विशेष प्रतिनिधी
नवी दिल्ली : दिल्लीत मुख्यमंत्री पदाच्या निवडणुकीसाठी भाजपने माजी केंद्रीय मंत्री रविशंकर प्रसाद आणि ओमप्रकाश धनखड यांची आज दुपारी निरीक्षक पदी नियुक्ती केली. दिल्ली भाजप विधिमंडळ पक्षाची आज सायंकाळी सात वाजता बैठक होणार असून या बैठकीत विधिमंडळ पक्षाच्या नेते पदाची निवड होणार आहे त्यासाठी रविशंकर प्रसाद आणि ओमप्रकाश धनखड भाजपचे केंद्रीय निरीक्षक हजर राहतील. हे दोन्ही नेते सर्व आमदारांशी चर्चा करून नव्या नेत्याची निवड करतील.
दिल्ली विधानसभा निवडणुकीत आम आदमी पार्टीचा पराभव करून भाजपने 48 जागा जिंकल्या. त्यामुळे उद्या भाजपचे बहुमताचे सरकार स्थापन होणार आहे उद्या दुपारी १२.४५ वाजता दिल्लीच्या नव्या मुख्यमंत्र्यांचा रामलीला मैदानावर शपथविधी होणार आहे. या शपथविधी सोहळ्याला पंतप्रधान नरेंद्र मोदी, गृहमंत्री अमित शाह अनेक केंद्रीय मंत्री अनेक राज्यांचे मुख्यमंत्री उपस्थित राहणार असून त्याआधी भाजपा विधिमंडळ नेत्याची निवड आज सायंकाळी ७.०० वाजता होणार आहे.
दिल्लीचे मुख्यमंत्री पदासाठी प्रवेश वर्मा, विजेंद्र गुप्ता, मनोज तिवारी, रेखा गुप्ता आदी नेत्यांची नावे माध्यमांच्या चर्चेत आहेत. भाजपच्या केंद्रीय नेतृत्वाचे ट्रॅक रेकॉर्ड बघता दिल्लीला यापेक्षा वेगळा चेहरा मुख्यमंत्री पदासाठी मिळू शकतो, अशी देखील दबक्या आवाजात चर्चा आहे.
BJP appoints Ravi Shankar Prasad, Omprakash Dhankhar as observers to elect Chief Minister in Delhi
महत्वाच्या बातम्या
- Ladaki Bahin scheme लाडकी बहीण लाभासाठी आता निकषांच्या चाळण्याच चाळण्या
- Bihar : दिल्लीनंतर बिहारमध्येही हादरे ; सिवानमध्ये ४.० तीव्रतेचे भूकंपाचे धक्के जाणवले
- नुसत्या तुताऱ्या फुंकून दुष्काळी भागाला पाणी नाही देता येत; राधाकृष्ण विखे पाटलांचा शरद पवारांवर प्रहार!!
- Love Jihad : ‘लव्ह जिहाद’ कायद्याबाबत महाराष्ट्र सरकारच्या पावलाविरोधात आठवलेंची भूमिका