Biological E Corbevax : ड्रग्ज कंट्रोलर जनरल ऑफ इंडिया (DCGI) ने कोरोनावरील नवीन लस कॉर्बेव्हॅक्सच्या दोन क्लिनिकल चाचण्यांसाठी बायोलॉजिकल ईला मंजुरी दिली आहे. ही माहिती विज्ञान आणि तंत्रज्ञान मंत्रालयाने शुक्रवारी जाहीर केली. हैदराबादस्थित या औषधी कंपनीला फेज 3च्या चाचण्यांसाठी परवानगी मिळाली आहे. विषय तज्ज्ञ समितीने फेझ 1 आणि फेझ 2च्या चाचण्यांतील तुलनात्मक सुरक्षा आणि प्रौढांमध्ये इम्युनोजेनिसिटी ट्रायलचे अवलोकन केल्यानंतर ही मंजुरी मिळाली आहे. Biological E Corbevax gets DCGI approval for two clinical trials
विशेष प्रतिनिधी
नवी दिल्ली : ड्रग्ज कंट्रोलर जनरल ऑफ इंडिया (DCGI) ने कोरोनावरील नवीन लस कॉर्बेव्हॅक्सच्या दोन क्लिनिकल चाचण्यांसाठी बायोलॉजिकल ईला मंजुरी दिली आहे. ही माहिती विज्ञान आणि तंत्रज्ञान मंत्रालयाने शुक्रवारी जाहीर केली. हैदराबादस्थित या औषधी कंपनीला फेज 3च्या चाचण्यांसाठी परवानगी मिळाली आहे. विषय तज्ज्ञ समितीने फेझ 1 आणि फेझ 2च्या चाचण्यांतील तुलनात्मक सुरक्षा आणि प्रौढांमध्ये इम्युनोजेनिसिटी ट्रायलचे अवलोकन केल्यानंतर ही मंजुरी मिळाली आहे.
या शिवाय त्यांना लहान आणि पौगंडावस्थेतील मुलांसाठी कॉर्बेव्हॅक्स लसीची “सुरक्षा, प्रतिक्रियाजन्यता, सहनशीलता आणि रोगप्रतिकारकता”चे मूल्यांकन करण्यासाठी 2/3 अभ्यासास मान्यता मिळाली.
बायोटेक्नॉलॉजी (डीबीटी) विभागाच्या सचिव डॉ. रेणू स्वरूप यांनी सांगितले की, विभाग सुरक्षित आणि प्रभावी कोविड -19 लसींच्या विकासासाठी वचनबद्ध आहे. बायोटेक्नॉलॉजी इंडस्ट्री रिसर्च असिस्टन्स कौन्सिल (बीआयआरएसी) च्या अध्यक्ष असलेल्या स्वरूप यांनी एका निवेदनात म्हटले आहे की, ते बालरोग आणि प्रौढांसाठी कॉर्बेव्हॅक्सच्या क्लिनिकल विकासासाठी उत्सुक आहेत.
बायोलॉजिकल ई. लिमिटेडच्या व्यवस्थापकीय संचालक महिमा दतला यांनी DCGI कडून “महत्त्वपूर्ण मंजुरी” मिळाल्याबद्दल आनंद व्यक्त केला. दतला यांनी एका निवेदनात म्हटले आहे की, ही मंजुरी कंपनीला पुढे जाण्यासाठी प्रोत्साहित करते. देशाच्या गरजा पूर्ण करण्यासाठी कोविड -19 लस यशस्वीपणे तयार करू.
“आम्ही बीआयआरएसीचे त्यांच्या समर्थनाबद्दल आभारी आहोत आणि आम्हाला आशा आहे की ही मंजुरी डब्ल्यूएचओकडे आमच्या पुढील फाइलिंगला देखील मदत करेल. या प्रयत्नात सतत सहकार्यासाठी आम्ही आमच्या सर्व सहकार्यांच्या योगदानाचे कौतुक करतो.”
हैदराबादची कंपनी बायोलॉजिकल ई लिमिटेड (BE) ही लस तयार करत आह. या लसीचे लवकरच फेज-3 ट्रायल सुरू होईल आणि लवकरच याचेही उत्‍पादन सुरू होऊन जाईल. आरोग्य मंत्रालयाच्या मते, या लसीचे 30 कोटी डोस डिसेंबरपर्यंत तयार होतील. कंपनीचा दावा आहे की, ही लस देशातील सर्वात स्वस्त लस असणार आहे.
Biological E Corbevax gets DCGI approval for two clinical trials
महत्त्वाच्या बातम्या
- तालिबानविरोधात रस्त्यावर उतरल्या महिला; शिक्षण आणि रोजगाराचा अधिकार देण्याची मागणी
- ममता सरकारला मोठा धक्का, सर्वोच्च न्यायालयाने डीजीपी नियुक्तीची फेटाळली याचिका
- राष्ट्रीय जनता दलाच्या आमदाराचा निलाजरेपणा, अंडरवियर- बनियावर रेल्वे प्रवास; आक्षेप येणार्या प्रवाशांना शिवीगाळ
- 10 सप्टेंबर रोजी 500 रुपये इतका कमी किंमतीत जिओफोन विकला जाऊ शकतो
- अटल पेंशन योजना : 5000 रूपये मासिक पेंशन मिळविण्यासाठी दरमहा 210 रुपये गुंतवा