Attacks on BJP workers : बंगालमधील विधानसभा निवडणुकीनंतर राजकीय हिंसाचाराची मालिका सुरू झाली आहे. निकालाच्या दिवशीच कोलकातामधील भाजप कार्यालयाला आग लावण्यात आली. सोमवारी पक्षाच्या दोन कार्यकर्त्यांची हत्या केल्याचीही बातमी आली. गृहमंत्रालयाने विरोधी पक्षातील कार्यकर्त्यांना लक्ष्य करण्याबाबत बंगाल सरकारकडे अहवाल मागवला आहे. Attacks on BJP workers in the state after Bengal election results, 9 killed; Report requested by the Ministry of Home Affairs
विशेष प्रतिनिधी
कोलकाता : बंगालमधील विधानसभा निवडणुकीनंतर राजकीय हिंसाचाराची मालिका सुरू झाली आहे. निकालाच्या दिवशीच कोलकातामधील भाजप कार्यालयाला आग लावण्यात आली. सोमवारी पक्षाच्या दोन कार्यकर्त्यांची हत्या केल्याचीही बातमी आली. गृहमंत्रालयाने विरोधी पक्षातील कार्यकर्त्यांना लक्ष्य करण्याबाबत बंगाल सरकारकडे अहवाल मागवला आहे.
निवडणुकीनंतर सुरू झालेल्या हिंसाचारात 24 तासांत 9 जणांचा मृत्यू झाल्याचा दावा प्रदेशाध्यक्ष दिलीप घोष यांनी केला. राज्यात भीतीचे वातावरण आहे. सत्ताधारी पक्ष हात जोडून बसलेला आहे. पोलीस मदत करत नाहीत. या विषयावर आम्ही राज्यपालांना भेटलो. त्यांनी कारवाईचे आश्वासन दिले आहे.
भाजपचे राष्ट्रीय प्रवक्ते संबित पात्रा यांनी सोशल मीडियावर हल्ल्याचा व्हिडिओ पोस्ट केला. यामध्ये विजयाचा आनंद साजरा करणारे काही लोक घरात घुसून तोडफोड करताना दिसत आहेत.
भाजप कार्यालयावर हल्ला
उत्तर 24 परगणा जिल्ह्यातील भटपारा येथे भाजप कार्यालय आणि काही दुकानांवर काही लोकांनी हल्ला केला आणि तोडफोड केली. यावेळी बॉम्बही टाकण्यात आले. एका व्यक्तीने सांगितले की, टीएमसीच्या गुंडांनी माझे दुकान लुटले. येथे किमान 10 बॉम्ब टाकण्यात आले आहेत. कूचबिहारमधील सीतलकुचीतही हिंसाचार झाल्याच्या बातम्या आल्या आहेत. नंदीग्राममध्ये भाजप कार्यालयाची तोडफोड करण्यात आली. हल्दियात रविवारी सायंकाळी काही गुंडांनी माध्यम प्रतिनिधींनाही मारहाण केली.
राज्यपालांनी पोलीस अधिकाऱ्यांना जाब विचारला
राज्यात जाळपोळ, लूटमार आणि हिंसाचाराच्या वाढत्या घटना लक्षात घेता राज्यपाल जगदीप धनकर यांनी सोमवारी पोलीस महासंचालक (डीजीपी) आणि कोलकाता पोलीस आयुक्तांना कायदा व सुव्यवस्थेच्या परिस्थितीवर बोलण्यासाठी बोलावले. ते म्हणाले की, राज्यात झालेल्या हत्या निकालानंतर धोकादायक परिस्थितीचे लक्षण आहे. पोलीस अधिकार्‍यांना कायद्याचे राज्य पुनर्संचयित करण्यासाठी सर्व पावले उचलण्यास सांगितले गेले आहे.
राज्यपालांनी सांगितले की, निवडणुकीनंतर राजकीय हिंसाचारात 9 जणांचा मृत्यू होतो हे अत्यंत वाईट आहे. बरेच लोक जखमी झाले आहेत. अशा राजकीय हिंसाचार आणि अराजकतेकडे दुर्लक्ष करता येणार नाही. त्यांनी शांतता राखण्याचे आवाहन केले.
Attacks on BJP workers in the state after Bengal election results, 9 killed; Report requested by the Ministry of Home Affairs
महत्त्वाच्या बातम्या
- मन सुन्न करणारा व्हिडिओ, हत्येपूर्वी भाजप कार्यकर्त्याने 2 वेळा केले फेसबुक लाइव्ह, सांगितले तृणमूलच्या गुंडांचे क्रौर्य
- भावी डॉक्टर, नर्स बनणार आता कोव्हिड योद्धे; 100 दिवस सेवा केल्यास शासकीय नोकरीही
- कोरोनाची सौम्य लक्षणं असल्यास सिटी स्कॅनचा फायदा नाही ; डॉ. रणदीप गुलेरिया यांचा इशारा
- बंगाल निकालानंतर 24 तासांत हिंसाचारात 5 भाजप कार्यकर्त्यांचा बळी, राज्यपालांनी डीजीपींना बोलावले
- केंद्र सरकारचे सीरमला सर्वोत्परी सहकार्य ; आदर पूनावाला यांचे स्पष्टीकरण