भाजपने आपल्या यादीत दोन मुस्लिम चेहऱ्यांनाही संधी दिली आहे.
विशेष प्रतिनिधी
हरियाणा ( Haryana ) विधानसभा निवडणुकीसाठी भाजपने उमेदवारांची दुसरी यादी जाहीर केली आहे. दुसऱ्या यादीत 21 जागांसाठी उमेदवार जाहीर करण्यात आले आहेत. दोन मुस्लिम उमेदवारांनाही तिकीट देण्यात आले आहे. दुसऱ्या यादीसह, भाजपने हरियाणातील 90 पैकी 88 जागांसाठी उमेदवार घोषित केले. पहिल्या यादीत 67 जागांसाठी उमेदवार जाहीर करण्यात आले होते. दोन जागांवर घोषणा होणे बाकी आहे.
पक्षाने फिरोजपूर झिरका मतदारसंघातून नसीम अहमद आणि पुन्हाणा मतदारसंघातून एजाज खान यांना उमेदवारी दिली आहे. जुलाना जागेवर भाजपने कॅप्टन योगेश बैरागी यांना उमेदवारी दिली आहे. कुस्तीपटू विनेश फोगट काँग्रेसच्या तिकीटावर येथून निवडणूक लढवत आहेत.
मुख्यमंत्री नायबसिंग सैनी यांनी मंगळवारी हरियाणा विधानसभा निवडणूक २०२४ साठी लाडवा येथून आपला उमेदवारी अर्ज दाखल केला. मुख्यमंत्री सैनी यांचा उमेदवारी अर्ज भरण्यासाठी केंद्रीय मंत्री मनोहर लाल आणि कुरुक्षेत्र लोकसभा खासदार नवीन जिंदाल हेही पोहोचले होते. नामांकनानंतर मुख्यमंत्री म्हणाले की, राज्यात भाजपची लाट आहे.
दरम्यान, हरियाणामध्ये ( Haryana ) आम आदमी पार्टी (आप) एकट्याने विधानसभा निवडणूक लढवणार आहे. सोमवारी दुपारी पक्षाने उमेदवारांची पहिली यादी जाहीर केली. त्यात 20 उमेदवारांची नावे आहेत. आम आदमी पक्षाने काँग्रेससोबत कोणतीही युती नसल्याचे स्पष्ट केले आहे. राज्यातील 90 विधानसभा जागांवर आपले उमेदवार उभे करणार आहेत.
BJP announced second list of 21 candidates in Haryana
महत्वाच्या बातम्या
- धर्म हीच आपल्या राष्ट्राची जीवनशक्ती – सरसंघचालक डॉ. मोहन भागवत; तंजावरचे मराठे पुस्तकाचे प्रकाशन
- Prakash Ambedkar : संभाजीराजे + जरांगे + बच्चू कडू यांची अद्याप नुसतीच बोलणी; प्रत्यक्षात प्रकाश आंबेडकरांनी साधली तिसऱ्या आघाडीची संधी!!
- Imran Khan : पाकिस्तानात इम्रान खानचे हजारो समर्थक रस्त्यावर उतरले; 2 आठवड्यांचा अल्टिमेटम, सुटका न झाल्यास तुरुंगातून सोडवण्याचा इशारा
- Surat : सुरतच्या गणेश मंडळावर दगडफेक, 33 जणांना अटक; निषेधार्थ हजारो लोकांची निदर्शने; पोलिसांचा लाठीचार्ज, अश्रुधुराच्या नळकांड्या फोडल्या