वृत्तसंस्था
ढाका : Sheikh Hasina शेख हसीना यांच्या प्रत्यार्पणासाठी बांगलादेशने भारताला डिप्लोमॅटिक नोट पाठवली आहे. डेली स्टारच्या वृत्तानुसार बांगलादेशचे परराष्ट्र सल्लागार तौहीद हुसैन यांनी याला दुजोरा दिला आहे. हुसेन म्हणाले- आम्ही भारत सरकारला राजनैतिक पत्र पाठवले आहे. बांगलादेश सरकारला शेख हसीना यांनी पुन्हा कायद्याला सामोरे जावे असे वाटते.Sheikh Hasina
याआधी गृहविभागाचे सल्लागार जहांगीर आलम चौधरी यांनी माजी पंतप्रधान शेख हसीना यांच्या प्रत्यार्पणाची प्रक्रिया सुरू असल्याचे सांगितले होते. खरे तर 5 ऑगस्ट रोजी सत्तापालट झाल्यानंतर शेख हसीना यांनी पळून जाऊन भारतात आश्रय घेतला होता. तेव्हापासून त्या इथेच आहेत.
शेख हसीना यांना भारतातून परत आणण्याच्या मुद्द्यावर विचारले असता जहांगीर म्हणाले की, भारत आणि बांगलादेशमध्ये गुन्हेगारांच्या देवाणघेवाणीबाबत करार आहे. त्याच करारानुसार हे केले जाईल.
बांगलादेशातील सत्तापालटानंतर स्थापन झालेल्या युनूस सरकारने हसीना यांच्याविरुद्ध हत्या, अपहरणापासून देशद्रोहापर्यंत 225 हून अधिक गुन्हे दाखल केले आहेत. त्याचबरोबर बांगलादेश सरकारने भारतात असताना हसीना यांनी केलेली वक्तव्ये दोन्ही देशांमधील संबंध बिघडवत असल्याचा इशारा दिला आहे.
भारत आणि बांगलादेश यांच्यातील प्रत्यार्पण करार काय आहे?
सन 2013 ची ही गोष्ट आहे. भारताच्या ईशान्येकडील अतिरेकी गटाचे लोक बांगलादेशात लपून बसले होते. त्यांना बांगलादेशात आश्रय घेण्यापासून सरकारला रोखायचे होते. त्याचवेळी बांगलादेशच्या जमात-उल-मुजाहिदीन या प्रतिबंधित संघटनेचे लोक भारतात लपून बसले होते. या समस्येचा सामना करण्यासाठी दोन्ही देशांनी प्रत्यार्पण करार केला.
या अंतर्गत, दोन्ही देश एकमेकांच्या ठिकाणी आश्रय घेतलेल्या फरार लोकांना परत करण्याची मागणी करू शकतात. तथापि, यात एक पेच आहे की भारत राजकीयदृष्ट्या संबंधित प्रकरणांमध्ये एखाद्या व्यक्तीचे प्रत्यार्पण करण्यास नकार देऊ शकतो, परंतु जर त्या व्यक्तीवर खून, अपहरण यासारखे गंभीर गुन्हे नोंदवले गेले तर त्याचे प्रत्यार्पण थांबवता येणार नाही.
या करारामुळे बांगलादेशने 2015 मध्ये युनायटेड लिबरेशन फ्रंट ऑफ आसामचे नेते अनुप चेतिया भारताकडे सुपूर्द केले, असे ढाका ट्रिब्यूनने म्हटले आहे. भारताने आतापर्यंत बांगलादेशातून अनेक फरारी लोकांना परत पाठवले आहे.
2016 च्या करारातील दुरुस्तीनुसार, प्रत्यार्पण मागणाऱ्या देशाला गुन्ह्याचा पुरावा देण्याचीही आवश्यकता नाही. त्यासाठी न्यायालयाने जारी केलेले वॉरंट पुरेसे आहे. त्यामुळे हसीना यांच्या अडचणी वाढू शकतात.
Bangladesh demands India to send Sheikh Hasina back; 225 cases of treason against former PM
महत्वाच्या बातम्या
- Kejriwal : दिल्लीच्या नायब राज्यपालांचे केजरीवालांना पत्र; लिहिले- यमुनेच्या वाढत्या प्रदूषणाला तुम्हीच जबाबदार!
- Tamil Nadu : तामिळनाडूचे मंत्री बालाजी यांच्या जामीनाविरोधातील पुनर्विलोकन याचिका फेटाळली!
- AAP : निवडणुकीपूर्वी ‘आप’ला मोठा धक्का; माजी मंत्र्याने सोडली साथ अन् ‘या’ पक्षात केला प्रवेश!
- Shyam Benegal प्रसिद्ध चित्रपट निर्माता, दिग्दर्शक श्याम बेनेगल यांचे निधन!