काँग्रेसचे प्रदेशाध्यक्ष भूपेन कुमार बोरा भाजपमध्ये प्रवेश करणार असल्याचेही ते म्हणाले
विशेष प्रतिनिधी
आसामचे मुख्यमंत्री हिमंता बिस्वा सरमा यांनी असा दावा केला आहे की 2026 पर्यंत आसाममध्ये काँग्रेसचा एकही नेता उरणार नाही. काँग्रेसचे प्रदेशाध्यक्ष भाजपमध्ये प्रवेश करणार असल्याचे ते म्हणाले. काँग्रेस खासदार राहुल गांधी यांचे भवितव्य ‘अंधारात’, राज्यातील सर्वात जुना पक्ष 2026 पर्यंत संपुष्टात येणार आहे.Assam will not have a single Congress leader by 2026 Himanta Biswa Sarma
याचबरोबर “काँग्रेस प्रदेशाध्यक्ष भूपेन कुमार बोरा जानेवारी 2025 मध्ये भाजपमध्ये प्रवेश करणार आहेत. त्यांच्यासाठी मी 2 मतदारसंघ निश्चित केले आहेत. सर्व नेते आपल्या हातात आहेत. जेव्हा गरज असेल तेव्हा मी त्यांना घेऊन येईन. ” असंही म्हटलं आहे.
आसाममधील लखीमपूर जिल्ह्यातील नौबोइचा येथील आमदार भरत चंद्र नारा यांनी सोमवारी आपल्या पत्नीला लोकसभा निवडणुकीसाठी तिकीट न दिल्याने काँग्रेसचा राजीनामा दिला होता. दोन दिवसांपूर्वी काँग्रेसने उदय शंकर हजारिका यांना लखीमपूर लोकसभा मतदारसंघातून पक्षाचे उमेदवार म्हणून घोषित केले होते. या जागेवरून काँग्रेस माजी केंद्रीय मंत्री राणी नारा यांना तिकीट देईल, अशी आशा नारा यांना होती. त्यांच्या पत्नी राणी नारा तीन वेळा लखीमपूरमधून खासदार आणि एकदा राज्यसभेच्या सदस्यही होत्या.
पक्षाच्या सूत्रांनी सांगितले की राणी नारा आणि हजारिका लखीमपूरमधून तिकिटाची मागणी करत होते, हजारिका यांनी काही महिन्यांपूर्वी सत्ताधारी भाजपमधून काँग्रेसमध्ये प्रवेश केला होता.
Assam will not have a single Congress leader by 2026 Himanta Biswa Sarma
महत्वाच्या बातम्या
- पंतप्रधान मोदींनी मॉस्को दहशतवादी हल्ल्याचा केला निषेध, रशियाला सहकार्याचे दिले आश्वासन
- केमिकल फॅक्टरीला भीषण आग, बॉयलरचा स्फोट होऊन ५ कामगारांचा मृत्यू
- काँग्रेसने 46 उमेदवारांची चौथी यादी केली जाहीर, महाराष्ट्रातील केवळ चार जागांचा समावेश!
- बँक खाती गोठवल्या प्रकरणी ‘…तर ही परिस्थिती उद्भवली नसती’ म्हणत संबित पात्राचा काँग्रेसला टोला