वृत्तसंस्था
लंडन : 2002च्या गोध्रा दंगलीवरील माहितीपटावर तीव्र टीकेला सामोरे जावे लागल्यानंतर यूकेमध्ये बीबीसीबाबत वाद सुरू झाला आहे. हे प्रकरण ‘जिहादी वधू’ शमीमा बेगम यांच्याबद्दल “सहानुभूतीपूर्ण” मानल्या जाणार्‍या माहितीपटाशी संबंधित आहे. त्यामुळे बीबीसीला आता देशांतर्गत पातळीवर विरोध होत आहे. बीबीसीच्या दर्शकांनीही त्यांच्या सदस्यतांचे नूतनीकरण न करण्याची धमकी दिली आहे. BBC kicked off by Brits Controversy now over documentary on Jihadi bride, glorifies young woman-turned-terrorist
2015 मध्ये इस्लामिक स्टेट (ISIS) मध्ये सामील होण्याचा निर्णय घेईपर्यंत शमीमा बेगम ही युनायटेड किंगडममध्ये राहणारी अज्ञात मुलगी होती. त्यावेळी ती अवघ्या 15 वर्षांची होती आणि तिच्या निर्णयाने जगाचे लक्ष वेधून घेतले. आता आठ वर्षांनंतर आता 23 वर्षांची असलेली ‘जिहादी वधू’ पुन्हा चर्चेत आली आहे. यावेळी ती बीबीसीच्या ‘द शमीमा बेगम स्टोरी’ या माहितीपटामुळे चर्चेत आहे.
शमीमा बेगमवर 90 मिनिटांचा माहितीपट
बीबीसीने शमीमा बेगमवर 90 मिनिटांची डॉक्युमेंट्री रिलीज केला आहे. मीडिया रिपोर्ट्सनुसार, डॉक्युमेंट्री बीबीसीच्या 10 भागांच्या पॉडकास्ट ‘आय अॅम नॉट अ मॉन्स्टर’ चा भाग आहे, यात बेगमच्या प्रवासाचा मागोवा घेण्यात आलेला आहे. पण IS दहशतवादी गटात सामील झाल्याचा पश्चात्ताप करणाऱ्या ‘जिहादी वधू’च्या सहानुभूतीपूर्ण प्रतिमेने यूकेमधील प्रेक्षक संतप्त झाले आहेत. 2002च्या गोध्रा दंगलीवरील माहितीपटावरून भारतात आधीच तीव्र प्रतिक्रियांचा सामना करणार्‍या ब्रिटिश ब्रॉडकास्टरसाठी घरच्या मातीवर संकट वाढले आहे.
सबस्क्रायबर्सचा सोडून जाण्याचा इशारा
यूकेमधील प्रेक्षकांनी त्यांच्या बीबीसी सबस्क्रिप्शनचे नूतनीकरण न करण्याची धमकी दिली आहे. त्यांचे म्हणणे आहे की, बीबीसीला हे काय होत आहे? तुम्ही आमच्याशी मस्करी करत आहात का? आम्ही आमच्या सबस्क्रिप्शन्स पुन्हा कधीच रिन्यू करणार नाही. यूकेमध्ये डॉक्युमेंट्री अद्याप चांगली चाललेली नाही. जिहादी वधूला असुरक्षित तरुण मुलगी म्हणून दाखविण्याचा प्रयत्न केल्याबद्दल प्रेक्षकांनी बीबीसीवर जोरदार टीका केली आहे.
त्या मुलीला पश्चात्ताप नाही
बीबीसी शमीमा बेगमला दिवसाचा स्लॉट का देत आहे, असा सवाल उपस्थितांनी केला. त्या मुलीला कोणताही पश्चात्ताप नाही, मग तिला आमच्या टीव्हीवर का पाहावे? तिच्याकडे एक पर्याय होता – तिने त्याची निवड केली.
दहशतवादी संघटनेत सामील झाल्याचा पश्चात्ताप
वास्तविक, इस्लामिक स्टेटची ‘जिहादी वधू’ असलेल्या शमीमा बेगमने दहशतवादी संघटनेत सामील झाल्याचा पश्चात्ताप झाला, असे म्हटले होते. दहशतवादाविरुद्धच्या लढाईत ब्रिटनला मदत करायची आहे, असे शमीमाने म्हटले होते. ती समाजासाठी उपयुक्त ठरू शकते, असे तिने बीबीसीशी बोलताना सांगितले. बीबीसीने दिलेल्या माहितीनुसार, शमीमावर इस्लामिक अतिरेकी संघटना इस्लामिक स्टेट (आयएस) मध्ये सक्रिय भूमिका बजावल्याचा आरोप आहे. राष्ट्रीय सुरक्षेच्या कारणावरून ब्रिटनने शमीमा बेगमचे नागरिकत्व काढून घेतले होते. तत्पूर्वी, शमीमा बेगम ही 15 वर्षीय किशोरवयीन मुलगी पूर्व लंडनच्या इतर दोन शाळकरी मुलींसह यूके सोडून सीरियाला गेली होती. तेथे गेल्यानंतर हे सर्वजण आयएसमध्ये सामील झाले होते. ती बांगलादेशी वंशाची ब्रिटिश नागरिक आहे.
BBC kicked off by Brits Controversy now over documentary on Jihadi bride, glorifies young woman-turned-terrorist
महत्वाच्या बातम्या
- तुर्कीचा भारतविरोध विसरून भारताची तुर्कीला मदत; तुर्की महिलेची भारतीय सैन्याच्या महिला अधिकाऱ्याला मिठी
- शेकडो विद्यार्थ्यी, सोशल मीडिया एन्फुएन्झर्सना आज मुंबईतून वंदे भारत एक्सप्रेसची मोफत सफर
- राज्यसभेत मोदींच्या भाषणात विरोधकांच्या घोषणाबाजीचे अडथळे, पण समाजातील लाभार्थ्यांना १०० % लाभाचा पंतप्रधानांचा निर्धार