विशेष प्रतिनिधी
नवी दिल्ली : उत्तर प्रदेशची राजधानी लखनऊमध्ये मुख्यमंत्री योगी आदित्यनाथ यांना काळे झेंडे दाखवणाऱ्या पूजा शुक्ला या तरुणीला अखिलेश यादव यांनी मोठे बक्षीस दिले आहे. समाजवादी पक्षातर्फे थेट लखनऊ उत्तर मतदारसंघातून उमेदवारी दिली आहे. विशेष म्हणजे ब्राह्मण समाजात मोठा दबदबा असलेल्या अभिषेक मिश्रा यांचे तिकीट कापून पूजा शुक्ला यांना तिकीट दिले आहे.Big reward from Akhilesh Yadav to young woman showing black flags to Yogi Adityanath, direct candidature for Assembly
लखनौ उत्तर ही जागा जागा सध्या भाजपाच्या ताब्यात आहे. लखनऊ विद्यापीठातील डाव्या संघटनेतून विद्यार्थी नेत्या म्हणून राजकीय प्रवासाला सुरुवात करणाºया पूजा शुक्ला यांना समाजवादी पाटीर्ने लखनऊच्या उत्तरेकडील मतदारसंघातून उमेदवारी दिली आहे.
२०१७ मध्ये भाजपा सरकार स्थापन झाल्यानंतर पूजा शुक्ला यांनी मुख्यमंत्री योगी आदित्यनाथ यांना लखनऊ विद्यापीठात जाताना काळे झेंडे दाखवले होते, त्यामुळे तिला अटक करून तुरुंगात पाठवण्यात आले होते. पूजा शुक्ला यांना २६ दिवस तुरुंगात राहावे लागले.
मुख्यमंत्री योगी आदित्यनाथ लखनऊ विद्यापीठात महाराणा प्रताप यांच्या पुतळ्याचे अनावरण करणार होते. त्यावेळी हसनगंज, लखनऊ विद्यापीठाआधी हनुमान सेतू मंदिराजवळ पोलीस स्टेशनसमोर समाजवादी पार्टीच्या विद्यार्थी सभेच्या नेत्या पूजा शुक्ला यांच्यासह काही विद्यार्थ्यांनी काळे झेंडे दाखवले होते. यादरम्यान 12 विद्यार्थ्यांना पोलिसांनी अटक करून तुरुंगात पाठवले होते.
पूजा शुक्ला यांना झेंडा दाखवणे त्यावेळी चांगलेच महागात पडले होते. लखनऊ विद्यापीठाचे नवीन सत्र सुरू असताना पूजा शुक्ला यांना अर्ज रद्द करावा लागला होता. त्यांना प्रवेश मिळाला नाही. त्यामुळे पूजा शुक्ला यांनी लखनऊ विद्यापीठात तब्बल दोन महिने संप पुकारला होता.
सध्या त्या समाजवादी विद्यार्थी सभेच्या माजी राष्ट्रीय उपाध्यक्षा आहेत. सरकारच्या धोरणांबाबत पूजा शुक्ला सतत आंदोलन करत असून यादरम्यान अनेक वेळा पोलिसांच्या लाठीचार्जमध्येही त्यांना दुखापत झाली आहे.
Big reward from Akhilesh Yadav to young woman showing black flags to Yogi Adityanath, direct candidature for Assembly
महत्त्वाच्या बातम्या
- राजकारण्यांची खुशामतखोरी कशाला? खाम नदी प्रकल्पाला माझे नाव नको… भाजप राष्ट्रीय सचिव विजया रहाटकरांनी औरंगाबाद आयुक्तांना लिहिले खरमरीत पत्र
- निर्मला सीतारामन यांच्या परखड प्रत्युत्तरानंतर काँग्रेसने चिदंबरम यांना उतरवले बजेटच्या मैदानात!!
- Budget 2022 : अर्थमंत्र्यांनी घोषणा केलेले डिजिटल विद्यापीठ म्हणजे काय?, काय-काय होणार फायदे? वाचा तुमच्या प्रत्येक प्रश्नाचे उत्तर
- Budget 2022 : इलेक्ट्रिक वाहनांसाठी सरकार आणणार बॅटरी स्वॅपिंग पॉलिसी, काय होणार फायदे? वाचा सविस्तर…