सर्वसामान्यांना दिलासा देत दिल्लीतील केजरीवाल सरकारने पेट्रोलचे दर कमी केले आहेत. बुधवारी झालेल्या मंत्रिमंडळाच्या बैठकीत व्हॅट कमी करण्याचा निर्णय घेण्यात आला, त्यानंतर एक लिटर पेट्रोल आठ रुपयांनी स्वस्त झाले आहे. बैठकीत दिल्ली सरकारने पेट्रोलवरील व्हॅट 30 टक्क्यांवरून 19.40 टक्क्यांवर आणला. यानंतर आज रात्रीपासून पेट्रोलचे दर आठ रुपयांनी कमी होणार आहेत. पेट्रोलचे नवे दर आज मध्यरात्रीपासून लागू होणार आहेत. दुसरीकडे, महाराष्ट्रात मात्र अद्यापही व्हॅटमध्ये कपात करण्याची प्रतीक्षा कायम आहे. Big news Petrol became cheaper by Rs 8 in Delhi, Kejriwal government slashed VAT drastically!
वृत्तसंस्था
नवी दिल्ली : सर्वसामान्यांना दिलासा देत दिल्लीतील केजरीवाल सरकारने पेट्रोलचे दर कमी केले आहेत. बुधवारी झालेल्या मंत्रिमंडळाच्या बैठकीत व्हॅट कमी करण्याचा निर्णय घेण्यात आला, त्यानंतर एक लिटर पेट्रोल आठ रुपयांनी स्वस्त झाले आहे. बैठकीत दिल्ली सरकारने पेट्रोलवरील व्हॅट 30 टक्क्यांवरून 19.40 टक्क्यांवर आणला. यानंतर आज रात्रीपासून पेट्रोलचे दर आठ रुपयांनी कमी होणार आहेत. पेट्रोलचे नवे दर आज मध्यरात्रीपासून लागू होणार आहेत.
या वर्षाच्या सुरुवातीपासूनच देशभरात पेट्रोल आणि डिझेलचे दर भडकले होते. अनेक दिवस तेलाच्या दरात वाढ केल्यानंतर अखेर दिवाळीच्या मुहूर्तावर केंद्र सरकारने जनतेला भेट दिली. सरकारने उत्पादन शुल्कात पाच आणि दहा रुपयांची कपात केली होती. यानंतर पेट्रोल आणि डिझेलचे दर कमी झाले. केंद्राच्या निर्णयानंतर एनडीएची सत्ता असलेल्या बहुतांश राज्यांनीही त्यांच्या राज्यातील पेट्रोल आणि डिझेलवरील व्हॅट कमी केला. काही दिवसांनी पंजाब, राजस्थान आणि छत्तीसगडच्या काँग्रेस सरकारनेही असाच निर्णय घेऊन जनतेला दिलासा दिला.
केजरीवाल मंत्रिमंडळाची ही बैठक सकाळी साडेअकरा वाजता झाली. तेल कंपन्यांनीही उत्पादन शुल्कात कपात केल्यानंतर पेट्रोल आणि डिझेलच्या दरात वाढ केलेली नाही. भारतीय पेट्रोलियम कंपनी इंडियन ऑइल कॉर्पोरेशन (IOCL) नुसार, 1 डिसेंबर रोजी पेट्रोल आणि डिझेलचे दर स्थिर राहिले. देशाची राजधानी दिल्लीत पेट्रोलचा दर 103.97 रुपये प्रति लिटर आहे, तर मुंबईत 109.98 रुपये प्रति लिटर आहे. मात्र, राजधानीत पेट्रोलचे दर आठ रुपयांनी कमी झाल्यानंतर मध्यरात्रीपासून नवे दर लागू होणार आहेत. तेल कंपन्यांनी गुरुवारी पेट्रोलच्या दरात कोणताही बदल न केल्यास एक लिटर पेट्रोल 95 रुपयांच्या आसपास उपलब्ध होईल. याशिवाय दिल्लीत 86.67 रुपये आणि मुंबईत 94.14 रुपये प्रतिलिटर डिझेल विकले जात आहे. याशिवाय कोलकात्यात पेट्रोलचा दर 104.67 रुपये आहे, तर डिझेल 89.79 रुपये प्रति लिटरने विकले जात आहे. त्याच वेळी, चेन्नईमध्येही पेट्रोल 101.40 रुपये तर डिझेल 91.43 रुपये प्रति लिटरवर स्थिर आहे.
ठाकरे सरकारकडून अद्यापही पेट्रोलवर दिलासा नाहीच
महाराष्ट्रात पेट्रोल-डिझेलवरील व्हॅट कमी होण्याची शक्यता अद्यापही धूसरच आहे. याचे प्रमुख कारण महाराष्ट्र हे पेट्रोल व डिझेलवर सर्वाधिक केंद्रीय उत्पादन शुल्क देणारे राज्य असूनही राज्याला मात्र त्या बदल्यात अत्यंत नाममात्र परतावा मिळतो, असे सांगितले जाते. मात्र, तरीही देशातील इतर अनेक राज्यांनी केंद्राच्या आवाहनानंतर आपापला व्हॅट कमी केल्याने तेथील पेट्रोल व डिझेलच्या दरांमध्ये मोठी कपात झाली आहे. आजची महागाईची स्थिती पाहता महाराष्ट्रातही व्हॅट कपात करून सर्वसामान्यांना दिलासा देण्याची मागणी होत आहे. राज्यात दररोज अंदाजे १.१५ कोटी लिटर पेट्रोल आणि २.३५ कोटी लिटर डिझेलची विक्री होते. महाराष्ट्रात पेट्रोलवर 31 रुपये 19 पैसे व्हॅट आहे.
सकाळी 6ला जाहीर होतात नवे दर
आंतरराष्ट्रीय बाजारात कच्च्या तेलाच्या किमतीच्या आधारावर पेट्रोल आणि डिझेलचे दर दररोज जाहीर केले जातात. तेल कंपन्या रोज सकाळी 6 वाजता तेलाच्या किमती जाहीर करतात. या किमती एसएमएसद्वारे कळू शकतात. यासाठी इंडियन ऑइलच्या (IOCL) ग्राहकांना RSP कोड लिहून ९२२४९९२२४९ या क्रमांकावर पाठवावा लागेल.
Big news Petrol became cheaper by Rs 8 in Delhi, Kejriwal government slashed VAT drastically!
महत्त्वाच्या बातम्या
- कोरोनाविरोधी लस घेतलेल्या लोकांवरच केरळमध्ये मोफत उपचाराचा निर्णय
- विज्ञानाची गुपिते : मुंग्या एका रांगेत शिस्तीत कशा जातात?
- विज्ञानाचे डेस्टीनेशन्स : पादचाऱ्यांच्या सुरक्षेसाठी आता चक्क मोटारीच्या बॉनेटजवळही एअर बॅग
- Weather Report : देशाच्या विविध भागांत पावसाचा अंदाज, चक्रीवादळ आंध्र-ओडिशाला झोडपणार, तर मुंबई-ठाणे- पालघरला मुसळधार पावसाचा इशारा