जागतिक आरोग्य संघटना (WHO) आज मेड इन इंडिया कोविड-19 लस (कोव्हॅक्सिन) ला हिरवा झेंडा दाखवू शकते. इमर्जन्सी यूज लिस्ट (EUL) मध्ये भारत बायोटेकच्या कोव्हॅक्सिनचा समावेश करण्याच्या मुद्द्यावर WHOच्या तांत्रिक समितीची आज बैठक होणार आहे. यापूर्वी, समितीने लस बनवणाऱ्या भारत बायोटेक कंपनीकडून दोनदा स्पष्टीकरण मागवले आहे. Bharat Biotech Covaxin likely to get WHO approval today for emergency use
वृत्तसंस्था
नवी दिल्ली : जागतिक आरोग्य संघटना (WHO) आज मेड इन इंडिया कोविड-19 लस (कोव्हॅक्सिन) ला हिरवा झेंडा दाखवू शकते. इमर्जन्सी यूज लिस्ट (EUL) मध्ये भारत बायोटेकच्या कोव्हॅक्सिनचा समावेश करण्याच्या मुद्द्यावर WHOच्या तांत्रिक समितीची आज बैठक होणार आहे. यापूर्वी, समितीने लस बनवणाऱ्या भारत बायोटेक कंपनीकडून दोनदा स्पष्टीकरण मागवले आहे.
गेल्या आठवड्यात जागतिक आरोग्य संघटनेच्या (WHO) तांत्रिक सल्लागार गटाने भारत बायोटेकला आपत्कालीन वापराच्या यादीत भारतातील स्वदेशी अँटी-कोविड लस ‘कोव्हॅक्सिन’ समाविष्ट करण्यासाठी अंतिम “लाभ-जोखीम मूल्यांकन” करण्यास सांगितले होते. तांत्रिक सल्लागार गट आता अंतिम मूल्यांकनासाठी आज म्हणजेच 3 नोव्हेंबर रोजी भेटणार आहेत.
भारत बायोटेककडून दोनदा खुलासा
आधीच्या बैठकीबाबत, WHO ने म्हटले होते की, ‘तांत्रिक सल्लागार गटाने बैठकीत निर्णय घेतला की लसीचा जागतिक वापर लक्षात घेता अंतिम लाभ-जोखीम मूल्यांकनासाठी निर्मात्याकडून अतिरिक्त स्पष्टीकरण मागवले जाणे आवश्यक आहे.’ दुसऱ्यांदा जेव्हा WHO ने भारत बायोटेककडून स्पष्टीकरण मागितले होते. ग्लोबल हेल्थ एजन्सीने आधीच स्पष्ट केले आहे की ही, लस सुरक्षित आणि प्रभावी आहे याची खात्री करण्यासाठी तिचे कसून मूल्यांकन करणे आवश्यक आहे.
भारत बायोटेकच्या लसीला अनेक देशांची मान्यता
WHO ने आतापर्यंत 6 लसींना मान्यता दिली आहे. यामध्ये Pfizer/BioNtech’s Comirneti, AstraZeneca’s Covishield, Johnson & Johnson’s Vaccine, Moderna’s mRNA-1273, Sinopharm’s BBIBP-Corvi आणि Sinovac’s CoronaVac यांचा समावेश आहे.
तथापि, असे अनेक देश आहेत ज्यांनी आंतरराष्ट्रीय प्रवास सुलभ करण्यासाठी आणि प्रवाशांना त्यांच्या देशात प्रवेश करण्यासाठी कोव्हॅक्सिनला मान्यता दिली आहे. या देशांमध्ये गयाना, इराण, मॉरिशस, मेक्सिको, नेपाळ, पॅराग्वे, फिलिपाइन्स, झिम्बाब्वे, ऑस्ट्रेलिया, ओमान, श्रीलंका, एस्टोनिया आणि ग्रीस यांचा समावेश आहे. भारत बायोटेकची कोव्हॅक्सिन आणि अॅस्ट्राझेनेका-ऑक्सफर्ड युनिव्हर्सिटीची कोव्हिशील्ड या भारतात मोठ्या प्रमाणावर वापरल्या जाणार्‍या दोन लसी आहेत. ऑस्ट्रेलियाने आधीच कोव्हिशील्डला मान्यता दिली आहे.
Bharat Biotech Covaxin likely to get WHO approval today for emergency use
महत्त्वाच्या बातम्या
- मंदिराच्या सोन्यावर डोळा ठेवणारे तामीळनाडूचे मुख्यमंत्री स्टॅलीन यांना न्यायालयाचा दणका, सोने वितळविण्यास केली मनाई
- अफगणिस्थानच्या विजयावर भारताच्या आशा, तरच पोहोचू शकतो उपांत्य फेरीत
- एलपीजी सिलिंडर २६५ रुपयांनी महागला; दिवाळीच्या तोंडावरच गॅसचा उडाला भडका
- राज्य सरकार साडेसात दिवसच टिकणार; केंद्रीय मंत्री नारायण राणे यांचे खळबळजनक विधान