दिवाळी आणि छठ पूजेसाठी रेल्वेकडून प्रवाशांना मोठी भेट, २८३ स्पेशल ट्रेन धावणार

केंद्रीय  रेल्वे मंत्री अश्विनी वैष्णव यांनी ही माहिती दिली आहे.

विशेष प्रतिनिधी

नवी दिल्ली : भारतीय रेल्वेने दिवाळी आणि छठ पूजेसाठी 283 विशेष गाड्या चालवण्याची घोषणा केली आहे. जेणेकरुन आता दिवाळी आणि छठ पूजेच्या निमित्ताने घरी जाण्यासाठी सर्वसामान्यांना अडचणींचा सामना करावा लागणार नाही. Big gift from Railways to passengers for Diwali and Chhath Puja 283 special trains will run

दिवाळी आणि छठपूजेच्या मुहूर्तावर प्रवाशांची गर्दी वाढते हे सर्वांनाच माहिती आहेच. या काळात परिस्थिती इतकी भीषण होते की स्टेशन किंवा ट्रेनमध्ये पाय ठेवायलाही जागा नसते. अशा स्थितीत प्रवास करणे किती कठीण होऊन बसते हे समजू शकते. या पार्श्वभूमीवर रेल्वेने प्रवाशांच्या सोयीसाठी हे मोठे पाऊल उचलले आहे.

मिळालेल्या माहितीनुसार, भारतीय रेल्वेच्या या विशेष 283 गाड्या यावेळी सणासुदीला 4480 फेऱ्या करतील. खुद्द रेल्वे मंत्री अश्विनी वैष्णव यांनी ही माहिती दिली आहे. दक्षिण मध्य रेल्वेच्या ५८ गाड्या ४०४ फेऱ्या करणार आहेत. पश्चिम रेल्वेच्या 36 विशेष गाड्या जास्तीत जास्त 1267 फेऱ्या करतील. त्याच वेळी, उत्तर पश्चिम रेल्वेच्या 24 विशेष गाड्यांच्या 1208 फेऱ्या असतील. याशिवाय गर्दीवर नियंत्रण ठेवण्यासाठी नॉन-एसी वंदे भारत ट्रेन चालवली जाऊ शकते, अशीही बातमी समोर येत आहे.

Big gift from Railways to passengers for Diwali and Chhath Puja 283 special trains will run