैठक झाली. संसदीय पक्षाचे सर्व सदस्य बैठकीला उपस्थित होते. यादरम्यान पंतप्रधान नरेंद्र मोदीदेखील सामील झाले. संसदेत विरोधी पक्षांकडून होत असलेल्या गोंधळावर पंतप्रधान मोदींनी नाराजी व्यक्त केली. पंतप्रधान मोदी म्हणाले की, संसद चालवू न देणे लोकशाही आणि जनतेचा अपमान आहे. BJP Parliamentary Party Meeting Pm Modi Slams On Oppositions
विशेष प्रतिनिधी
नवी दिल्ली : संसदेचे कामकाज सुरू होण्यापूर्वी आज भाजप संसदीय पक्षाची बैठक झाली. संसदीय पक्षाचे सर्व सदस्य बैठकीला उपस्थित होते. यादरम्यान पंतप्रधान नरेंद्र मोदीदेखील सामील झाले. संसदेत विरोधी पक्षांकडून होत असलेल्या गोंधळावर पंतप्रधान मोदींनी नाराजी व्यक्त केली. पंतप्रधान मोदी म्हणाले की, संसद चालवू न देणे लोकशाही आणि जनतेचा अपमान आहे.
संसदीय पक्षाची बैठक संपल्यानंतर केंद्रीय संसदीय कामकाज मंत्री प्रल्हाद जोशी म्हणाले की, संसदेत विरोधी पक्षांच्या खासदारांच्या वर्तनामुळे पंतप्रधान संतप्त आहेत. प्रल्हाद जोशी यांनी एएनआय या वृत्तसंस्थेला सांगितले की, संसदीय पक्षाच्या बैठकीत पंतप्रधान मोदी म्हणाले की, विरोधकांची वृत्ती अत्यंत निराशाजनक आहे. पंतप्रधानांनी तृणमूल काँग्रेसचे खासदार डेरेक ओब्रायन यांनी संसदेत विधेयक मंजूर करण्यासंदर्भात ज्या पद्धतीने वक्तव्य केले त्याबद्दल दुःख व्यक्त केले आहे. पंतप्रधान म्हणाले की, टीएमसी खासदाराने ‘पापरी चाट बनवणे’ ही अपमानास्पद टिप्पणी होती. खासदार म्हणून निवडून आलेल्यांचा हा अपमान आहे.
टीएमसी खासदारांच्या वक्तव्यामुळे गोंधळ वाढला
संसदेत गोंधळादरम्यान मंजूर झालेल्या विधेयकावर डेरेक ओब्रायन यांनी सरकारवर अशी टीका केली होती. डेरेक ओ’ब्रायन यांनी ट्विट केले की, संसदेत कायदे केले जातात किंवा पापडी चाट. यानंतर भाजप नेत्यांनी डेरेक ओब्रायन यांचा निषेध नोंदवत प्रत्युत्तर दिले.
BJP Parliamentary Party Meeting Pm Modi Slams On Oppositions
महत्त्वाच्या बातम्या
- कोरोनाने जनता बेजार, पण दिल्लीच्या आमदारांना वाढवून पाहिजे पगार, केजरींच्या कॅबिनेट बैठकीत आज प्रस्ताव येण्याची शक्यता
- वसुली प्रकरणात आता डॉन छोटा शकीलची एंट्री, माजी आयुक्त परमबीर सिंह यांच्याविरुद्ध सुरू आहे चौकशी
- CBSE 10th Result 2021 : CBSE 10वीचा रिझल्ट जाहीर, कुठे आणि कसा पाहता येईल निकाल, वाचा सविस्तर…
- जाको राखे साईंया …! अन् नाशिकच्या शिवराजला आयुष्य मिळालं ; अमेरिकेत लकी-ड्राॅ – 16 कोटींचं इंजेक्शन मोफत
- Bombay High Court : मुंबई उच्च न्यायालयाने पुन्हा राज्य सरकारला फटकारले disaster management authority ला देखील लोकल प्रवासाची परवानगी नाही