ट्वीटरवर स्वत:च दिली आहे प्रतिक्रिया, जाणून घ्या काय म्हणाले आहेत?
विशेष प्रतिनिधी
राजस्थान : मध्य प्रदेश, राजस्थान आणि छत्तीसगडमध्ये मुख्यमंत्र्यांच्या नावावरून सस्पेन्स कायम आहे. त्याचवेळी निवडणूक निकालानंतर राजस्थानच्या मुख्यमंत्रीपदासाठी योगी बालकनाथ यांचे नावही पुढे येत होते. Baba Balaknath out of the Chief Ministers race in Rajasthan
दरम्यान, बालकनाथ यांच्या वक्तव्याने पुन्हा एकदा राजकीय हालचालींना वेग आला आहे. बालकनाथ यांनी X वर जे पोस्ट केले आहे त्यावरून ते मुख्यमंत्री पदाच्या शर्यतीतून बाहेर पडल्याचा अंदाज वर्तवला जात आहे.
योगी बालकनाथ यांनी X वर एका पोस्टमध्ये लिहिले आहे, ”पक्ष आणि पंतप्रधान नरेंद्र मोदी यांच्या नेतृत्वाखाली जनतेने पहिल्यांदाच खासदार आणि आमदार बनवून देशसेवा करण्याची संधी दिली. निवडणूक निकाल आल्यानंतर मीडिया आणि सोशल मीडियावर सुरू असलेल्या चर्चांकडे दुर्लक्ष करा. मला अजूनही पंतप्रधानांच्या मार्गदर्शनाखाली अनुभव घ्यायचा आहे.”
यापूर्वी ७ डिसेंबरचा दिवस राजस्थानच्या राजकारणात नवे वळण घेऊन आला होता. वसुंधरा राजे रात्री दिल्लीत पोहोचल्या. पत्रकारांनी विचारले असता त्यांनी सांगितले की, त्या आपल्या सुनेला भेटायला आल्या होत्या. मात्र त्यानंतर दुसऱ्या दिवशी राष्ट्रीय अध्यक्ष जेपी नड्डा यांची भेट घेतली. झालावाडचे खासदार आणि मुलगा दुष्यंत कुमारही तिथे होते. वसुंधरा यांनी नड्डा यांच्याशी सुमारे दीड तास चर्चा केली. बाहेर आल्यावर त्या हसत हसत पत्रकारांच्या प्रश्नांना उत्तरे न देता निघून गेल्या.
त्यानंतरच्या घडामोडी देखील मनोरंजक होत्या. नड्डा केंद्रीय गृहमंत्री अमित शहा यांच्या निवासस्थानी पोहोचले. तिजारामधून बंपर विजय मिळवणारे फायर ब्रँड नेते महंत बालकनाथ यांनी दुपारी खासदारकी सोडली होती. यानंतर त्यांनी अमित शाह यांचीही भेट घेतली आणि आता बालकनाथ यांचे वक्तव्य समोर आले आहे.
Baba Balaknath out of the Chief Ministers race in Rajasthan
महत्वाच्या बातम्या
- गाझामध्ये तत्काळ युद्धबंदीचा संयुक्त राष्ट्रांचा ठराव नाही झाला मंजूर ; करण अमेरिकेच्या…
- तेलंगणात धर्मनिरपेक्षता टांगली खुंटीवर; काँग्रेसने AIMIM घेतली मांडीवर!!; अकबरुद्दीन ओवैसींना नेमले प्रोटेम स्पीकर!!
- गुगलने लाखोंची फसवणूक करणारे ॲप डिलीट केले; पहा संपूर्ण यादी!
- अफगाणिस्तानच्या गृहमंत्र्यांनी वापरला पाकिस्तानी पासपोर्ट; ISIच्या सांगण्यावरून इम्रान सरकारने सोडले